ខូហ្វី ក្លាយជាដៃគូនាំចូល និងចែកចាយផលិតផលអាមេរិក ICEHOT មកកាន់ទីផ្សារកម្ពុជា

ភ្នំពេញ ៖ ក្រុមហ៊ុន ខូហ្វី ដែលជាក្រុមហ៊ុនផ្គត់ផ្គង់កាហ្វេឈានមុខគេនៅក្នុងប្រទេសកម្ពុជា និង ICEHOT ជាក្រុមហ៊ុនអាហារ និងភេសជ្ជៈអន្តរជាតិដ៏ល្បីល្បាញបានចុះ « ចុះ​ហត្ថ​លេ​ខា​ជាដៃគូអាជីវកម្ម» ដើម្បីបង្កើនភាពជាដៃគូយុទ្ធសាស្ត្រជាផ្លូវការ ដែលពិធីនេះធ្វើឡើងនៅទីតាំងបង្ហាញផលិតផល ​​​​ខូហ្វី នាថ្ងៃទី ១៤ ខែកញ្ញា ឆ្នាំ ២០២៤ ។ កិច្ច​សហការ​នេះ​ នឹងធ្វើឱ្យ​ក្រុមហ៊ុន ខូហ្វី ក្លាយជាដៃគូនាំចូល និងចែកចាយផលិតផលអាមេរិក ICEHOT មកកាន់ទីផ្សារកម្ពុជាចាប់ពីពេលនេះ​តទៅ ។​ 

យោងតាមសេចក្ដីប្រកាស​ព័ត៌មាន​របស់​ក្រុមហ៊ុនទាំងពីរ​បានឱ្យ​ដឹងថា​ កិច្ចសហការនេះ គឺជាព្រឹត្តិការណ៍ដ៏សំខាន់មួយរវាងក្រុមហ៊ុន ខូហ្វី និងផលិតផល IceHot ដែល​ជា​ជំហាន​មួយ​ដ៏​សំខាន់ឆ្ពោះទៅរកការនាំយកផលិតផលថ្មីជាប្រភេទគ្រីម ( cream)  ប្រកបដោយភាពច្នៃប្រឌិត និងគុណភាពខ្ពស់ពី ICEHOT មកកាន់ទីផ្សារកម្ពុជា នៅក្នុងគោល​បំណ​ងពង្រីក​ទីផ្សារ​ភេសជ្ជៈ​ ផ្តល់ជូនផលិតផលថ្មី និងផ្តល់ឲ្យអតិថិជនទាំងអស់បានស្គាល់នូវបទពិសោធន៍ថ្មីខាងភេសជ្ចៈនៅក្នុងវិស័យឧស្សហកម្មកាហ្វេ។ នៅក្នុងកម្មវិធីមួយនេះ មាន​កា​រ​ចូល​រួមពីសំណាក់នាយកប្រតិបត្តិសំខាន់ៗពីក្រុមហ៊ុនខូហ្វី និងអ្នកតំណាងនៃផលិតផល ICEHot  ក៏ដូចជាម្ទាស់អាជីវកម្មកាហ្វេនៅក្នុងស្រុកដែលជាដៃគូផ្ទាល់របស់ក្រុមហ៊ុន ខូហ្វី ផងដែរ។

លោកស្រី ឈាន ឃឹម អគ្គនាយិកា នៃក្រុមហ៊ុន ខូហ្វី បានបង្ហាញនូវអារម្មណ៍សាទរចំពោះភាពជាដៃគូថា ៖

«យើង​មានសេចក្តីរំភើបរីករាយដែលបានចាប់ដៃគូជាមួយ ICEHOT ដែល​ជា​ផលិត​ផលមានគុណភាព និងការច្នៃប្រឌិតខ្ពស់ទៅលើភេសជ្ជៈ ហើយកិច្ចសហការនេះបាននាំយកឲ្យយើងនូវផលិតផលថ្មីសម្រាប់អតិថិជនរបស់យើងនៅក្នុងប្រទេសកម្ពុជា ដែល​បង្ហាញពីការពង្រឹងជំហររបស់យើងក្នុងនាមជាអ្នកឈានមុខគេនៅក្នុងទីផ្សារ»។

លោកស្រី​បន្តថា​

«ផលិតផលថ្មីពី ICEHOT ទាំង ៤ ដែលយើងនាំចូលមានដូចជា Dairy creamer, Non Dairy creamer, All in One Beverage និង Topping Cream រំពឹងថា នឹងអាចឆ្លើយ​តប​ជា​មួយ​អ្នក​ប្រើប្រា​ស់​នៅ​ក្នុង​ទី​ផ្សារកម្ពុជា ជាពិសេសគឺតម្រូវតាមអតិថិជនគោលដៅ ហាងកាហ្វេ ភោ​ជនីយដ្ឋាន ហាងបង្អែម ហាងតែ ក៏​ដូច​ជា​អតិ​ថិ​ជន​តាមផ្ទះផងដែរ ដែលកំពុងតែស្វែងរកជម្រើសភេសជ្ជៈប្រភេទគ្រីម ( cream) មានគុណភាពខ្ពស់។  លើសពីនេះ ផលិត​ផល ICEHOT និងជួយផ្តល់ឲ្យដៃគូអាជីវកម្មរបស់យើងអាចបង្កើតនូវភេសជ្ចៈថ្មីៗ ប្លែកៗ មានរសជាតិឆ្ងាញ់ និងផ្តល់​នូវ​បទពិសោធ រួមទាំងរសជាតិថ្មីជូនទៅកាន់អតិថិជនរបស់គាត់ជាបន្តទៀតផងដែរ»។

លោក Jeff Kim (COO of Rich Product corporation) បានលើកឡើងថា  នៅក្នុងថ្ងៃនេះគឺជាថ្ងៃដ៏សំខាន់មួយ​ក្នុងការចា​ប់​ផ្តើមដំ​ណើរកា​រ​បង្កើត​ម៉ាក​ភេសជ្ជៈ ICEHOT Beverages by Rich’s នៅក្នុងប្រទេសកម្ពុជា ជាមួយនឹងកិច្ចសហប្រតិបត្តិការជាដៃគូដ៏រឹងមាំ គឺក្រុមហ៊ុន ខូហ្វី។

លោកបានបញ្ជាក់ថា ៖

«ដោយយើងមើលឃើញថា ទីផ្សារភេសជ្ជៈទូទាំងពិភពលោកកំពុងមានការរីកចម្រើនយ៉ាងឆាប់រហ័ស ហើយអ្នកប្រើប្រាស់កាន់តែចង់ស្វែងរករសជាតិថ្មីៗ និងបទពិសោធន៍ផ្តាច់មុខ។ ដូច្នេះ ដើម្បី​ឆ្លើយតបទៅនឹងតម្រូវការនេះ យើងមានមោទនភាពក្នុងការបង្ហាញម៉ាក “ICEHOT Beverages by Rich’s” នៅកម្ពុជា ដែលជាទីផ្សារមានសក្តានុពលខ្ពស់ និង​កំពុង​មាន​ការ​កើន​ឡើងនៃវិស័យភេសជ្ជៈ និងម្ហូបអាហារ ជាមួយនឹងការកើនឡើងនៃឧស្សាហកម្មភេសជ្ជៈនៅកម្ពុជា យើងមើលឃើញពីសក្តានុពលដ៏ធំសម្រាប់ម៉ាក ICEHOT ក្នុងការបំ​ពេញ​តម្រូវ​ការ​របស់អតិថិជនក្នុងស្រុក»។

គួរបញ្ចាក់​ផងដែរថា ក្រុមហ៊ុន ខូហ្វី ជាក្រុមហ៊ុនខ្មែរក្នុងស្រុក ដែលបានបង្កើតឡើងក្នុងឆ្នាំ២០០៩ បាននាំចូល និងចែកចាយម៉ាស៊ីនឆុងកាហ្វេ គ្រាប់កាហ្វេ និងគ្រឿងផ្សំផ្សេងៗ ពីទូទាំ​ងពិ​ភព​លោកមកកាន់ទីផ្សារកម្ពុជា និងជាអ្នកនាំមុខគេក្នុងវិស័យឧស្សាហកម្មកាហ្វេនៅក្នុងប្រទេសកម្ពុជា ដោយផ្តោតសំខាន់លើវិជ្ជាជីវៈ ការបង្កើតថ្មី  និងផ្ត​ល់ភាព​ស្មោះ​ត្រង់​ទៅ​ដល់​អតិ​ថិជន ហើយក៏ជាដៃគូផ្គត់ផ្គង់រាល់តម្រូវការកាហ្វេផងដែរ។

ដោយឡែក ចំពោះ ផលិតផល ICEHOT ពីក្រុមហ៊ុន Richs  គឺជាក្រុមហ៊ុនអាហារ និងភេសជ្ជៈពិភពលោកដែលមានកេរ្តិ៍ឈ្មោះក្នុងការបង្កើតផលិតផលប្រកបដោយភាពច្នៃប្រឌិត និងគុណភាពខ្ពស់។ ដោយផ្តោតលើការផ្តល់នូវរសជាតិ និងតម្លៃពិសេស ICEHOT ប្រតិបត្តិការនៅក្នុងទីផ្សារជាច្រើននៅទូទាំងពិភពលោក ហើយបន្តពង្រីកវត្តមានរបស់ខ្លួនតាមរយៈភាពជាដៃគូយុទ្ធសាស្ត្រ។

សម្រាប់ព័ត៌មានលម្អិត លោកអ្នកអាចតាមដាននៅលើផេកហ្វេសប៊ុកផ្លូវការរបស់ ខូហ្វី ដែលមានឈ្មោះជាភាសាអង់គ្លេសថា KOFI Co.,Ltd ហើយសម្រាប់ព័ត៌មានលម្អិត សូមទំនាក់​ទំនង​នៅ​ទីតាំងបង្ហាញផលិតផលរបស់ក្រុមហ៊ុន ខូហ្វី ផ្លូវម៉ៅសេតុង ឬ តាមរយៈទូរស័ព្ទលេខ 069 666 999 / 077 777 970 Website: www.kofi.com.kh ៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា ២០២៦ CAMESCO26 ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា

ព្រឹត្តិការណ៍, អត្ថបទពាណិជ្ជកម្ម

• 21/11/2026

ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា រាជធានីភ្នំពេញ ៖ សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា២០២៦ (CAMESCO26) បានប្រព្រឹត្តទៅនៅ សណ្ឋាគារ Shangri-La ភ្នំពេញ ដោយមានអ្នកចូលរួមប្រមាណ ៣០០ នាក់ តំណាងឱ្យស្ថាប័ន និងអង្គការចំនួន ២៤០។ ក្រោមប្រធានបទ៖

ក្រសួងទេសចរណ៍ ជំរុញ និងពង្រឹងសមត្ថភាពអ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍ផ្នែកភាសា

ព្រឹត្តិការណ៍, អាជីវកម្មថ្មី និងនវានុវត្ត

• 21/11/2026

ភ្នំពេញ ៖ ក្រសួងទេសចរណ៍ តាមរយៈនាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍ សហការជាមួយក្រុមហ៊ុន Edifyworld Co., Ltd នាថ្ងៃទី២០ ខែវិច្ឆិកា ឆ្នាំ២០២៦ នៅទីស្ដីការក្រសួង បានរៀបចំសិក្ខាសាលាពង្រឹងសមត្ថភាពគ្រូបង្គោល អ្នកវាយតម្លៃបង្គោល អ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍​ ផ្នែកភាសាអង់គ្លេសពិសេស (Master Class) ក្នុងវិស័យបដិសណ្ឋារកិច្ច

សាកល្បងជោគជ័យភ្លាម សហគមន៍កសិកម្មទំនើបស្រុកព្រះស្តេច ត្រៀមបង្កើនទុនដាំត្រសក់ផ្អែម ២៥ ០០០ដុល្លារ ភ្លែត!

ព្រឹត្តិការណ៍, សេដ្ឋកិច្ច

• 20/11/2026

ព្រៃវែង ៖ សហគមន៍កសិកម្មទំនើបស្រុកព្រះស្តេច ខេត្តព្រៃវែង គ្រោងពង្រីកផ្ទៃដីដាំត្រសក់ផ្អែម ២ប្រភេទដែលមានតម្រូវការខ្ពស់នៅលើទីផ្សារ ទៅដល់ ៤៥ ០០០ម៉ែត្រការ៉េ ឬស្មើនឹង ៥០ ខ្នងផ្ទះសំណាញ់ បន្ទាប់ពីជោគជ័យលើការប្រមូលផលសាកល្បងលើកដំបូងបានជិត ២តោន។ កញ្ញា ហួន ស៊ីអឺ ប្រធានសហគមន៍កសិកម្មទំនើប ស្រុកព្រះស្តេច បានប្រាប់បណ្តាញសារព័ត៌មាន

កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា

ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។ វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT)

ទីក្រុងស៊ិនជិន រយៈពេល ៩ ខែ ស្រូបទាញទុនវិនិយោគបរទេសកើនឡើងជាង ៦០ភាគរយ

ព្រឹត្តិការណ៍, អាជីវកម្មថ្មី និងនវានុវត្ត

• 20/11/2026

បរទេស ៖ ទីក្រុងស៊ិនជិន ឬ Shenzhen ដែលគេស្គាល់ថាជាប៉ូលបច្ចេកវិទ្យាដ៏សំខាន់នៅភាគខាងត្បូងប្រទេសចិន និងជាម្ចាស់ផ្ទះនៃកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ក្នុងឆ្នាំនេះ កំពុងក្លាយជាគោលដៅដ៏មានឥទ្ធិពលក្នុងការទាក់ទាញវិនិយោគិនពីបរទេស។ ជាក់ស្តែង ក្នុងរយៈពេល ៩ ខែដំបូងនៃឆ្នាំនេះ ទំហំទុនវិនិយោគផ្ទាល់ពីបរទេស (FDI) នៅក្នុងទីក្រុងនេះបានហក់ឡើងដល់ ៤៤ ពាន់លានយ័ន ឬប្រមាណ

រាជរដ្ឋាភិបាល ជំរុញឱ្យ​មានការវិនិយោគ​គម្រោងអភិវឌ្ឍរមណីយដ្ឋានទេសចរណ៍នៅលើកោះក្នុងខេត្ត​ព្រះសីហនុ

ព្រឹត្តិការណ៍, សេដ្ឋកិច្ច

• 20/11/2026

រដ្ឋាភិបាល​បានលើកទឹកចិត្ត​និង​ជំរុញ​ឱ្យមានការ​វិនិយោគតាមបណ្ដាកោះ​នានា​ក្នុងខេត្ត​ព្រះសីហនុ ជាពិសេស​វិស័យទេសចរណ៍

អតិផរណាស្នូលរបស់ជប៉ុនកើនឡើងលើសគោលដៅ ២ % ខណៈអ្នកជំនាញរំពឹងថា អត្រាការប្រាក់អាចនឹងដំឡើងខ្ពស់នៅក្នុងខែធ្នូ

ព្រឹត្តិការណ៍, សេដ្ឋកិច្ច

• 20/11/2026

អតិផរណាស្នូលប្រចាំឆ្នាំរបស់ជប៉ុនបន្តកើនឡើងលើសពីគោលដៅ ២ ភាគរយរបស់ធនាគារកណ្តាលពីរខែជាប់ៗគ្នា ដែលជំរុញឱ្យមានការរំពឹងទុកកាន់តែខ្ពស់អំពីការដំឡើងអត្រាការប្រាក់ក្នុងពេលឆាប់ៗខាងមុខ

ក្រុមហ៊ុនបច្ចេកវិទ្យាអវកាសរបស់បារាំង Thales និងសាកលវិទ្យាល័យ ខេមតិច ចាប់ដៃគូស្វែងរកកិច្ចសហប្រតិបត្តិការលើការអប់រំ និងការស្រាវជ្រាវក្នុងវិស័យអវកាសនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 20/11/2026

ភ្នំពេញ ៖ ក្រុមហ៊ុន «Thales» មកពីប្រទេសបារាំង និងសាកលវិទ្យាល័យ ខេមតិច (CamTech) បានចុះហត្ថលេខាលើអនុស្សរណៈនៃការយោគយល់គ្នា (MoU) នៅថ្ងៃទី ១៦ ខែវិច្ឆិកា ឆ្នាំ ២០២៦ ដើម្បីស្វែងរកកិច្ចសហប្រតិបត្តិការលើវិស័យអប់រំ និងការស្រាវជ្រាវផ្នែកអវកាស និងអាកាសចរណ៍។ កិច្ចព្រមព្រៀងនេះត្រូវបានចុះហត្ថលេខាដោយឧកញ៉ាវេជ្ជបណ្ឌិត ពុង

LOLC KHQR ផ្តល់ជូននូវភាពងាយស្រួល និងឱកាសឈ្នះរង្វាន់ទឹកប្រាក់ ១៦៨ ០០០ រៀល ដល់អាជីវករក្នុងឱកាសពិធីបុណ្យអុំទូកខាងមុខ!

ព្រឹត្តិការណ៍, អត្ថបទពាណិជ្ជកម្ម

• 20/11/2026

ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក កាន់តែខិតជិតមកដល់ហើយ ដែលជាពេលវេលាដ៏មមាញឹកសម្រាប់អាជីវករនៅតាមតំបន់ដែលមានអ្នកធ្វើដំណើរច្រើន ជាពិសេសភោជនីយដ្ឋាន ឬអាហារដ្ឋានដែលលក់ម្ហូបអាហារ ហាងលក់ទំនិញ ឬសេវាកម្មនានា។ ជាមួយនឹងការកើនឡើងនៃចំនួនអតិថិជន អាជីវករក៏អាចប្រឈមនឹងបញ្ហាមួយចំនួនក្នុងការគ្រប់គ្រងការទូទាត់ ដូចជា ការទទួលសាច់ប្រាក់ ការរាប់ប្រាក់ ការរៀបចំប្រាក់អាប់ និងការកត់ត្រាប្រតិបត្តិការលក់ប្រចាំថ្ងៃ។ ដើម្បីជួយសម្រួលដល់បញ្ហាប្រឈមទាំងនេះ អិលអូអិលស៊ី សូមផ្តល់ជូននូវដំណោះស្រាយទូទាត់ឌីជីថលតាមរយៈ

១៨ខែ ខេត្ត​​ភាគឦសានទទួលបានគម្រោង​វិនិយោគចំនួន ៧៦គម្រោង​ បង្កើតឱកាស​ការងារ​បានជាង​ ៨,៣ម៉ឺនកន្លែង​

ព្រឹត្តិការណ៍, សេដ្ឋកិច្ច

• 20/11/2026

ក្នុងរយៈពេលត្រឹមតែ១៨ខែ ឬ១ឆ្នាំកន្លះ តំបន់ភូមិភាគឦសាន​បានទទួល​គម្រោង​វិនិយោគ៧៦គម្រោង​ជាមួយនឹងទុនវិនិយោគ ២,៦៥ពាន់​លានដុល្លារអាម៉េរិក​បង្កើតការងារបានជា​ង៨ម៉ឺននាក់​