សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ទីផ្សារអចលនទ្រព្យរបស់ប្រទេសកម្ពុជានាពេលបច្ចុប្បន្ននៅតែរក្សាបានភាពល្អប្រសើរ និងមានសកម្មភាពយ៉ាងមមាញឹក។ អាស្រ័យដោយមើលឃើញពីភាពជាក់ស្ដែង EuroCham នឹងរៀបចំធ្វើជាម្ចាស់ផ្ទះនៃវេទិកាកិច្ចពិភាក្សាស៊ីជម្រៅកម្រិតខ្ពស់មួយដែលប្រារព្ធនៅថ្ងៃពុធទី១៩ ខែវិច្ឆិកា ឆ្នាំ២០២៥ ចាប់ពីម៉ោង ២ ដល់ម៉ោង ៥រសៀល នៅសណ្ឋាគារ Shangri La Phnom Penh ក្រោមការចូលរួមពីសំណាក់បណ្តាអ្នកវិនិយោគ និងក្រុមហ៊ុនអភិវឌ្ឍន៍វិស័យលំនៅដ្ឋានល្បីៗជាច្រើន ព្រមទាំងមន្ត្រីរាជរដ្ឋាភិបាលផងដែរ។
វេទិកានេះត្រូវបានរៀបចំឡើងក្នុងគោលបំណងកំណត់ពីយុទ្ធសាស្ត្រនិន្នាការថ្មី ដើម្បីលើកកម្ពស់វិស័យអចលនទ្រព្យរបស់ប្រទេសកម្ពុជាឱ្យកាន់តែល្អប្រសើរ ខណៈដែលទាំងសំណង់អគារលំនៅដ្ឋានប្រណីត ក៏ដូចជាសំណង់សណ្ឋាគារខ្នាតអន្តរជាតិ ត្រូវបានគ្រប់គ្រងដោយក្រុមហ៊ុនជំនាញដែលមានបទពិសោធន៍ និងកេរ្តិ៍ឈ្មោះល្បីល្បាញ ដែលកំពុងទទួលបានការចាប់អារម្មណ៍នៅទូទាំងអាស៊ីអាគ្នេយ៍។
ជាមួយគ្នានេះផងដែរ តាមរយៈវេទិកានេះនឹងផ្តល់ឱកាសដល់បណ្តាលក្រុមហ៊ុនអភិវឌ្ឍន៍ ក៏ដូចជាអ្នកវិនិយោគមានឱកាសស្វែងយល់ពីទីផ្សារអចលនទ្រព្យនៅកម្ពុជា ជាពិសេសវិស័យលំនៅដ្ឋានបែបប្រណីត ដើម្បីស្វែងរកដៃគូសហការរួមគ្នាក្នុងរយៈពេលវែង ដែលអាចទទួលបានផលប្រយោជន៍រួមគ្នានាពេលអនាគត។
សូមជម្រាបដែរថា នៅក្នុងព្រឹត្តិការណ៍ដ៏អស្ចារ្យមួយនេះ នឹងមានការឡើងថ្លែងសុន្ទរកថាស្វាគមន៍ពីសំណាក់ លោក Charles Amar អនុប្រធានគណៈកម្មាធិការអចលនទ្រព្យ និងសំណង់របស់ EuroCham រួមជាមួយការឡើងថ្លែងសុន្ទរកថាដ៏សំខាន់មួយពីសំណាក់ឯកឧត្តម លោក នី ផល្លី រដ្ឋលេខាធិការក្រសួងទេសចរណ៍ ដែលបញ្ជាក់ពីចក្ខុវិស័យរបស់រដ្ឋាភិបាលសម្រាប់ការលើកកម្ពស់វិស័យអចលនទ្រព្យលំដាប់ខ្ពស់ឱ្យស្របទៅនឹងប្រព័ន្ធអេកូឡូស៊ីទេសចរណ៍ និងបដិសណ្ឋារកិច្ចដែលកំពុងរីកចម្រើនរបស់កម្ពុជា។
ក្រៅពីនេះ ក៏មានការរៀបចំកិច្ចពិភាក្សាស៊ីជម្រៅមួយចំនួនក្រោមប្រធានបទទី១ «ហេតុអ្វីបានជាម៉ាកយីហោល្បីៗលំដាប់អន្តរជាតិ កំពុងចូលទៅក្នុងទីផ្សារលំនៅដ្ឋាន និងសក្តានុពលវិនិយោគសម្រាប់អ្នកអភិវឌ្ឍន៍នៅកម្ពុជា» ដោយផ្តោតទៅលើការស្វែងយល់ពីស្ថានភាពសេដ្ឋកិច្ច កត្តាជំរុញឱ្យមានតម្រូវការ និងគំរូភាពជាដៃគូនៅពីក្រោយនិន្នាការកើនឡើងយ៉ាងឆាប់រហ័ស ជាមួយនឹងវត្តមានវាគ្មិនមកពីក្រុមហ៊ុន Frasers Hospitality, Khou Group, Brand Atlas និង Global Branded Residences។ ប្រធានបទទី២ «បទពិសោធនៃការរៀបចំម៉ាកយីហោ» ដែលនឹងពិនិត្យមើលពីរបៀបនៃការកសាងរចនាសម្ព័ន្ធ និងបទពិសោធន៍ក្នុងការលើកកម្ពស់ម៉ាកយីហោអចលនទ្រព្យ ក្រោមការសម្របសម្រួលដោយលោក Richard Stevens នាយកប្រតិបត្តិក្រុមហ៊ុន Sectorlight និងមានការចូលរួមពីថ្នាក់ដឹកនាំមកពី OCIC, Santhaya, Sectorlight និង The One Atelier ផងដែរ ។
បន្ទាប់ពីពីបញ្ចប់វេទិការពិភាក្សាស៊ីជម្រៅទៅលើប្រធានបទទាំង២ខាងលើនេះ នឹងមានការរៀបចំពិធីទទួលទានអាហារពេលល្ងាច ដែលជាឱកាសធ្វើទំនាក់ទំនង និងកសាងបណ្តាញរវាងអ្នកជំនាញវិស័យអចលនទ្រព្យ អ្នកវិនិយោគ ថ្នាក់ដឹកនាំក្រុមហ៊ុនដែលមានម៉ាកយីហោល្បីៗ ដើម្បីផ្លាស់ប្តូរបទពិសោធន៍ និងលើកកម្ពស់កិច្ចសហការថ្មីៗនៅក្នុងវិស័យអចលនទ្រព្យដែលកំពុងមានវឌ្ឍនភាពនៅកម្ពុជាផងដែរ៕
Account
Security
Favourite Content