ការ​នាំ​ចេញរបស់កម្ពុជា​ទៅ​ប្រទេស RCEP កើន​ដល់ ៤០០០​លាន​ដុល្លារ​ក្នុងឆមាសទីមួយ ឆ្នាំ២០២៣

ភ្នំពេញ ៖ ក្រសួងពាណិជ្ជកម្មបានបង្ហាញរបាយការណ៍ដោយបញ្ជាក់ថា កម្ពុជាបាននាំចេញទំនិញចម្រុះមានតម្លៃសរុប ៤,០៧​១ លានដុល្លារ ទៅកាន់ទីផ្សារប្រទេសដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ក្នុងរយៈពេល៦ខែនៃឆមាសទីមួយនៃឆ្នាំ២០២៣ មានការកើនឡើងប្រមាណ ២៤ ភាគរយបើធៀបរយៈពេលដូចគ្នាកាលពីឆ្នាំកន្លងទៅ។

គោលដៅនៃការនាំចេញរបស់កម្ពុជាទៅកាន់ប្រទេសកំពូលទាំង៣ ក្នុងកិច្ចព្រមព្រៀង RCEP រួមមានទីផ្សារប្រទេសវៀតណាមមានតម្លៃ ១,៤២៩ លានដុល្លារអាមេរិក, ប្រទេសថៃ មានតម្លៃ ៥២៧លានដុល្លារអាមេរិក និងសិង្ហបុរី មានតម្លៃចំនួន ៤១៥លានដុល្លារអាមេរិក។ ការ​នាំ​ចូល​របស់​ព្រះរាជាណាចក្រ​កម្ពុជា​ពី​បណ្តា​ប្រទេស RCEP បាន​ធ្លាក់​ចុះ ១៧ ភាគរយ​មក​នៅ​ត្រឹម ១០ ៧៤០ លាន​ដុល្លារ​អាមេរិក។

ឯកឧត្តម ប៉ែន សុវិជ្ជា អ្នកនាំពាក្យក្រសួងពាណិជ្ជកម្មបានមានប្រសាសន៍ថា ពាណិជ្ជកម្មរបស់កម្ពុជាជាមួយ​​​បណ្តាប្រទេស RCEP ដោយសារតែការអនុគ្រោះពាណិជ្ជកម្មក្រោមកិច្ចព្រមព្រៀងពាណិជ្ជកម្មតំបន់។

ឯកឧត្តម ប៉ែន សុវិជ្ជា បញ្ជាក់​ថា ​៖

“ជាមួយ​នឹង​ពន្ធ​ពាណិជ្ជកម្ម​ស្ទើរតែ​សូន្យ អ្នក​នាំ​ចេញ​អាច​ទាញ​យក​អត្ថប្រយោជន៍​ពី​កិច្ចព្រមព្រៀង​ពាណិជ្ជកម្មដែល​នាំ​ឱ្យ​ការ​នាំ​ចេញ និង​ការ​នាំ​ចូល​ពី​កម្ពុជា​កើនឡើង​​។”

បណ្ឌិត ហុង វណ្ណៈ ប្រធាននាយកដ្ឋានសេដ្ឋកិច្ចអន្តរជាតិនៃវិទ្យាស្ថានទំនាក់ទំនងអន្តរជាតិ-កម្ពុជានៃរាជបណ្ឌិត្យសភាកម្ពុជា បានប្រាប់ AMS ថា កិច្ចព្រមព្រៀងពាណិជ្ជកម្មសេរី RCEP ការរួមចំណែករបស់ប្រទេសសមាជិក RCEP បានរួមចំណែកដល់កិច្ចខិតខំប្រឹងប្រែងស្តារសេដ្ឋកិច្ចក្នុងតំបន់ និងសកល ដោយការផ្តល់លទ្ធភាពទទួលបានទីផ្សារកាន់តែធំទូលាយសម្រាប់ប្រទេសចូលរួមទាំងអស់ជាមួយការអនុគ្រោះពន្ធ។

លោកបណ្ឌិតបានបញ្ជាក់ថា ៖

“កិច្ចព្រមព្រៀងពាណិជ្ជកម្មក្នុងតំបន់នេះ ជាទីផ្សារសេរី ពង្រឹងសមាហរណកម្មសេដ្ឋកិច្ចក្នុងតំបន់ គាំទ្រដល់ប្រព័ន្ធពាណិជ្ជកម្មបើកចំហ និងបរិយាបន្ន ហើយរួមចំណែកដល់កិច្ចខិត​ខំប្រឹងប្រែងស្តារឡើងវិញវិស័យពាណិជ្ជកម្ម និងការវិនិយោគរបស់បណ្តាប្រទេស RCEP និងជាយន្តការនៃកិច្ចព្រមព្រៀងមួយជាមួយនឹងបណ្ដាប្រទេសក្នុងតំបន់នៃការធ្វើពាណិជ្ជកម្មតាមរយៈកិច្ចព្រមព្រៀង ទ្វេភាគី FTA ។”

លោកបណ្ឌិតបានថ្លែងបន្ថែមថា ៖

“RCEP បានលើកកម្ពស់កិច្ចសហប្រតិបត្តិការគ្រប់វិស័យក្នុងតំបន់ឱ្យកាន់តែខ្លាំង និងបានជួយបង្កើតឱកាសអាជីវកម្ម និងការងារថ្មីៗ ជំរុញឱ្យមានភាពកាន់តែច្បាស់លាស់ក្នុងកិច្ចពាណិជ្ជកម្ម។ ពង្រឹងខ្សែច្រវាក់ផ្គត់ផ្គង់ក្នុងតំបន់ និងជំរុញលើកកម្ពស់កិច្ចព្រមព្រៀងទេ្វភាគី និងបានពង្រីកសក្តានុពល បើកកម្រិតទីផ្សារឱ្យកាន់តែទូលាយនៅក្នុងខ្សែច្រវាក់តម្លៃក្នុងតំបន់ និងផលិតកម្ម។”

បណ្ឌិត ហុង វណ្ណៈ បានបញ្ជាក់ផងដែរថា ​កិច្ចព្រមព្រៀង (RCEP) មានបណ្តាប្រទេសអាស៊ីប៉ាស៊ីហ្វិកចំនួន ១៥ រួមទាំងរដ្ឋសមាជិកអាស៊ានចំនួន ១០ និងដៃគូពាណិជ្ជកម្មចំនួន ៥ គឺប្រទេសចិន ជប៉ុន កូរ៉េខាងត្បូង អូស្ត្រាលី និង ណូវែលសេឡង់។ វាជាការបង្កើតទីផ្សារសមាហរណកម្មក្នុងតំបន់ ដែលមានទំហំធំជាងមុន និងត្រូវបានជំរុញដោយកិច្ចព្រមព្រៀង (RCEP) ជាកិច្ចព្រមព្រៀងពាណិជ្ជកម្មសេរីដ៏ធំបំផុតរបស់ពិភពលោកដែលនឹងជះ​ឥទ្ធិពល​ដល់​សមាជិក​របស់​ខ្លួន។

គួរបញ្ជាក់ដែរថា នៅក្នុងរបាយការណ៍ស្ថិរភាពហិរញ្ញវត្ថុរបស់ធនាគារជាតិនៃកម្ពុជាបានបង្ហាញឱ្យដឹងថា ក្រោមការអនុវត្តកិច្ចព្រមព្រៀង RCEP និង FTAs កម្ពុជាត្រូវបានគេរំពឹងថានឹងទាក់ទាញការវិនិយោគបន្ថែមទៀតនៅក្នុងប៉ុន្មានឆ្នាំខាងមុខនេះ ដែលនឹងជំរុញផលិតភាព និងលើកកម្ពស់ការធ្វើពិពិធកម្មសេដ្ឋកិច្ច។ បន្ថែមពីនេះ សេដ្ឋកិច្ចកម្ពុជាត្រូវបានព្យាករណ៍ថានឹងកើន ៥.៦% នៅឆ្នាំ២០២៣ ខ្ពស់ជាងការព្យាការណ៍លើកដំបូងកាលពីចុងឆ្នាំកន្លងទៅត្រឹមតែ ៥.២% ក្រោមកិច្ចគាំទ្រពីកំណើននៃការនាំចេញសម្លៀកបំពាក់ និងផលិតផលមិនមែនកាត់ដេរ ក៏ដូចជាការងើបឡើងវិញយ៉ាងឆាប់រហ័សនៃវិស័យទេសចរណ៍ រួមជាមួយនឹងកំណើនដ៏រឹងមាំនៃការដឹកជញ្ជូន ទូរគមនាគមន៍ និងកសិកម្ម៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ស្វែងយល់ពីសេវាហិរញ្ញវត្ថុ ដែលកំពុងមានវត្តមាន និងពេញនិយមនៅកម្ពុជា

ព្រឹត្តិការណ៍, ហិរញ្ញវត្ថុ

• 25/06/2024

បច្ចុប្បន្ន សេវាឥណទាន ឬហិរញ្ញវត្ថុផ្លូវការ ដែលផ្តល់ដោយគ្រឹះស្ថានធនាគារ និងហិរញ្ញវត្ថុ (គ្រឹះស្ថានមីក្រូហិរញ្ញវត្ថុ) បាន និងកំពុងរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ចជាតិ

មន្ត្រីកសិកម្ម ៖ កិច្ចអន្តរាគមផ្នែកបច្ចេកទេស ជាអាទិភាពដើម្បីរកដំណោះស្រាយជូនប្រជាកសិករដែលជួបបញ្ហាពីការផ្ទុះឡើងករណីដង្កូវហ្វូង

ព្រឹត្តិការណ៍, សេដ្ឋកិច្ច

• 25/06/2024

ឯកឧត្តម ងិន ឆាយ បានថ្លែងថា ការងារអន្តរាគមន៍ខាងផ្នែកបច្ចេកទេស ជាអាទិភាពចាំបាច់ដើម្បីស្វែងរកដំណោះស្រាយជូនពុកម៉ែបងប្អូនប្រជាកសិករនៅតាមមូលដ្ឋាន

ក្រសួងពាណិជ្ជកម្មក្រើនរំលឹកដល់សាធារណជនឱ្យមានការប្រុងប្រយ័ត្នចំពោះផ្លែទុរេនជ្រលក់សារធាតុគីមី

ព្រឹត្តិការណ៍, សេដ្ឋកិច្ច

• 25/06/2024

ក្រសួងពាណិជ្ជកម្មកាលពីពេលថ្មីៗនេះ បានចេញសេចក្ដីជូនដំណឹងអំពីករណីនាំចូលផ្លែទុរេនពីប្រទេសជិតខាង មកដាក់លក់លើទីផ្សារកម្ពុជា ដោយមានប្រើសារធាតុគីមី

៥​ខែ​ដើមឆ្នាំ២០២៤ ការនាំចេញ​របស់​កម្ពុជា​ទៅកាន់ប្រទេសសមាជិក​ RC​E​P​ ​មានការកើន​ឡើង​ ​

ព្រឹត្តិការណ៍, សេដ្ឋកិច្ច

• 25/06/2024

របាយការណ៍ក្រសួងពាណិជ្ជកម្មបង្ហាញថា រយៈពេល៥ខែ ដើមឆ្នាំ២០២៤ ពាណិជ្ជកម្មកម្ពុជាជាមួយប្រទេសដៃគូសេដ្ឋកិច្ច RCEP បានកើនឡើងដល់ ១៤,១៧ ពាន់លានដុល្លារ

ស្ថាប័ន OECD ព្យាករពីស្ថានភាពសេដ្ឋកិច្ចសកល ២៥ឆ្នាំក្រោយ ខណៈចិននឹងក្លាយជាមហាអំណាចថ្មីជំនួសអាមេរិកយ៉ាងប្រាកដ

ព្រឹត្តិការណ៍, សេដ្ឋកិច្ច

• 25/06/2024

រយៈពេល២៥ឆ្នាំខាងមុខនេះមានបម្រែបម្រួលជាច្រើនដោយក្នុងនោះអង្គការអន្តរជាតិ OECD បានមើលឃើញថា ពិភពលោកនឹងអាចមានចំនួនមនុស្សកើនឡើងទៅដល់៩ពាន់លាននាក់

PillTech និង Sanofi GHU រួមគ្នា ដើម្បីជួយវិស័យសុខាភិបាលនៅកម្ពុជាកាន់តែប្រសើរ

ព្រឹត្តិការណ៍, អត្ថបទពាណិជ្ជកម្ម

• 24/06/2024

ក្រុមហ៊ុន PillTech ជាធុរកិច្ចខ្មែរឈានមុខផ្នែកបច្ចេកវិទ្យាវិស័យសុខាភិបាល និង Sanofi Global Health Unit (GHU) ដែលជាអង្គភាពមិនរកប្រាក់ចំណេញរបស់ក្រុមហ៊ុន Sanofi បានចាប់ដៃគូក្នុងគោលបំណងអោយការផ្តល់សេវាសុខាភិបាល

ប្រជាកសិករយល់ដឹងកាន់តែច្រើនពីផលប៉ះពាល់របស់ជីគីមី ហើយងាកមកប្រើជីធម្មជាតិជំនួស

ជំនួញ, ព្រឹត្តិការណ៍

• 24/06/2024

អាជីវកម្មជីធម្មជាតិ កំពុងទទួលបានការគាំទ្រស្ទើរទូទាំងប្រទេស ខណៈដែលប្រជាកសិករមានការយល់ដឹងកាន់តែច្រើនពីផលប៉ះពាល់របស់ជីគីមី ហើយងាកមកប្រើជីធម្មជាតិជំនួសវិញ។

ឧស្សាហកម្មកាត់ដេរ និងវាយនភណ្ឌ ជាសសរស្តម្ភនៃសេដ្ឋកិច្ច ខណៈរោងចក្រម៉ៅការដេរដើរតួនាទីសំខាន់ក្នុងឧស្សាហកម្មកាត់ដេរនៅកម្ពុជា

ព្រឹត្តិការណ៍, សេដ្ឋកិច្ច

• 24/06/2024

ឧស្សាហកម្មកាត់ដេរ និង វាយនភណ្ឌជាសសរស្តម្ភនៃសេដ្ឋកិច្ច ខណៈរោងចក្រម៉ៅការដេរដើរតួនាទីយ៉ាងសំខាន់ក្នុងឧស្សាហកម្មកាត់ដេរនៅកម្ពុជា ។

សារៈសំខាន់នៃកិច្ចសន្យាឥណទានដែលអ្នកប្រើប្រាស់កម្ចីផ្លូវការគួរស្វែងយល់

ព្រឹត្តិការណ៍, ហិរញ្ញវត្ថុ

• 24/06/2024

កិច្ចសន្យាឥណទាន គឺសំដៅទៅលើកិច្ចសន្យាខ្ចីប្រាក់រវាងអតិថិជន និងស្ថាប័នផ្ដល់កម្ចីផ្លូវការដែល រូមមាន ធនាគារ និងមីក្រូហិរញ្ញវត្ថុ...

សក្ដានុពល​ក្នុងវិស័យកសិកម្មនៃតំបន់​ប៉ូលសេដ្ឋកិច្ចទី៤ នឹងកាន់តែទាក់ទាញ​ការ​វិនិយោគក្រោយ​គម្រោង​​ធារាសាស្ត្រ​ធំៗ​លេចជារូបរាង​

ព្រឹត្តិការណ៍, អចលនទ្រព្យ

• 24/06/2024

សក្ដានុពល​ក្នុងវិស័យកសិកម្មនៃតំបន់​ប៉ូលសេដ្ឋកិច្ចទី៤ នឹងកាន់តែទាក់ទាញ​ការ​វិនិយោគក្រោយ​គម្រោង​​ធារាសាស្ត្រ​ធំៗ​លេចជារូបរាង​