បច្ចេកទេសដាំបន្លែលើទឹកសំខាន់ៗដែលគេនិយមប្រើ និងទទួលបានទិន្នផលខ្ពស់

បន្លែ ជាអាហារដ៏សំខាន់សម្រាប់ទ្រងទ្រង់ការហូបចុកប្រចាំថ្ងៃ ព្រោះវាផ្ដល់នូវអាហារូបត្ថម្ភចាំបាច់ជាច្រើនសម្រាប់ការលូតលាស់របស់រាងកាយតាមរយៈវីតាមីន អាស៊ីតសរីរាង្គ និងសារធាតុខនិច។ បច្ចុប្បន្ន គេកំពុងយកចិត្តទុកដាក់ជាខ្លាំងទៅលើការផ្គត់ផ្គង់បន្លែស្អាត និងមានសុវត្ថិភាព ហើយបច្ចេកទេសដាំ ថែទាំ ដែលថ្មី ប្លែក មិនចាំបាច់ត្រូវការផ្ទៃដីធំទូលាយពេកនោះទេ ប៉ុន្តែក៏អាចទទួលបានទិន្នផលល្អ និងច្រើនផងដែរ នោះគឺការដាំបន្លែលើទឹក។

បច្ចេកទេសដាំបន្លែលើទឹក ជាការដាំបន្លែមួយប្រភេទដែលមានលាយជាមួយសូលុយស្យុងជី ដោយមិនប្រើដីនោះឡើយ។ ការដាំបែបនេះ គេត្រូវការសម្ភារសំខាន់ៗដូចជា កញ្ច្រែងដាំ ស្រកីដូង អេប៉ុង ស្នោ អង្កាម គ្រួស ថាសបណ្ដុះកូន សូលុយស្យុងជី និងទឹក។ វិធីដាំបន្លែលើទឹកមានច្រើន តែវិធីដែលគេនិយមជាងគេគឺ ដាំលើទឹកនៅស្ងៀម(Deep Water Culture) ដាំលើទឹកដែលហូរចុះឡើង(Nutrient Film Technique) និងដាំលើទឹកដែលមានចិញ្ចឹមត្រី(Aquaponics)។

ចំពោះការដាំបន្លែលើទឹកនៅស្ងៀម ជាវិធីសាមញ្ញដែលចំណាយតិច សមស្របសម្រាប់កសិករដែលមានទំហំផលិតកម្មតូច ព្រោះឧបករណ៍ដែលគេត្រូវប្រើគឺឧបករណ៍បូមខ្យល់ដើម្បីឱ្យទឹកមានចលនា ឬមានពពុះដើម្បីផ្ដល់អុកស៊ីសែនដល់ឫសដំណាំ។ ឯសូលុយស្យុងជីដែលនៅក្នុងធុងស្នោត្រូវបានបញ្ជូនជាបន្តបន្ទាប់ទៅក្នុងអាង ឬធុង ដែលមានថ្នាលដំណាំនៅពីលើ។

សម្រាប់ការដាំបន្លែលើទឹកដែលហូរចុះឡើង ជាវីធីដែលគេនិយមដាំបន្លែទ្រង់ទ្រាយធំ ឬជាពាណិជ្ជកម្ម ដែលចំណាយដើមទុនច្រើន ដោយសារការដាំរបៀបនេះ ដំណាំអាចលូតលាស់បានលើទឹក តាមរន្ធទុយោ ដោយសូលុយស្យុងជីត្រូវហូរចុះឡើងកាត់ឫសដំណាំ។

ចំណែកឯការដាំបន្លែលើទឹកដែលមានចិញ្ចឹមត្រីវិញ ក្នុងប្រព័ន្ធនេះរួមមាន ថ្នាលដំណាំ អាងចិញ្ចឹមត្រី ធុងជី តម្រងចម្រោះជីវសាស្ត្រ ផ្ទាំងសូឡា អាគុយ ម៉ូទ័របូម និងទុយោ។ គេត្រូវដាក់ឱ្យដំណាំត្រូវពន្លឺថ្ងៃប្រមាណ ៥-៦ម៉ោង ក្នុងមួយថ្ងៃដើម្បីឱ្យវាធ្វើរស្មីសំយោគ ក្នុងករណីអាកាសធាតុក្ដៅខ្លាំង គួរបាញ់ទឹកលើវា ២-៣ដង ក្នុងមួយថ្ងៃទើបបន្លែមានពណ៌បៃតងស្រស់។ បន្លែដែលគេអាចដាំបានរួមមាន សាឡាត់ ប៉េងបោះ ត្រសក់ ស្ពៃក្ដោប ដែលអាចផ្ដល់ទិន្នផលខ្ពស់ជាងការដាំបន្លែលើដី។

ជារួមមក ការដាំបន្លែលើទឹកគឺមានអត្ថប្រយោជន៍ច្រើន ដែលគេអាចដាំបាននៅតំបន់ដែលដីមិនសូវមានជីជាតិ មិនត្រូវការកន្លែងធំ មិនបាច់ភ្ជួររាស់ដី មិនចាំបាច់ស្រោចស្រព ងាយគ្រប់គ្រងសត្វល្អិត និងជំងឺ អាចដាំបានរហូតទោះបីក្នុងអាកាសធាតុក្ដៅ ឬភ្លៀងខ្លាំង មិនត្រូវការកម្លាំងពលកម្មច្រើន ពិសេសគឺផ្ដល់ទិន្នផលខ្ពស់។ យ៉ាងណាមិញ ការវិធីនេះក៏ផ្ដល់នូវគុណវិបត្តិមួយចំនួនដែលដូចជា គេអាចដាំបានតែប្រភេទបន្លែស្លឹក ផ្លែ និងផ្កា ដែលមានអាយុកាលខ្លី ត្រូវចំណាយថ្លៃដើមក្នុងការរៀបចំខ្ពស់  បច្ចេកទេសមិនទាន់យល់ដឹងទូលំទូលាយនៅឡើយ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ