សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងស្ថានភាពនៃវិបត្តិបានធូរស្បើយ និងប្រសើរឡើងវិញបន្តិចម្ដងៗ ការវិនិយោគនៅក្នុងប្រទេសកម្ពុជាក៏ទទួលបានជាបន្តបន្ទាប់ឡើងវិញដែរ ដែលធ្វើឱ្យវិនិយោគិនក្នុង និងក្រៅប្រទេសចាប់ផ្ដើមសម្លឹងពីឱកាសក្នុងការបណ្ដាក់ទុនវិនិយោគ។ ជាក់ស្ដែងក្នុងរយៈពេល៩ខែដើមឆ្នាំ២០២២នេះ ក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងវិនិយោគសរុបប្រមាណ១៥០គម្រោងគិតជាទឹកប្រាក់ប្រមាណ ៣ ៥០០លានដុល្លារអាមេរិក ។
បើតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជាឱ្យដឹងថា ក្នុងចំណោមគម្រោងទាំង១៥០គម្រោងដែលបានអនុម័តក្នុងរយៈពេល៩ខែដើមឆ្នាំនេះភាគច្រើនជាគម្រោងរោងចក្រកាត់ដេរសម្លៀកបំពាក់ ស្បែកជើងកាបូប សម្ភារធ្វើដំណើរ រោងចក្រកែច្នៃវេចខ្ចប់ និងរោងចក្រដំឡើងរថយន្ត និងមន្ទីរព្យាបាលផងដែរ ។
របាយការណ៍ដដែលបង្ហាញផងដែរថា គម្រោងដែលអនុម័តក្នុងរយៈ៩ខែនេះបើធៀបនឹង៩ខែឆ្នាំមុនមានការកើនឡើង១៦គម្រោង ក្នុងនោះទុនវិនិយោគមានកំណើនប្រមាណ១០០លានដុល្លារអាមេរិកផងដែរ ដែលជាតួលេខមួយល្អប្រសើរសម្រាប់ឆ្នាំ២០២២នេះ ។
លោក ង៉ឺយ ធី ភ្នាក់ងារអចលនទ្រព្យមួយរូបប្រចាំនៅខេត្តកំពង់ស្ពឺនិងជាជំនួយការអគ្គនាយកក្រុមហ៊ុនអភិវឌ្ឍន៍អចលនទ្រព្យមួយនៅប៉ែកខាងលិចរាជធានីភ្នំពេញក៏បានឱ្យដឹងផងដែរថា ការអនុម័តពីក្រុមប្រឹក្សាអភិវឌ្ឍន៍នូវគម្រោងវិនិយោគថ្មីៗ បានធ្វើឱ្យតម្រូវការដីធ្លីសម្រាប់សង់រោងចក្រ ឃ្លាំងជួលជាដើមនៅក្នុងខេត្តកំពង់ស្ពឺមានកំណើនខ្ពស់ ដោយក្នុងនោះដែរតម្រូវការបុគ្គលិកកម្មករថ្មីៗសម្រាប់ដំណើរការនៅក្រុមហ៊ុន ឬរោងចក្រក៏ឃើញថាមានកំណើនខ្ពស់ជាងឆ្នាំមុនៗផងដែរ ។
លោកបន្តថា ក្នុងឆ្នាំ២០២២នេះ មានគម្រោងរោងចក្រជាច្រើនបានងាកទៅកាន់តំបន់ខាងលិច ជាពិសេសនៅតាមបណ្ដោយផ្លូវ៥១ ដោយក្រុមហ៊ុនអភិវឌ្ឍន៍សួនឧស្សាហកម្មក្នុងស្រុកជាច្រើនបានជំរុញការសាងសង់ឃ្លាំង និងរោងចក្រសម្រាប់ជួលទៅឱ្យអ្នកវិនិយោគបង្កើតរោងចក្រថ្មីៗ ។
លោកបន្តថាសកម្មភាពនេះដែរ ក៏ធ្វើឱ្យតម្រូវការនៃដីឡូត៍ និងលំនៅឋាននៅជុំវិញតំបន់នោះ មានកំណើនជាងឆ្នាំ២០២១ផងដែរ ហើយអ្នកអភិវឌ្ឍន៍លំនៅឋាថ្មីៗនៅក្នុងតំបន់នោះ ក៏ចាប់ផ្ដើមធ្វើសកម្មភាពពន្លឿនការអភិវឌ្ឍគម្រោងរបស់ខ្លួនដើម្បីបំពេញតម្រូវការអតិថិជន ។
របាយការណ៍របស់ក្រុមប្រឹក្សាអភិវឌ្ឍន៍កម្ពុជាក៏បានបង្ហាញពីរំហូរទុនវិនិយោគផ្ទាល់ពីបរទេសក្នុងឆ្នាំ២០២២នេះចាប់ផ្ដើមហូរចូលកម្ពុជាឡើងវិញជាបន្តបន្ទាប់ ដោយរំពឹងថានៅពេលស្ថានភាពវិបត្តិកូវីដ១៩លក្ខណៈសកល និងបញ្ហានយោបាយអន្តរជាតិបានធូរស្រាលនឹងមានវិនិយោគិនបរទេសចូលមកកម្ពុជាដើម្បីបណ្ដាក់ទុនវិនិយោគបន្ថែម ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content