សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ «សោយ» ជាឈ្មោះសៀវថ្មីមួយដែលជាកម្រងសៀវភៅគ្រឿងផ្សំមុខម្ហូបដ៏សម្បូរបែប វិសេសវិសាលបំផុតសម្រាប់វិស័យចំណីអាហារខ្មែរ ជាពិសេសផ្តោតសំខាន់លើប្រភេទអាហារនៅព្រះរាជដំណាក់របស់ខ្សែរាជវង្សខ្មែរ ដែលទើបតែបានប្រារព្ធពីធីសម្ពោធជាផ្លូវការកាលពីល្ងាចថ្ងៃទី១២ ខែឧសភា ឆ្នាំ២០២៣ នៅសណ្ឋាគារលំដាប់ផ្កាយប្រាំ សរ៉ូសវូដ។
សៀវភៅដែលមានចំណងជើងថា «សោយ» ជាស្នាដៃរបស់ចុងភៅស្រីតូចច្រឡឹង រស់ រតនៈ ឬគេហៅខ្លីថា ចុងភៅណាក់ រួមជាមួយនឹងអ្នកថតរូបល្បីល្បាញ ឡាម៉ូ ក៏ដូចជាអ្នករចនា សុត សេរី ដែលបានតាក់តែង រៀបចំ និងចងក្រងឡើងអស់ពេលប្រមាណ ៤ឆ្នាំ ក្នុងការសម្រិតសម្រាងនូវខ្លឹមសារ រូបភាព ក៏ដូចជារចនាបទបែបរាជវាំងឱ្យស័ក្ដិសមនឹងពាក្យថា «សោយ» ផងដែរ។
សម្រាប់សៀវភៅនេះទៀតសោត មិនត្រឹមតែបង្ហាញពីរូបមន្តម្ហូប និងគ្រឿងផ្សំប៉ុណ្ណោះទេ តែវាក៏មានរួមបញ្ចូលពីចំណុចលម្អិតៗនៃគ្រឿងទេស ប្រូតេអ៊ីនរបស់ត្រី សាច់ និងវីតាមីនរបស់បន្លែ ផ្លែឈើជាច្រើនមុខថែមទៀតផង។
ចុងភៅណាក់ បានបញ្ជាក់ថា ៖
“សៀវភៅនេះ មិនមែនជាសៀវភៅធ្វើម្ហូបធម្មតានោះទេ តែវាហាក់បីដូចជាបញ្ជីសារពើភណ្ឌផ្នែកវប្បធម៌អរូបីមួយ ដែលបង្ហាញពីមរតករសជាតិ រូបមន្ត គ្រឿងផ្សំពីព្រះរាជដំណាក់ខ្មែរដែលបានបន្សល់ទុកយូរណាស់មកហើយ ហើយការបង្កើតសៀវនេះឡើង យើងទទួលបានការជំរុញចិត្តពីសម្ដេចព្រះរាជកន្និដ្ឋា នរោត្ដម រស្មីសោភ័ណ ផងដែរ។”
ជាមួយគ្នានេះ លោក ឡាម៉ូ ជាអ្នកថតរូបឱ្យសៀវភៅ «សោយ» បានមានមតិដែរថា សម្រាប់គម្រោងនៃការថតមុខម្ហូបនេះ វាជាគម្រោងថ្មី និងប្លែកមួយសម្រាប់លោក ដោយសារលោកពុំធ្លាប់ថតមុខម្ហូបពីមុនមកនោះទេ តែលោកក៏មានជំនាញក្នុងការតុបតែង និងរៀបចំមុខម្ហូប ពោលគឺវាត្រូវការចំណាយពេលយូរក្នុងការរៀបចំទាំងមុខម្ហូប និងគ្រឿងផ្សំនីមួយៗឱ្យមានសោភណភាពស្អាត ទាក់ភ្នែក មានតម្លៃ និងគុណភាពទាំងសម្រាប់ក្នុងស្រុក និងអន្តរជាតិ។
ស្រដៀងគ្នានេះដែរ លោក សុត សេរី ជាអ្នកគូរ និងរចនាក្រាហ្វិក របស់សៀវភៅមុខម្ហូបខាងលើ បានបង្ហើបពីអារម្មណ៍ចំពោះការងារនេះដែរថា លោកពិតជារីករាយ និងមានមោទនភាពមែនទែនដែលបានចូលរួមក្នុងគម្រោងនេះ ដោយសារវាជាគម្រោងមួយដែលមានរចនាបទថ្មី តែវាក៏ជាបទពិសោធមួយល្អ ដោយសារកន្លងមកលោកធ្លាប់ធ្វើការទាក់ទងនឹងវប្បធម៌ដែរ តែម្ដងនេះត្រូវធ្វើផ្ចិតផ្ចង់ខ្លាំងចំពោះផ្នែកសម្អិតៗនៃមុខម្ហូប តាំងពីការគូរម៉ូដចាន ស្លាបព្រា ជាដើម។
គួរបញ្ជាក់ដែរថា វត្តមានរបស់សៀវភៅ «សោយ» ប្រៀបបានដូចជាសម្បត្តិវប្បធម៌សម្រាប់សង្គមជាតិខ្មែរ ដែលការចេញលក់ និងបោះពុម្ពលើកទីមួយ ជាភាសាខ្មែរចំនួន ៥ ០០០ក្បាល និងភាសាអង់គ្លេសចំនួន ២ ០០០ក្បាល ដែលបងប្អូនយើងអាចបញ្ជាទិញបាន៕
Account
Security
Favourite Content