សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពីរ៉យទ័រ បានរាយការណ៍ថា តម្លៃប្រេងបានឡើងដល់កម្រិតខ្ពស់បន្តិចបន្តាប់ពីទិន្នន័យមួយបានបង្ហាញថា មហាអំណាចសេដ្ឋកិច្ចអាម៉េរិក និងចិនដែលប្រើប្រាស់ប្រេងឆៅធំបំផុតពីររបស់ពិភពលោកនឹងមានតម្រូវការប្រេងកើនឡើង។
ទន្ទឹមនឹងនេះ តម្លៃប្រេងឆៅម៉ាក Brent កើនឡើង ០.៤ ភាគរយ ឬ ៨៣,៨៨ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,៣ ភាគរយ ឬ ៧៩,២៦ ដុល្លារក្នុងមួយបារ៉ែល។ ទិន្នន័យថាមពលរបស់សហរដ្ឋអាមេរិក បង្ហាញថា ការឡើងថ្លៃតម្លៃប្រេងឆៅបានធ្វើឲ្យតម្រូវការប្រេងសាំង និងប្រេងម៉ាស៊ូតស្ថិតនៅកម្រិតទាបបំផុតកាលពីសប្តាហ៍មុន ចាប់តាំងពីមានការរាត្បាតឆ្នាំ ២០២០។ លោក Phil Flynn អ្នកវិភាគនៅក្រុមហ៊ុន Price Futures Group បាននិយាយថា តម្លៃប្រេងត្រូវបានជួញដូរក្នុងកម្រិតដ៏តឹងតែង ខណៈដែលស្ថានភាពភូមិសាស្ត្រនយោបាយនៅមជ្ឈិមបូព៌ាមិនមានភាពច្បាស់លាស់។
លោក Tina Teng អ្នកវិភាគទីផ្សារបាននិយាយថា តួរលេខនៅក្នុងទិន្នន័យសមតុល្យពាណិជ្ជកម្មចិនបានបង្ហាញពីការឡើង។ ការនាំចូល និងការនាំចេញនៅប្រទេសចិនបានត្រឡប់ទៅកំណើនវិញកាលពីខែមុន ដែលបង្ហាញពីការកើនឡើងនៃតម្រូវការក្នុងស្រុក និងក្រៅប្រទេស។ កាលពីថ្ងៃព្រហស្បតិ៍ ស្ថិតិផ្លូវការរបស់ប្រទេសចិនបានបង្ហាញថា ការនាំចូលប្រេងឆៅរបស់ចិនបានកើនឡើង ៥,៤៥ ភាគរយ ឬ ១០,៨៨ លានបារ៉ែលក្នុងខែមេសា បើធៀបនឹងខែដូចគ្នាកាលពីឆ្នាំមុន ដោយសារក្រុមហ៊ុនចម្រាញ់ប្រេងបានស្តុកទុកសម្រាប់ត្រៀមសម្រាប់ថ្ងៃឈប់សម្រាកក្នុងស្រុករយៈពេល ៥ ថ្ងៃក្នុងខែឧសភា។ ជាការពិត ការកើនឡើងនៃការនាំចូលប្រេងឆៅរបស់ចិននៅក្នុងត្រីមាសទីមួយនៃឆ្នាំនេះ គឺដោយសារតែលំហូរប្រេងឆៅរបស់រុស្ស៊ីមានតម្លៃថោក ពីព្រោះការដឹកជញ្ជូនទៅកាន់ប្រទេសឥណ្ឌាត្រូវបានរារាំងដោយទណ្ឌកម្មរបស់សហរដ្ឋអាមេរិក។
ទន្ទឹមនឹងនេះ នៅសហរដ្ឋអាម៉េរិក ចំនួននៃការទាមទារអត្ថប្រយោជន៍សម្រាប់អ្នកអត់ការងារធ្វើបានកើនឡើងដល់កម្រិតខ្ពស់បំផុតក្នុងរយៈពេលជាងប្រាំបីខែ។ អ្នកវិភាគបានព្យាករណ៍ថា ប្រសិនបើការកើនឡើងនៃសន្ទុះទីផ្សារការងារអាចធ្វើឱ្យធនាគារកណ្តាលអាម៉េរិកកាត់បន្ថយអត្រាការប្រាក់ចំនួនពីរនៅឆ្នាំនេះ នោះអត្រាការប្រាក់ទាបនឹងកាត់បន្ថយថ្លៃដើមកម្ចី ហើយអាចជំរុញកំណើនសេដ្ឋកិច្ច និងតម្រូវការប្រេងបន្ថែមទៀត។ មិនត្រឹមតែប៉ុណ្ណោះ ធនាគារកណ្តាលអង់គ្លេសបានបោះជំហានមួយទៀតឆ្ពោះទៅរកការបន្ថយអត្រាការប្រាក់ ខណៈដែលមន្ត្រីក្នុងរដ្ឋាភិបាលបានគាំទ្រការកាត់បន្ថយនេះ ដោយពួកគេយល់ថា អ្វីៗកំពុងដំណើរការក្នុងទិសដៅត្រឹមត្រូវ៕
Account
Security
Favourite Content