សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានថ្លែងថា កម្មវិធី CAFE25 គឺជាការគិតគូររកដំណោះស្រាយ បញ្ហាពាក់ព័ន្ធឱ្យផលិតផលកសិកម្ម ផ្សារភ្ជាប់ទីផ្សារ និងតម្រូវការជាក់ស្តែងទាំងបរិមាណ គុណភាព និងតម្លៃ ពិសេសការចូលរួមគ្រប់តួអង្គពាក់ព័ន្ធ ទាំងវិស័យធនាគារ បច្ចេកទេសកសិកម្ម កសាងទំនុកចិត្តរួមគ្នា និងផ្តល់ផលចំណេញទាំងអស់គ្នា។ ឯកឧត្តមរដ្ឋមន្រ្តី បានថ្លែងដូច្នេះ ខណៈ អញ្ជើញជាអធិបតីភាពដ៏ខ្ពង់ខ្ពស់ក្នុងពិធីបិទវេទិកា និងពិព័រណ៍កសិកម្មកម្ពុជា (CAFE25) នៅមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ នាល្ងាចថ្ងៃទី១៦ ខែវិច្ឆិកា ឆ្នាំ២០២៥។
ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានគូសបញ្ជាក់ថា កម្មវិធី CAFE25 គឹជាការផ្សារភ្ជាប់តួអង្គពាក់ព័ន្ធទាំងអស់ ក្នុងខ្សែច្រវាក់តម្លៃកសិកម្ម រួមមាន កសិករ អ្នកកែច្នៃ ពាណិជ្ជករ វិនិយោគិន និងដៃគូអភិវឌ្ឍន៍នានា ចាប់យកឱកាសថ្មីៗសម្រាប់ការធ្វើពាណិជ្ជកម្ម និងការវិនិយោគក្នុងវិស័យ-កសិស្បៀងអាហារនៅកម្ពុជា។
នៅក្នុងឱកាសនេះ ឯកឧត្តមរដ្ឋមន្រ្តី ក៏បានថ្លែងអំណរគុណ និងកោតសរសើរដល់ថ្នាក់ដឹកនាំក្រសួង ស្ថាប័ន គ្រប់អង្គភាពពាក់ព័ន្ធទាំងអស់ និងដៃគូអភិវឌ្ឍន៍នានា ជាពិសេសអង្គការ FAO ដែលជាដៃគូជិតស្និទ្ធ អង្គការ វិស័យឯកជន និងនិស្សិតស័្មគ្រចិត្ត ដែលបានខិតខំលះបង់ទាំងកម្លាំងកាយ កម្លាំងចិត្ត ដើម្បីដំណើរការកម្មវិធី CAFE25 បានបញ្ចប់ដោយជោគជ័យ និងមានការគាំទ្រពេញទំហឹងពីសំណាក់បងប្អូនទាំងអស់ សំដៅលើកកម្ពស់ពាណិជ្ជកម្ម ទាក់ទាញវិនិយោគិនក្នុងស្រុក និងក្រៅប្រទេស ជំរុញការកែច្នៃក្នុងវិស័យកសិ-ស្បៀងអាហារកម្ពុជា ទៅកាន់ទីផ្សារអន្តរជាតិ។
ព្រឹត្តិការណ៍នេះ ត្រូវបានចាត់ទុកថា ជាវេទិកាជាតិដ៏សំខាន់មួយ មានគោលបំណងពន្លឿនការវិនិយោគ នវានុវត្តន៍ និងភាពជាដៃគូនៅទូទាំងប្រព័ន្ធកសិ-ចំណីអាហារដែលកំពុងវិវត្តយ៉ាងឆាប់រហ័សរបស់ប្រទេស និងការតាំងបង្ហាញពីបច្ចេកវិទ្យាថ្មីៗ ឱកាសអាជីវកម្ម និងយុទ្ធសាស្ត្រដែលត្រូវបានបង្កើតឡើងដើម្បីជំរុញផលិតភាព និងពង្រឹងខ្សែច្រវាក់តម្លៃ។ ព្រឹត្តិការណ៍នេះផងដែរ មានការចូលរួមភាគីពាក់ព័ន្ធមកពីភ្នាក់ងាររដ្ឋាភិបាល ក្រុមហ៊ុនឯកជន ស្ថាប័នហិរញ្ញវត្ថុ ក្រុមកសិករ និងដៃគូអភិវឌ្ឍន៍ CAFE25 បម្រើជាឱកាសសម្រាប់កិច្ចពិភាក្សាស្តីពីការធ្វើទំនើបកម្មទីផ្សារកសិកម្មដ៏ជោគជ័យបំផុតមួយរបស់អាស៊ីអាគ្នេយ៍។
សូមជម្រាបថា វេទិកា និងពិព័រណ៍កសិកម្មកម្ពុជាឆ្នាំ២០២៥ (CAFE25) ដែលធ្វើឡើងរយៈពេល៤ថ្ងៃ នៅមជ្ឈមណ្ឌលសន្និបាត និងពិព័រណ៍កោះពេជ្រ គឺជាព្រឹត្តិការណ៍កសិកម្មដ៏ធំលើកដំបូងបង្អស់នៅកម្ពុជា ដែលទទួលបានការគាំទ្រយ៉ាងសម្បើម និងជោគជ័យបំផុត ក្រោមការដឹកនាំរៀបចំដោយក្រសួងកសិកម្ម រុក្ខាប្រមាញ់ និងនេសាទ (MAFF) សហការជាមួយក្រសួង ស្ថាប័នពាក់ព័ន្ធ អង្គការស្បៀង និងកសិកម្មនៃសហប្រជាជាតិ (FAO) ព្រមទាំងដៃគូអភិវឌ្ឍន៍ និងវិស័យឯកជននានាជាច្រើន៕
Account
Security
Favourite Content