សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ កិច្ចព្រមព្រៀងជាប្រវត្តិសាស្ត្រក្នុងការផ្តល់បច្ចេកវិទ្យានុយក្លេអ៊ែរស៊ីវិលអាមេរិក ទៅឱ្យអារ៉ាប៊ីសាអូឌីត នឹងត្រូវផ្អែកលើលក្ខខណ្ឌដ៏តឹងរ៉ឹងមួយ ហើយ រដ្ឋាភិបាលទីក្រុងរីយ៉ាត នៃប្រទេសអារ៉ាប៊ីសាអូឌីត ចាំបាច់ត្រូវតែទទួលស្គាល់អ៊ីស្រាអែល ថាជាផ្នែកមួយនៃការទទួលយកបច្ចេកវិទ្យានុយក្លេអ៊ែរពីអាមេរិក។ នេះបើយោងតាមសេចក្ដីប្រកាសរបស់សេតវិមានអាមេរិក កាលពីថ្ងៃព្រហស្បតិ៍សប្ដាហ៍នេះ។
នៅក្រោមក្របខណ្ឌនៃគម្រោងបច្ចេកវិទ្យាដែលតម្លៃរាប់ពាន់លានដុល្លារ ប្រទេសអារ៉ាប៊ីសាអូឌីត អាចប្រើប្រាស់បានទាំងបច្ចេកវិទ្យា ទាំងឧបករណ៍ និងអ្នកជំនាញបច្ចេកទេសរបស់អាមេរិក ដើម្បីបង្កើតកម្មវិធីថាមពលនុយក្លេអ៊ែរស៊ីវិលនៅក្នុងស្រុករបស់ខ្លួន។ ប៉ុន្តែទោះជាយ៉ាងណាក៏ដោយ ទីក្រុងវ៉ាស៊ីនតោន បានបញ្ជាក់យ៉ាងច្បាស់ថា ការផ្ទេរបច្ចេកវិទ្យានេះអាចប្រព្រឹត្តទៅបាន លុះត្រាតែព្រះរាជាណាចក្រអារ៉ាប៊ីសាអូឌីត ព្រមទទួលស្គាល់អ៊ីស្រាអែលថាជាផ្នែកនៃការទទួលយកបច្ចេកវិទ្យានុយក្លេអ៊ែរពីអាមេរិកនៅក្នុងកិច្ចព្រមព្រៀងដែលគេស្គាល់ថា Abraham Accords ហើយត្រូវតែបង្កើតទំនាក់ទំនងការទូតពេញលេញជាមួយអ៊ីស្រាអែល។
អ្នកនាំពាក្យសេតវិមាន លោកស្រី Karoline Leavitt បានប្រាប់ក្រុមអ្នកសារព័ត៌មានថា៖ កិច្ចព្រមព្រៀងនេះត្រូវបានភ្ជាប់ទៅនឹងលក្ខខណ្ឌដូចដែលបានលើកឡើងខាងលើនេះដែលជាគំនិតរបស់លោកប្រធានាធិបតី Donald Trump។ ដូច្នេះ អាមេរិក នឹងបន្តពិភាក្សាជាមួយភាគីអារ៉ាប៊ីសាអូឌីត ដើម្បីបញ្ចប់កិច្ចព្រមព្រៀង ហើយសង្ឃឹមថា លទ្ធផលនឹងអាចលេចចេញជាវិជ្ជមាននាពេលខាងមុខនេះមិនខាន។
ប្រភពដដែលសរសេរទៀតថា សម្រាប់លក្ខខណ្ឌនេះ វានឹងក្លាយទៅជាប្រធានបទប្រឈមទៅនឹងការទូតសម្រាប់ទីក្រុងរីយ៉ាត ដោយថ្នាក់ដឹកនាំអារ៉ាប៊ីសាអូឌីត រួមទាំងព្រះអង្គម្ចាស់រាជទាយាទ Mohammed bin Salman កន្លងមកតែងតែរក្សាជំហរយ៉ាងមុតម៉ាំថា ការទទួលស្គាល់អ៊ីស្រាអែលជាផ្លូវការ នឹងមិនអាចកើតមានឡើងបានឡើយ ប្រសិនបើការបង្កើតរដ្ឋប៉ាឡេស្ទីនឯករាជ្យមិនត្រូវបាននោះ។
គួររំលឹកដែរថា គោលបំណងជំរុញឱ្យ អារ៉ាប៊ីសាអូឌីត ទទួលស្គាល់ អ៊ីស្រាអែល និងមិនមានការរើសអើងនេះ ត្រូវបានធ្វើឡើងតាំងពីដើមអាណត្តិរបស់លោកប្រធានាធិបតីអាមេរិក Donald Trump មកម៉្លេះ ហើយលក្ខណ្ឌនៃកិច្ចព្រមព្រៀងនេះដែរ ក៏ជាស៊េរីនៃការសម្របសម្រួលការទូត ក៏ដូចជាទំនាក់ទំនងផ្លូវការរវាងអ៊ីស្រាអែល និងប្រជាជាតិអារ៉ាប់ រួមមាន អារ៉ាប់រួម បារ៉ែន ម៉ារ៉ុក និងស៊ូដង់ ជាដើម៕
Account
Security
Favourite Content