សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ធនាគារវិនិយោគអឺរ៉ុប ដែលជាធនាគាររបស់សហភាពអឺរ៉ុប បានទទួលជំនួយឥតសំណងក្នុងទឹកប្រាក់ចំនួន ១៥ លានអឺរ៉ូ ពីសហភាពអឺរ៉ុប ដើម្បីពន្លឿនគម្រោងគាំទ្រនិរន្តរភាពហេដ្ឋារចនាសម្ពន្ធជនបទដើម្បីទីផ្សារកសិករ និងពាណិជ្ជបនីយកម្មកសិកម្ម (SAAMBAT)។ ជំនួយឥតសំណងនេះ រួមមានការលៃទុកនូវទឹកប្រាក់ចំនួន ១,៥ លានអឺរ៉ូ សម្រាប់ផ្តល់ជំនួយបច្ចេកទេសដល់ការរៀបចំរបស់គម្រោងដែលមានសារៈសំខាន់ សម្រាប់ការអនុវត្តគម្រោង SAAMBAT ឱ្យបានលឿនជាងមុន។
គម្រោង SAAMBAT គឺជាការវិនិយោគក្នុងភាពជាដៃគូក្នុងទឹកប្រាក់ចំនួន ១០៥ លានអឺរ៉ូពីមូលនិធិសម្រាប់ការអភិវឌ្ឍវិស័យកសិកម្ម (IFAD) ធនាគារវិនិយោគអឺរ៉ុប (EIB) និងរាជរដ្ឋាភិបាលកម្ពុជា ដែលត្រូវបានរៀបចំឡើងដើម្បីលើកកម្ពស់គុណភាពជីវិត និងអាជីវកម្មរបស់ប្រជាពលរដ្ឋនៅជនបទប្រមាណ ២០០ ០០០ គ្រួសារ (ប្រមាណ២០ម៉ឺនគ្រួសារ) តាមរយៈការផ្តល់ឱ្យពួកគេនូវបណ្តាញផ្លូវថ្នល់ដែលអាចប្រើប្រាស់ពេញមួយឆ្នាំដោយកាន់តែមានសុវត្ថិភាព និងអាចជឿទុកចិត្តបាន ហេដ្ឋារចនាសម្ព័ន្ធជនបទប្រសើរជាងមុន និងការផ្គត់ផ្គង់ស្បៀងអាហារដែលអាច ជឿជាក់បាន។
ជាមួយនឹងការវិនិយោគ និងជំនួយឥតសំណងពីក្រុមអឺរ៉ុប (Team Europe) IFAD និងបដិភាគពីរាជរដ្ឋាភិបាលកម្ពុជានឹងសាងសង់ផ្លូវក្រាលកៅស៊ូប្រវែងប្រមាណ ៦៥០ គីឡូម៉ែត្រ និងផ្លូវក្រួសក្រហមប្រមាណ ១៥០ គីឡូម៉ែត្រ ព្រមទាំងកែលម្អតំបន់ជុំវិញផ្សារជនបទចំនួន ៥០ កន្លែង និងទីតាំងផ្តល់ការគាំទ្រសេវានៃខ្សែច្រវាក់ផ្គត់ផ្គង់ចំនួន ២៥ ផ្សេងទៀត (ដូចជាកំពង់ដរសាឡាង កន្លែងប្រមូលទិញកសិផលជាដើម។ល។)
ដំបូងឡើយ ធនាគារវិនិយោគអឺរ៉ុប EIB បានវិនិយោគទឹកប្រាក់ចំនួន ៥១,៥ លានអឺរ៉ូនៅក្នុងគម្រោងនេះ និងក្រោយមកបានផ្ដល់ថវិកាបន្ថែម ១៣,៧ លានអឺរ៉ូទៀត ជាផ្នែកមួយនៃការគាំទ្ររបស់ក្រុមអឺរ៉ុបដល់ការពន្លឿនការស្ដារឡើងវិញ បន្ទាប់ពីការរាតត្បាតជាសកលនៃជំងឺកូវីដ-១៩ នៅកម្ពុជា។
លោក Kris Peeters អនុប្រធានធនាគារ EIB និងជាមន្ត្រីទទួលបន្ទុកប្រតិបត្តិការធនាគារ EIB នៅកម្ពុជាមានប្រសាសន៍ថា ៖
«ធនាគារ EIB មានមោទនភាពដែលបានបន្តរួមចំណែកដល់ការពន្លឿនការស្តារប្រទេសកម្ពុជាឡើងវិញ បន្ទាប់ពីការរាតត្បាតជាសកលនៃជំងឺកូវីដ-១៩ និងដល់ការអភិវឌ្ឍបៃតងប្រកបដោយចីរភាពរយៈពេលវែងរបស់ប្រទេសនេះ។ ជាផ្នែកមួយនៃក្រុមអឺរ៉ុប យើងពិតជារីករាយដែលត្រូវបានរាជរដ្ឋាភិបាលកម្ពុជាទទួលស្គាល់ថាជាដៃគូដែលអាចជឿទុកចិត្តបាន ក្នុងការកសាងកម្ពុជាឱ្យកាន់តែរឹងមាំ កាន់តែធន់ និងកាន់តែមានសុវត្ថិភាព»
លោកបានថ្លែងបន្តថា ជំនួយឥតសំណងរបស់សហភាពអឺរ៉ុប គឺជាជំហានមួយទៀត ដើម្បីធ្វើឱ្យសហភាពអឺរ៉ុប និង កម្ពុជាកាន់តែមានទំនាក់ទំនងជិតស្និទ្ធក្នុងនាមជាដៃគូ ហើយអ្វីដែលរឹតតែសំខាន់ទៅទៀត គឺជាជំហានដែលនឹងផ្តល់ផលផ្ទាល់ដល់គុណភាពនៃជីវរភាពរស់នៅរបស់ប្រជាពលរដ្ឋរាប់សែននាក់នៅកម្ពុជា។
លោក Bryan Fornari ប្រធានសហប្រតិបត្តិការនៃប្រតិភូសហភាពអឺរ៉ុបប្រចាំកម្ពុជា មានប្រសាសន៍ថា ៖
«យើងរីករាយណាស់ដែលអាចចូលរួមនៅក្នុងគម្រោងផ្លូវជនបទដែលមានឈ្មោះថា SAAMBAT ដែលជាគម្រោងជួយលើកកម្ពស់ជីវភាពរស់នៅរបស់ប្រជាពលរដ្ឋរាប់ពាន់គ្រួសារនៅតំបន់ជនបទកម្ពុជា»
លោក Bryan Fornari បានថ្លែងបន្តថា ៖
«ជាមួយនឹងការវិនិយោគក្នុងទឹកប្រាក់ ១០៥ លានអឺរ៉ូនៅកម្ពុជា គម្រោង SAAMBAT នឹងជួយកសិករ ក៏ដូចជាប្រជាពលរដ្ឋជនបទឱ្យអាចទទួលបានទីផ្សារកាន់តែប្រសើរ និងគាំទ្រដល់ការរីកចំរើនរបស់សហគ្រាសខ្នាតតូច និងមធ្យម នៅក្នុងវិស័យកសិកម្ម។ គម្រោងនេះនឹងបន្តរួមចំណែកដល់ការរីកលូតលាស់សេដ្ឋកិច្ចនៅទីជនបទ ក៏ដូចជាបង្កើតឱកាសការងារថ្មីៗ នៅតំបន់ជនបទនៃប្រទេសកម្ពុជា។ តាមរយៈការធ្វើការងាររបស់យើងជាមួយនឹងធនាគារវិនិយោគអឺរ៉ុប គម្រោងនេះនាំយកស្មារតីនៃក្រុមអឺរ៉ុប មកកាន់ភាពដៃគូរបស់យើងជាមួយនឹងរាជរដ្ឋាភិបាលកម្ពុជា រួមជាមួយនឹង IFAD ផងដែរ»
ឯកឧត្ដម ហែម វណ្ណឌី រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ នៃព្រះរាជាណាចក្រកម្ពុជា មានប្រសាសន៍ថា រាជរដ្ឋាភិបាលកម្ពុជាសូមស្វាគមន៍ជំនួយឥតសំណងចំនួន ១៥ លានអឺរ៉ូពីសហភាពអឺរ៉ុប សម្រាប់គម្រោង SAAMBAT នេះ។ ជំនួយឥតសំណងនេះ គឺជាការរួមចំណែកដ៏សំខាន់ដល់ការពន្លឿនការអភិវឌ្ឍដោយចីរភាពនៃសហគមន៍ជនបទនៅកម្ពុជា និងការស្ដារឡើងវិញពីការរាតត្បាតជាសកលនៃជំងឺកូវីដ ១៩ ប្រកបដោយភាពបៃតង។
ឯកឧត្ដម ហែម វណ្ណឌី បានថ្លែងបន្តថា ៖
«ដោយបន្ថែមលើផលប្រយោជន៍នៃការគាំទ្រហិរញ្ញប្បទានរបស់ EIB ដែលត្រូវបានចុះហត្ថលេខាកន្លងមក ជំនួយឥតសំណងរបស់សហភាពអឺរ៉ុបនឹងពង្រឹងកិច្ចខិតខំប្រឹងប្រែងបន្សំទៅនឹង ការប្រែប្រួលអាកាសធាតុរបស់កម្ពុជាបន្ថែមទៀត ដូច្នេះវាគឺជាការវិនិយោគដ៏មានតម្លៃលើអនាគតកាន់តែមាន សុវត្ថិភាពនៃប្រជាពលរដ្ឋយើង និងលើនិរន្តរភាពរយៈពេលវែងនៃសេដ្ឋកិច្ចជាតិររបស់យើង។ យើងពិតជារីករាយដោយឃើញថា ក្រុមអឺរ៉ុប(Team Europe) កំពុងផ្តល់ការគាំទ្រផ្ទាល់ដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការកសាងនូវអនាគតកាន់តែមានសុវត្ថិភាព ចីរភាព និងវិបុលភាព សម្រាប់ពលរដ្ឋរបស់យើង»
គម្រោង SAAMBAT នឹងផ្តល់ហិរញ្ញប្បទានដល់ការកែលម្អហេដ្ឋារចនាសម្ព័ន្ធជនបទ សុវត្ថិភាព ចរាចរណ៍ និងការបង្កើនភាពធន់នៃប្រទេសកម្ពុជាចំពោះគ្រោះថ្នាក់ធម្មជាតិ និងគាំទ្រដល់ការអភិវឌ្ឍហេដ្ឋា រចនាសម្ព័ន្ធជនបទសំខាន់ៗ ដូចជាទីផ្សារក្នុងស្រុកដែលមានសារៈសំខាន់ សម្រាប់កម្ពុជា ព្រោះថាគ្រួសារជនបទប្រមាណជា ២ ភាគ ៣ ជួបប្រទះនឹងបញ្ហាខ្វះស្បៀង ជារៀងរាល់ឆ្នាំ ដោយសារតែហេដ្ឋារចនាសម្ព័ន្ធពុំ មានការអភិវឌ្ឍឱ្យបានល្អប្រសើរ។
គម្រោងនេះនឹងបង្កើតការងារចំនួន ៤.៥០០ កន្លែង និងសហគ្រាសខ្នាតតូច និងមធ្យមថ្មីចំនួន ៥០០ និងផ្តល់ការបណ្តុះបណ្តាលដល់ពលរដ្ឋកម្ពុជាចំនួន ២៥.០00 អំពីការប្រើប្រាស់បច្ចេកវិទ្យាឌីជីថល ដើម្បីធ្វើឱ្យអាជីវកម្មរបស់ពួកគេកាន់តែមានភាពល្អប្រសើរ ក៏ដូចជាបង្កើនពាណិជ្ជកម្មបន្ថែមទៀត។ គម្រោងនេះក៏នឹងផ្តោតការយកចិត្តទុកដាក់ជាពិសេសលើការកសាងឱកាសអាជីវកម្ម និងការងារសម្រាប់យុវជននៅជនបទផង ដែរ។
នៅក្នុងរយៈពេលវែង គម្រោង SAAMBAT ពង្រឹងសមាហរណកម្មរបស់កម្ពុជា ទៅក្នុងមហាអនុតំបន់ ទន្លេមេគង្គ (GMS) និងជាមួយដៃគូអាស៊ានរបស់ខ្លួន ហើយក្នុងពេលជាមួយគ្នា ផ្ដល់ការគាំទ្រដល់ការអនុវត្ត យុទ្ធសាស្ត្រភ្ជាប់ទំនាក់ទំនងរវាងសហភាពអឺរ៉ុប និងអាស៊ី។ គម្រោងនេះទទួលបានហិរញ្ញប្បទានសម្បទានចំនួន ៥៣,៣ លាន ដុល្លា និងជំនួយឥតសំណង ១,២ លានដុល្លាពី IFAD ហិរញ្ញប្បទានសម្បទាន ៦៥,២ លានអ៊ឺរ៉ូពីធនាគារ EIB និង វីភាគទានចំនួន១២,៤១ លាន ដុល្លារពីរដ្ឋាភិបាលកម្ពុជា៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រាប់ស្វាយចន្ទី និងម្រេចកំពត ត្រៀមអង្រួនវេទិកាជំរុញផលិតផលខ្មែរទៅកាន់ទីផ្សារអឺរ៉ុប នៅសប្ដាហ៍ក្រោយ
អាម៉េរិកត្រៀមបញ្ចប់កញ្ចប់ជំនួយយោធា ៤ ពាន់លានដុល្លារដល់អ៊ីស្រាអែល
ព្រឹត្តិការណ៍, អាជីវកម្មថ្មី និងនវានុវត្ត
• 04/11/2026
ប្រធានាធិបតីអាម៉េរិក លោក Donald Trump បានប្រកាសថា សហរដ្ឋអាម៉េរិកនឹងបញ្ឈប់ការផ្ដល់ជំនួយយោធាប្រចាំឆ្នាំចំនួន ៤ ពាន់លានដុល្លារដល់ប្រទេសអ៊ីស្រាអែល ដោយគ្រោងចាប់ផ្តើមអនុវត្តចាប់ពីឆ្នាំក្រោយ
ហ្វាំងឡង់ ចូលរួមគំនិតផ្ដួចផ្ដើមការពារនុយក្លេអ៊ែររបស់បារាំង ចំពេលអឺរ៉ុបចង់ពង្រឹងសន្តិសុខ
ព្រឹត្តិការណ៍, អាជីវកម្មថ្មី និងនវានុវត្ត
• 04/11/2026
ប្រទេសហ្វាំងឡង់បានសម្រេចចូលរួមគំនិតផ្ដួចផ្ដើមសំណាញ់ការពារនុយក្លេអ៊ែររបស់ប្រទេសបារាំង ដោយប្រទេសទាំងពីរបានចាប់ផ្ដើមកិច្ចសហប្រតិបត្តិការនៅកម្រិតបច្ចេកទេសជាផ្លូវការហើយ
និស្សិតសាកលវិទ្យាល័យរាប់ពាន់នាក់ ប្រកួតប្រជែងក្នុងវគ្គផ្តាច់ព្រ័ត្រនៅលើឆាកជាតិក្នុងកម្មវិធី សហគ្រិនមហាវិទ្យាល័យ (UniPreneur) របស់សហគ្រិនខ្មែរ
ព្រឹត្តិការណ៍, អត្ថបទពាណិជ្ជកម្ម
• 03/11/2026
ភ្នំពេញ — ថ្ងៃទី០២ ខែវិច្ឆិកា ឆ្នាំ២០២៦ – ដោយនាំយកភាពរំភើប និងស្មារតីប្រកួតប្រជែងនៃការប្រកួត កីឡាថ្នាក់ជាតិ មកបញ្ចូលក្នុងវិស័យសហគ្រិនភាព សហគ្រិនខ្មែរ បានបញ្ចប់ដោយជោគជ័យនូវការប្រកួត វគ្គផ្តាច់ព្រ័ត្រនៃកម្មវិធី ប្រកួតប្រជែងសហគ្រិនមហាវិទ្យាល័យថ្នាក់ជាតិ (UniPreneur National Challenge) រដូវកាលទី៤។ វគ្គផ្តាច់ព្រ័ត្រនេះបាននាំនវានុវត្តជនសក្តានុពលផ្នែកសហគ្រិនភាពមក ពីទូទាំងប្រទេស
ការវិនិយោគច្រើនហួសហេតុលើវិស័យបច្ចេកវិទ្យា AI ក្នុងរយៈពេលខ្លី និងហានិភ័យចំពោះសេដ្ឋកិច្ចសកល
ព្រឹត្តិការណ៍, អាជីវកម្មថ្មី និងនវានុវត្ត
• 03/11/2026
បរទេស ៖ ពិភពលោកកំពុងព្រួយបារម្ភថា ការផ្ទុះឡើងនូវវិបត្តិដូចពពុះសាប៊ូនៃបច្ចេកវិទ្យា AI (AI Bubble Burst)អាចនឹងកើតមានឡើងនៅពេលដែលការចំណាយទុនយ៉ាងសន្ធឹកសន្ធាប់លើបច្ចេកវិទ្យាបញ្ញាសិប្បនិម្មិតមានទំហំធំលើសលប់ធៀបនឹងប្រាក់ចំណេញអាជីវកម្មជាក់ស្តែង ដែលវាប្រាកដណាស់នឹងបង្ខំឱ្យទីផ្សារហិរញ្ញវត្ថុជួបបញ្ហាយ៉ាងធ្ងន់ធ្ងរ។ ក្រុមហ៊ុន Amazon ជាអ្នកនាំមុខគេក្នុងការវិនិយោគលើហេដ្ឋារចនាសម្ព័ន្ធបច្ចេកវិទ្យាបញ្ញាសិប្បនិម្មិត ជាមួយនឹងផែនការចំណាយទុនប្រមាណ ២០០ ពាន់លានដុល្លារ, ក្រុមហ៊ុន Alphabet គ្រោងកញ្ចប់ថវិកាប្រមាណ ១៩៥ពាន់លាន ទៅ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content