សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ វិស័យសំណង់ និងអចលនទ្រព្យនៅក្នុងប្រទេសកម្ពុជាត្រូវបានសង្កេតឃើញថាចាប់ផ្ដើមមានកំណើនរើបឡើងវិញបន្តិចម្ដងៗចាប់តាំងពីស្ថានភាពកូវីដ១៩នៅក្នុងប្រទេសបានថមថយ ជាពិសេសក្រោយពេលរាជរដ្ឋាភិបាលបានបើកប្រទេសបើកសេដ្ឋកិច្ចឡើងវិញកាលពីអំឡុងចុងឆ្នាំ២០២១កន្លងទៅ ។
នៅក្នុងឆ្នាំ២០២៣នេះ វិស័យសំណង់ និងអចលនទ្រព្យត្រូវបានរំពឹងថា នឹងងើបឡើងវិញជាវិជ្ជមានបន្តទៀត។ នេះបើតាមរបាយការណ៍របស់ធនាគារជាតិនៃកម្ពុជាចេញផ្សាយនៅថ្ងៃទី១១ ខែមករា ឆ្នាំ២០២៣នេះ បានព្យាករណ៍ថា វិស័យសំណង់និងអចលនទ្រព្យរំពឹងងើបឡើង ១,៧ភាគរយ និង១,២ភាគរយរៀងគ្នា ដែលមានន័យសំណង់រំពឹងកើនឡើង១,៧ភាគរយ និងអចលនទ្រព្យរំពឹងកើនឡើង១,២ភាគរយ។
ធនាគារជាតិនៃកម្ពុជាបានបង្ហាញផងដែរថា ការងើបឡើងវិញនៃវិស័យសំណង់ និងអចលនទ្រព្យនេះគឺមានការគាំទ្រដោយកំណើនតម្រូវការក្នុងស្រុក ផ្ដោតលើទីផ្សារអចលនទ្រព្យលំនៅឋានដែលមានតម្លៃសមរម្យ ខណៈដែលសំណង់ប្រភេទប្រណីតដែលបម្រើដល់តម្រូវការអនិវេសជនត្រូវការពេលវេលា ដើម្បីអាចវិលត្រលប់ទៅរកស្ថានភាពមុនពេលមានវិបត្តិ។
អ្នកនាង គឹម គិនកេសា អ្នកគ្រប់គ្រងជាន់ខ្ពស់នៃក្រុមហ៊ុន CBRE Cambodia បានឱ្យដឹងថា ទីផ្សារអចលនទ្រព្យនៅកម្ពុជាអាចមានកំណើនខ្ពស់នៅពេលមានការវិនិយោគពីខាងក្រៅប្រទេសច្រើនដូចនឹងមុនពេលមានវិបត្តិកូវីដ១៩ តែបើសិនជាមិនមាននោះទេ ទីផ្សារនេះនៅតែមានកំណើនតែមានកំណើនយឺត ។
អ្នកនាងបន្តថា ៖
“ការប្រកាសបើកប្រទេសរបស់រដ្ឋាភិបាលចិន ក៏អាចជាសញ្ញាវិជ្ជមាននៃការមកដល់នៃវិនិយោគិនចិននៅកម្ពុជាផងដែរ ប៉ុន្តែភ្លាមៗប្រហែលជាយើងមិនអាចទទួល ឬក៏ចិនចូលមកកម្ពុជាភ្លាមៗដែរ ដោយរង់ចាំមើលពីស្ថានភាព និងការគ្រប់គ្រងរបស់ចិនលើជំងឺកូវីដ១៩ជាមុន ។ បើសិនជាចិនគ្រប់គ្រងបានល្អនោះការចេញចូលរបស់វិនិយោគិនចិនក៏ដូចជាទេសចរចិននឹងកាន់តែមានចំនួនច្រើន ហើយកម្ពុជាក៏អាចនឹងទទួលបានវិនិយោគិនចិន និងទេសចរចិនច្រើនផងដែរ”
សម្ដេចអគ្គមហាសេនាបតីតេជោ ហ៊ុន សែន នាយរកដ្ឋមន្ត្រីនៃព្រះរាជាណាចក្រកម្ពុជាបានថ្លែងកាលពីពេលថ្មីៗនេះដោយអំពាវនាវឱ្យវិនិយោគិនក្នុងស្រុកបណ្ដាក់ទុនវិនិយោគលើវិស័យលំនៅឋានដែលមានតម្លៃសមរម្យសម្រាប់បំពេញតម្រូវការប្រជាពលរដ្ឋក្នុងប្រទេសក៏ដូចជាសម្រាប់ជួយគាំទ្រដល់មន្ត្រីរាជការឱ្យមានលំនៅឋានសមរម្យស្នាក់នៅ ។
សម្ដេចតេជោបានបន្តថា ការបណ្ដាក់ទុនវិនិយោគលើលំនៅឋាននេះដែរ ក៏ជាចំណែកមួយជំរុញកំណើនវិស័យសំណង់ និងអចលនទ្រព្យឱ្យមានកំណើនជាវិជ្ជមានក្នុងឆ្នាំនេះនិងឆ្នាំបន្តបន្ទាប់ ៕
Account
Security
Favourite Content