សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ តម្លៃទីផ្សាររបស់ក្រុមហ៊ុន Samsung Electronics Co. បានកើនឡើងដល់ ១ ទ្រីលានដុល្លារ ពោលគឺកើនឡើងជាង ៤ បួនដងធៀបទៅនឹងឆ្នាំមុន នេះបើយោងតាមសេចក្ដីរាយការណ៍ពី Bloomberg។
កាលពីថ្ងៃពុធ សប្ដាហ៍នេះ ភាគហ៊ុនរបស់ Samsung បានកើនឡើង ១៤% ដែលធ្វើឱ្យតម្លៃទីផ្សាររបស់ក្រុមហ៊ុនហក់ឡើងដល់ ១ ទ្រីលានដុល្លារ និងក្លាយជាក្រុមហ៊ុនអាស៊ីដេលមានតម្លៃទី២ បន្ទាប់ពីក្រុមហ៊ុន Taiwan Semiconductor Manufacturing Co.។ តម្លៃភាគហ៊ុនរបស់ Samsung កើនឡើងខ្លាំងលើសពីការរំពឹងទុកដោយសារកត្តាសំខាន់ៗមួយចំនួនដូចជា តម្រូវការបន្ទះឈីបបញ្ញាសិប្បនិម្មិត (AI) និងទំនុកចិត្តពីអ្នកវិនិយោគ។ ការកើនឡើងនៃតម្លៃទីផ្សារត្រូវបានជំរុញដោយវិនិយោគិនបរទេស ដោយសារកិច្ចព្រមព្រៀងរវាងឈ្មួញកណ្តាលអន្តរសកម្ម និងក្រុមហ៊ុន Samsung Securities អនុញ្ញាតឱ្យវិនិយោគិនអាម៉េរិកអាចទិញភាគហ៊ុនកូរ៉េបានដោយផ្ទាល់។ ការកើនឡើងនៃភាគហ៊ុន Samsung ក៏បានជំរុញដល់សន្ទស្សន៍ផ្សារភាគហ៊ុនកូរ៉េខាងត្បូង Kospi កើនឡើងជាង ៦% ផងដែរ។ ទីផ្សារភាគហ៊ុនកូរ៉េខាងត្បូង Kospi កំពុងមានភាពទាក់ទាញខ្លាំងពីវិនិយោគបរទេសដែលដណ្តើមគ្នាទិញភាគហ៊ុនដែលពាក់ព័ន្ធនឹងបច្ចេកវិទ្យា AI ដោយការទិញភាគហ៊ុនសុទ្ធកើនឡើងដល់ ៣,១ ទ្រីលានវ៉ុន (២,១ ពាន់លានដុល្លារ)។ មិនត្រឹមតែប៉ុណ្ណោះ តម្លៃប្រាក់វ៉ុនរបស់កូរ៉េខាងត្បូងកើនឡើងច្រើនជាង ១% ធៀបនឹងប្រាក់ដុល្លារអាម៉េរិក។
កាលប៉ុន្មានថ្ងៃមុន Samsung បង្ហាញពីរបាយការណ៍ប្រាក់ចំណេញក្នុងត្រីមាសខែមីនាបានកើនឡើងដល់ ៤៨ ដង ដោយសារការកើនឡើងនៃការបញ្ជាទិញបន្ទះឈីបសម្រាប់មជ្ឈមណ្ឌលផ្ទុកទិន្នន័យ AI។ ក្រុមអ្នកវិភាគព្យាករណ៍ថា បន្ទះឈីបនឹងបន្តរកប្រាក់ចំណេញឱ្យ Samsung នៅត្រីមាសបន្តបន្ទាប់ទៀត ដោយសារតម្លៃឈីបនឹងបន្តឡើងថ្លៃចំពេលដែលការផ្គត់ផ្គង់មានកម្រិត។ ទន្ទឹមនឹងនេះ ក្រុមហ៊ុន Apple Inc កំពុងពិភាក្សាជាមួយនឹង Samsung អំពីសមត្ថភាពបចេ្ចកទេស កាផលិតបន្ទះឈីប និងខ្សែសង្វាក់ផលិតកម្មនៅអាម៉េរិក ដែលជាជម្រើសបន្ទាប់បន្សំពីដៃគូយូរឆ្នាំ TSMC ។
លោក Sam Konrad ប្រធានវិនិយោគនៅក្រុមហ៊ុន Jupiter Asset Management លើកឡើងថា ទោះបីជាតម្លៃភាគហ៊ុនរបស់ Samsung ឡើងថ្លៃខ្ពស់ខ្លាំងថ្មីៗនេះក៏ដោយ ប៉ុន្តែវានៅតែជាឱកាសវិនិយោគដ៏ទាក់ទាញសម្រាប់អ្នកដែលមិនទាន់បានទិញ។ កំណើននេះនឹងមិនទាន់បញ្ឈប់ត្រឹមនេះទេ គឺវានឹងបន្តកើនឡើងទៀត ដោយសារស្ថានភាពផ្គត់ផ្គង់ឈីបបច្ចុប្បន្នមានកម្រិត ដែលធ្វើឲ្យវាមានតម្រូវការកាន់តែខ្ពស់។ Samsung ធ្លាប់លើកឡើងដែរថា ការផ្គត់ផ្គង់ និងតម្រូវការនៅឆ្នាំ ២០២៧ នឹងកាន់តែតឹងរ៉ឹងជាងឆ្នាំ ២០២៦។ ដូច្នេះហើយ តម្លៃបន្ទះឈីបប្រភេទ NAND និង DRAM ទំនងជាបន្តឡើងថ្លៃទៀតនៅថ្ងៃខាងមុខ។
បច្ចុប្បន្ននេះ Samsung រួមជាមួយនឹងក្រុមហ៊ុន Memory Peer SK Hynix Inc. និង TSMC របស់កោះតៃវ៉ាន់ស្ថិតនៅចំណុចស្នូលនៃការផ្លាស់ប្តូរ ដែលបានធ្វើឱ្យអាស៊ីក្លាយជាមូលដ្ឋានគ្រឹះនៃប្រព័ន្ធអេកូឡូស៊ី AI សកល និង ការផលិតបន្ទះឈីបដែលមានភាពលេចធ្លោ។ ការផ្លាស់ប្តូរនេះជំរុញឱ្យភាគហ៊ុនរបស់ក្រុមហ៊ុនបច្ចេកវិទ្យាក្នុងតំបន់ដូចជា SK Hynix និង TSMC របស់កោះតៃវ៉ាន់កើនឡើងដល់កម្រិតខ្ពស់ផងដែរ ដោយសារវិនិយោគិនកំពុងមានតម្រូវការខ្ពស់សម្រាប់បន្ទះឈីបកម្រិតខ្ពស់ និងសមត្ថភាពកុំព្យូទ័៕
Account
Security
Favourite Content