សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការអភិវឌ្ឍលំនៅឋានមានលក្ខណៈជាបុរីនៅក្នុងប្រទេសកម្ពុជានាពេលបច្ចុប្បន្ននេះនៅតែមានសកម្មភាពគួរឱ្យកត់សម្គាល់បើទោះបីជាពិភពលោកំពុងជួបប្រទះនឹងវិបត្តិដោយអន្លើក្ដី។ ជាក់ស្ដែង ចាប់តាំងពីកម្ពុជា ក៏ដូចជាពិភពលោកជួបប្រទះនឹងវិបត្តិកូវីដ១៩គេសង្កេតឃើញថាការអភិវឌ្ឍលំនៅឋានជាបុរីនៅតែមានភាពល្អប្រសើរ ហើយក្នុងឆ្នាំ២០២៣នេះ ការអភិវឌ្ឍលំនៅឋានជាបុរីត្រូវបានរំពឹងថានឹងមាន៦០គម្រោងថ្មីបន្ថែមទៀត។ នេះបើតាមរបាយការណ៍សិក្សាដោយក្រុមហ៊ុនអចលនទ្រព្យ CBRE Cambodia ។
របាយការណ៍ដដែលនេះឱ្យដឹងផងដែរថា ក្នុងឆ្នាំ២០១៩ រហូតដល់ឆ្នាំ២០២១ ការអភិវឌ្ឍអចលនទ្រព្យប្រភេទនេះបានឡើងដល់កំពូល ហើយចាប់ផ្ដើមធ្លាក់ចុះនៅក្នុងអំឡុងឆ្នាំ២០២២ និងបន្តដល់ឆ្នាំ២០២៣នេះ ។ ដោយឡែក ក្នុងឆ្នាំ២០២៣នេះ រយៈពេលកន្លះឆ្នាំកន្លងទៅ ការអភិវឌ្ឍអចលនទ្រព្យប្រភេទនេះសម្រេចបានត្រឹមតែ ៨គម្រោងប៉ុណ្ណោះ ប៉ុន្តែការសិក្សារត្រូវបានរំពឹងថានឹងសម្រេចបានរហូតដល់ជាង៦០គម្រោង។
បើតាមរបាយការណ៍បង្ហាញថា ការអភិវឌ្ឍលំនៅឋានតម្លៃមធ្យមក្នុងឆ្នាំ២០២៣នេះមានច្រើនជាងគេ បន្ទាប់មកគឺលំនៅឋានតម្លៃសមរម្យ។ ដោយឡែកការអភិវឌ្ឍលំនៅឋានតម្លៃខ្ពស់គឺមានតិចតួចប៉ុណ្ណោះសម្រាប់ក្នុងឆ្នាំ២០២៣នេះ។ ក្នុងន័យនេះ បានបង្ហាញទីផ្សារលំនៅឋានតម្លៃសមរម្យ និងមធ្យមក្នុងប្រទេសកម្ពុជាហាក់មានកំណើនខ្ពស់ដដែល ។
បើក្រលេកមកមើលពីតម្លៃលំនៅឋានក្នុងបុរីក្នុងមាសទី១ ឆ្នាំ២០២៣នេះ ឃើញថាបន្តថមថយបន្ថែមទៀតសម្រាប់ប្រភេទផ្ទះវីឡាភ្លោះ ផ្ទះអាជីវកម្ម និង ប្រភេទផ្ទះវីឡាទោល ។ ប៉ុន្តែបើងាកទៅចាប់អារម្មណ៍ប្រភេទផ្ទះវីឡាកូនកាត់វិញ ( Link House ) ឃើញថាមានការកើនឡើងបន្តិចសម្រាប់ឆមាសទី១ ឆ្នាំ២០២៣ ធៀបនឹងឆមាសទី២ ឆ្នំា២០២២ ។
ការស្រាវជ្រាវដដែលបង្ហាញថា ផ្ទះប្រភេទវីឡាទោសមានការធ្លាក់ចុះប្រមាណ២ភាគរយ ប្រភេទវីឡាភ្លោះ ធ្លាក់៥ភាគរយ និងផ្ទះអាជីវកម្មធ្លាក់ចុះ២ភាគរយ ធៀបនឹងឆមាសទី២កាលពីឆ្នាំមុន ប៉ុន្តែប្រភេទវីឡាកូនកាត់វិញមានការកើនឡើងប្រមាណ៦ភាគរយទៅវិញ។ បើធៀបនឹងឆមាសទី១ដូចគ្នាកាលពីឆ្នាំ២០២២ឃើញថា ប្រភេទផ្ទះវីឡាទោលតម្លៃធ្លាក់ចុះ ១៧ភាគរយ ប្រភេទវីឡាភ្លោះធ្លាក់ចុះរហូតដល់ ២៣ភាគរយ ផ្ទះអាជីវកម្មធ្លាក់ចុះ ១៨ភាគរយ ហើយវីឡាកូនកាត់ធ្លាក់តែ ១ភាគរយប៉ុណ្ណោះ ។
យ៉ាងណាក្ដី សម្រាប់ប្រជាពលរដ្ឋដែលទិញផ្ទះដោយបង់រំលស់ក្នុងបុរីនានានៅរាជធានីភ្នំពេញ ជាពិសេសប្រភេទផ្ទះដែលមានតម្លៃសមរម្យឃើញថាមានបញ្ហាកាន់តែខ្លាំង ដោយសារតែអតិថិជនមិនមានលទ្ធភាពក្នុងការបង់រំលស់បន្ត ធ្វើឱ្យម្ចាស់បុរីខ្លះត្រូវរឹបអូសផ្ទះពីអតិថិជនវិញ ហើយបុរីខ្លះបានសម្រួលដោយទិញផ្ទះពីអតិថិជនវិញតាមតម្លៃចរចាគ្នា ។
គួររំលឹកដែរថា ពាក់ព័ន្ធទៅនឹងបញ្ហានៃការគ្មានលទ្ធភាពបន្តបង់ប្រាក់រំលស់ផ្ទះប្រចាំខែខាងលើនេះ កាលពីពេលកន្លងទៅ សម្ដេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រីនៃកម្ពុជាធ្លាប់ក៏បានអំពាវនាវឱ្យម្ចាស់បុរីរកដំណោះស្រាយសមរម្យណាមួយជៀសវាងការរឹបអូសផ្ទះពីអតិថិជនក្នុងអំឡុងពេលដែលប្រជាពលរដ្ឋកំពុងជួបវិបត្តិធ្លាក់ចំណូល ដោយសារតែវិបត្តិនៃកូវីដ១៩ផង និងវិបត្តិនៃសង្គ្រាមរុស្ស៊ីផង៕
Account
Security
Favourite Content