សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គិតត្រឹមចុងត្រីមាសទី៣ឆ្នាំ២០២២នេះ ការវិលត្រលប់របស់អ្នកវិនិយោគអន្តរជាតិមកកាន់កម្ពុជានៅមានកម្រិតនៅឡើយ ដែលទាមទារឱ្យមានការចូលរួមវិនិយោគ និងអភិវឌ្ឍន៍ពីសំណាក់អ្នកក្នុងស្រុកបន្ថែមទៀត ដើម្បីអាចពង្រឹង និងគាំទ្រភាពធន់នៃវិស័យអចលនទ្រព្យកម្ពុជា។
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានមានប្រសាសន៍ឱ្យដឹងថា ភាពមិនទាន់ច្បាស់លាស់នៃការរីករាលដាលនៃជំងឺកូវីដ១៩នៅបរទេស គឺជាកត្តាចម្បងក្នុងការរាំងខ្ទប់មិនឱ្យវិនិយោគិនបរទេសចូលមកកម្ពុជាដើម្បីស្វែងរកការវិនិយោគនៅឡើយ ដូច្នេះ ដើម្បីជំរុញភាពរីកចម្រើននៃវិស័យនេះទៅមុខទៀត ត្រូវទាមទារឱ្យមានការចូលរួមបណ្តាក់ទុនវិនិយោគពីសំណាក់អ្នកក្នុងស្រុកដើម្បីបង្កើនសកម្មភាពរួមគ្នាជាមួយនឹងរាជរដ្ឋាភិបាល។
លោកបន្តថា ៖
“ក្នុងពេលដែលលំបាក វិនិយោគិនក្នុងស្រុករបស់យើងក៏បានខិតខំប្រឹងប្រែងបណ្ដាក់ទុនវិនិយោគ បន្តឈរជើង បន្តអភិវឌ្ឍន៍អចលនទ្រព្យ បើទោះបីជាពួកគាត់បានជួប និងប្រឈមបញ្ហាហិរញ្ញវត្ថុផ្ទាល់ខ្លួនក៏ដោយ ដែលទាំងអស់នេះហើយជាទំនុកចិត្តទីផ្សាររបស់បណ្តាអតិថិជនក្នុងស្រុក ជាពិសេសផ្នែកអភិវឌ្ឍលំនៅឋានកម្រិតមធ្យម និងកម្រិតសមរម្យ”
លោកបន្ថែមថា ៖
“ក្នុងគោលបំណងជួយឱ្យវិស័យនេះរីកចម្រើន សម្ដេចអគ្គមហាសេនាបតីតេជោ ហ៊ុន សែន តាមរយៈក្រសួងសេដ្ឋកិច្ច និងហិរញ្ញវត្ថុ បានបង្កើតនិយ័តករបរធនបាលកិច្ច ជួយដោះស្រាយឱ្យដំណើរការវិនិយោគកាន់តែលឿនកាន់តែប្រសើរបន្ថែមទៀត ហើយតាមរយៈនិយ័តករបរធនបាលកិច្ចក៏អាចជួយទាក់ទាញដល់វិនិយោគិនបរទេសមកបណ្ដាក់ទុននៅកម្ពុជាបន្ថែមនៅពេលខាងមុខនេះ”
អ្នកនាង គឹម គិនកេសា អ្នកគ្រប់គ្រងទីផ្សារ និងស្រាវជ្រាវជាន់ខ្ពស់នៃក្រុមហ៊ុនអចលនទ្រព្យ CBRE Cambodia បានលើកឡើងថា នៅក្នុងឆ្នាំ២០២២នេះ សម្រាប់អ្នកវិនិយោគបរទេសដែលបានដាក់ទុននៅកម្ពុជាពួកគេកំពុងតែបន្តសម្មភាពទៅលើគម្រោងចាស់ដែលមានស្រាប់ ជាមួយនឹងការសម្លឹងមើលឱកាសវិនិយោគនៅកម្ពុជាបន្ថែម។ ប៉ុន្តែសម្រាប់វិនិយោគិនបរទេសថ្មីៗនៅមិនទាន់មានសកម្មភាពនៅឡើយនោះទេ ខណៈដែលវិបត្តិនៃជំងឺកូវីដ ក៏ដូចជាវិបត្តិផ្សេងទៀតដែលកំពុងកើតមាននៅប្រទេសរបស់ពួកគេនៅមិនទាន់អាចកំណត់បាននៅឡើយ។
អ្នកនាងបានបញ្ជាក់ដែរថា ការវិលត្រលប់របស់វិនិយោគិនបរទេសមកកាន់កម្ពុជា គឺមិនអាស្រ័យលើកត្តាខាងក្នុងនោះឡើយបើទោះជាកម្ពុជាមានភាពធូរស្រាលពីភាពប្រឈមជំងឺកូវីដក៏ដោយ ពោលគឺអាស្រ័យលើកត្តាខាងក្រៅ។ បើសិនជាស្ថានភាពវិបត្តិនៅតាមបណ្ដាប្រទេសខាងក្រៅនៅតែបន្តមានភាពមិនច្បាស់លាស់នោះវិនិយោគិនបរទេសនឹងមិនទាន់អាចចូលមកកម្ពុជាបានច្រើនដូចគ្នា ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
វត្តមានតំបន់សេដ្ឋកិច្ចពិសេសថ្មីតម្លៃ ៣០០លានដុល្លារ នៅខេត្តកំពង់ស្ពឺ នឹងក្លាយជាមជ្ឈមណ្ឌលភស្តុភារ ជំរុញការតភ្ជាប់ពាណិជ្ជកម្មក្នុងតំបន់ និងនិរន្តរភាព
Top News, ព្រឹត្តិការណ៍, សេដ្ឋកិច្ច
• 01/09/2026
វត្តមានតំបន់សេដ្ឋកិច្ចពិសេសថ្មីតម្លៃ ៣០០លានដុល្លារ នៅខេត្តកំពង់ស្ពឺ នឹងក្លាយជាមជ្ឈមណ្ឌលភស្តុភារ ជំរុញការតភ្ជាប់ពាណិជ្ជកម្មក្នុងតំបន់ និងនិរន្តរភាព
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
សន្និសីទធនាគារកម្ពុជា លើកទី៥ ផ្តោតលើការរក្សាស្ថិរភាព និងពង្រឹងទំនុកចិត្តក្នុងប្រព័ន្ធធនាគារ
សន្និសីទធនាគារនៅកម្ពុជាលើកទី៥៖ “ការដាក់ចេញអាទិភាពសម្រាប់ស្ថិរភាពហិរញ្ញវត្ថុ បង្កើនជំនឿទុកចិត្ត និងកំណើនដោយចីរភាព”
Account
Security
Favourite Content