រយៈពេល៧ខែ ឆ្នាំ២០២២ សន្ទុះនៃការលក់ខុនដូនៅកម្ពុជា មានការកើនឡើង

ភ្នំពេញ ៖ នៅក្នុងរយៈពេល២ឆ្នាំកន្លងទៅនេះ មិនខុសពីបណ្តាប្រទេសនានានៅលើពិភពលោកនោះទេ កម្ពុជាក៏បានជួបប្រទះនឹងវិបត្តិដោយសារតែកូវីដ១៩ ហើយបានធ្វើឱ្យវិស័យជាច្រើនរងផលប៉ះពាល់ ដោយក្នុងនោះវិស័យអចលនទ្រព្យក៏រងផលប៉ះពាល់ផងដែរ ជាពិសេសទីផ្សារខុនដូ ដែលភាគច្រើនរំពឹងលើទីផ្សារមកពីក្រៅប្រទេស ។ យ៉ាងណាក៏ដោយ ជាការកត់សម្គាល់ នៅក្នុងរយៈពេល៧ខែចុងក្រោយនេះ ទីផ្សារខុនដូបានចាប់ផ្ដើមមានសន្ទុះងើបឡើងវិញ ខណៈដែលសកម្មភាពនៃការសាងសង់ក៏មានភាពមមាញឹក។

លោក ខន គង្គា អគ្គនាយកក្រុមហ៊ុនភ្នាក់ងារអចលនទ្រព្យអន្តរជាតិ ERA Cambodia បានមានប្រសាសន៍ថា ចាប់តាំងពីខែមករា ដល់ដើមខែសីហាឆ្នាំ២០២២នេះ សន្ទុះនៃការលក់ខុនដូចាប់ផ្តើមមានការកើនឡើងដោយក្នុងនោះសម្រាប់តែក្រុមហ៊ុន ERA Cambodia មានអតិថិជនស្វែងរកទិញខុនដូកើនឡើងវិញ ជាពិសេសគឺអតិថិជននៅក្នុងប្រទេសកម្ពុជាតែម្ដង។

លោកបន្តថា ៖

“ទីផ្សារខុនដូនៅក្នុងប្រទេសកម្ពុជាមានសន្ទុះខ្លាំងក្នុងអំឡុងឆ្នាំ២០១៩ ឬដើមឆ្នាំ២០២០ ដោយកាលណោះមានជនបរទេសជាច្រើនស្វែងរកទិញខុនដូ ប៉ុន្តែនៅពាក់ឆ្នាំ២០២០ និងដើមឆ្នាំ២០២១ ការឆ្លងរីករាលដាលនៃជំងឺកូវីដ១៩បានរីកកាន់តែធំ និងធ្វើឱ្យទីផ្សារខុនដូនៅពេលនោះជួបភាពលំបាកខ្លាំង។ ទើបតែនៅដើមឆ្នាំ២០២២ រហូតមកដល់ដំណាច់ខែកក្កដា ចូលដល់ដើមខែសីហានេះ ទីផ្សារខុនដូនៅកម្ពុជាក៏មានសន្ទុះវិញ”

លោកបានបន្តទៀតថា ៖

“ហេតុផលសំខាន់ៗដែលជំរុញឱ្យមានដំណើរការនៃការទិញលក់ខុនដូឡើងវិញនៅក្នុងឆ្នាំ២០២២នេះ គឺអត្រានៃការចាក់វ៉ាក់សាំងជូនប្រជាពលរដ្ឋមានចំនួនកាន់តែច្រើន អ្នកខ្លះបាន២ដូស ខ្លះបានដល់៥ដូស ដូច្នេះហើយរាល់អាជីវកម្មនានាក៏មានសកម្មភាព និងធ្វើឱ្យប្រាក់ចំណូលរបស់ពួកគាត់បានកើនឡើង និងអាចមានលទ្ធភាពទិញលំនៅឋានសម្រាប់ស្នាក់នៅ ដោយមួយចំនួនក៏ចាប់អារម្មណ៍លើខុនដូនេះតែម្ដង”

និយាយតែទីផ្សារខុនដូនាពេលបច្ចុប្បន្ននេះ ក្រៅតែពីអតិថិជនដែលជាអ្នករស់នៅអ្នកក្នុងស្រុកហើយនោះ ក៏មានជនបរទេសចូលមកម្ពុជាក៏កាន់តែច្រើនឡើងដែរ ជាពិសេសជនជាតិចិន ខណៈពេលដែលកម្ពុជា-ចិន មានការបើកជើងហោះហើរកាន់តែទូលាយ ហើយក្រៅពីនេះក៏មានជើងហោះហើរមកពីខាងក្រៅបន្ថែមទៀតដូចជា មកពីសិង្ហបុរី ថៃ ម៉ាឡេស៊ី ដែលធ្វើឱ្យរំហូរនៃចំនួនជនបរទេសចូលមកកម្ពុជាមានច្រើនជាងឆ្នាំមុន និងបានធ្វើឱ្យទីផ្សារខុនដូចាប់ផ្តើមកម្រើកឡើង។

លោក ខន គង្គា បានបន្ថែមទៀតថា ៖

“បើនិយាយពីវិស័យអចលនទ្រព្យក្នុងប្រទេសកម្ពុជា ធៀបជាមួយនឹងបណ្ដាប្រទេសក្នុងតំបន់ឃើញថា កម្ពុជាប្រៀបបាននឹងកូនក្រមុំដ៏ស្រស់ស្អាតមួយ ក្នុងនោះតម្លៃដីធ្លី ក៏មានកម្រិតទាប ឥរិយាបទរបស់ប្រជាជនកម្ពុជាក៏មានភាពទាក់ទាញខ្លាំងសម្រាប់វិនិយោគិន ឬអ្នកអភិវឌ្ឍន៍បរទេសឱ្យមកកាន់កម្ពុជា ខណៈដែលតម្លៃនៃកំលាំងពលកម្មនៅក្នុងប្រទេសក៏មានកម្រិតសមរម្យ ជាហេតុជំរុញឱ្យមានការវិនិយោគពីខាងក្រៅកាន់តែច្រើន”

គួរបញ្ជាក់ផងដែរថា ផ្អែកតាមរបាយការណ៍ដែលចេញផ្សាយដោយ CBRE Cambodia បានបង្ហាញថា នៅក្នុងត្រីមាសទី១នៃឆ្នាំ២០២២នេះ ការផ្គត់ផ្គង់ខុនដូនៅលើទីផ្សារមិនសូវមានកំណើនច្រើនទេ ប៉ុន្តែចូលមកដល់ត្រីមាសទី២ ការផ្គត់ផ្គង់ក៏មានចំនួនច្រើនឡើង ដោយក្នុងនោះដែរ គម្រោងខុនដូដែលបានផ្អាកដំណើរការកាលពីអំឡុងពេលកូវីដ១៩ បានចាប់ផ្ដើមធ្វើសកម្មភាពសាងសង់ឡើងវិញ ជាមួយនឹងកំណើននៃអ្នកបញ្ជាទិញក៏ចាប់ផ្តើមមានដូចគ្នា៕

លោក អ៊ា សុវណ្ណារ៉ា | Mr. Ea Sovannara

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

របាយការណ៍ថ្មីៗ

មើលទាំងអស់ ➧

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

មុខរបរលក់ដំឡូងស្ងោរមួយកញ្ច្រែង តែអាចរកចំណូលបានជាង ៤០ ម៉ឺនរៀលក្នុងមួយថ្ងៃ

ជំនួញ, បទយកការណ៍

• 17/11/2023

និយាយពីរបរលក់ដំឡូងស្ងោរចល័តតាមដងផ្លូវក្នុងរាជធានីភ្នំពេញ គេមិនអាចមើលរំលងបាននោះទេនូវអាជីវករសកម្មនៅភូមិព្រែកពោធិ ដែលតែងតែជិះរថយន្តឈ្នួលឡើងមកលក់ដំឡូងស្ងោរពេលព្រឹក.....

ព័ត៌មានទូទៅ

មើលទាំងអស់ ➧

AMRO ព្យាករថា អតិផរណាកម្ពុជាមានអត្រាជិត ៣ ភាគរយ ខណៈអ្នកជំនាញយល់ថាជាអតិផរណាកម្រិតខ្ពស់

ព្រឹត្តិការណ៍, សេដ្ឋកិច្ច

• 07/04/2026

ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន AMRO ព្យាករថា សេដ្ឋកិច្ចកម្ពុជា អាចនឹងសម្រេចបានក្នុងរង្វង់ ៤,៩ភាគរយ ជាមួយនឹងអតិផរណា បានកើនឡើងក្នុងអត្រា ២,៩ ភាគរយ សម្រាប់ឆ្នាំ ២០២៦ នេះ។

ត្រីមាសទី១ ឆ្នាំ២០២៦ សេដ្ឋកិច្ចវៀតណាមកើនឡើងយឺត ដោយសារការនាំចូលប្រេងពីមជ្ឈិមបូព៌ារងផលប៉ះពាល់ខ្លាំង

ព្រឹត្តិការណ៍, សេដ្ឋកិច្ច

• 06/04/2026

សេដ្ឋកិច្ចរបស់ប្រទេសវៀតណាមនៅក្នុងត្រីមាសទី១ ដើមឆ្នាំ២០២៦នេះ មានការកើនឡើងយឺតយ៉ាវ ដោយសារតែការនាំចូលប្រេងពីមជ្ឈិមបូព៌ាទទួលរងនូវផលប៉ះពាល់ខ្លាំង ដែលជាហេតុជំរុញឱ្យមានអតិផរណាកើនឡើង

សម្តេចធិបតី ហ៊ុន ម៉ាណែត លើកទឹកចិត្តដល់ប្រជាពលរដ្ឋ ប្រើប្រាស់ផលិតផលក្នុងស្រុក

ព្រឹត្តិការណ៍, សេដ្ឋកិច្ច

• 06/04/2026

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានចេញសារលិខិតអបអរសាទរ ក្នុងឱកាសទិវាជាតិលើកកម្ពស់ការប្រើប្រាស់ផលិតផលខ្មែរ ៩ មេសា លើកទី៩ ឆ្នាំ២០២៦ ក្រោមប្រធានបទ «ខ្មែរផលិត ខ្មែរប្រើប្រាស់ ខ្មែររីកចម្រើន» និងបានជំរុញឱ្យបងប្អូនប្រជាពលរដ្ឋខ្មែរ គាំទ្រប្រើប្រាស់ផលិតផលក្នុងស្រុក ដែលផលិតដោយខ្មែរ។

ប្រេងឥន្ធនៈនិងជីកសិកម្មឡើងថ្លៃបង្កផលប៉ះពាល់ដល់ជីវភាពកសិករ ខណៈជម្លោះមជ្ឈិមបូព៌ានៅតែបន្ត

ព្រឹត្តិការណ៍, សេដ្ឋកិច្ច

• 06/04/2026

កសិករជាច្រើននៅកម្ពុជា កំពុងប្រឈមនឹងការលំបាក ដោយសារតម្លៃប្រេងឥន្ធនៈ និងជីសកិកម្មកើនឡើង ដែលជាកត្តាជំរុញឱ្យថ្លៃដើមផលិតរបស់ពួកគេ កើនឡើង ចាប់តាំងពីជម្លោះនៅមជ្ឈិមបូព៌ាចាប់ផ្តើម។ នេះបើយោងតាមការផ្សាយរបស់កាសែត BERNAMA ប្រទេសម៉ាឡេស៊ី ចេញផ្សាយកាលពីថ្ងៃទី ០១ ខែមេសា ឆ្នាំ ២០២៦ កន្លងទៅ។

សហគមន៍កសិកម្មទំនើបកើនឡើងដល់ ៣១ ជាមួយកិច្ចសន្យាផលិតកម្មមានតម្លៃជាង៤០លានដុល្លារ

ព្រឹត្តិការណ៍, សេដ្ឋកិច្ច

• 03/04/2026

រហូតមកដល់ពេលនេះ សហគមន៍កសិកម្មទំនើបដែលបង្កើតឡើងនៅចុងឆ្នាំ២០២៣ កើនឡើងដល់៣១ និងកិច្ចសន្យាផលិតកម្មជាង៤០លានដុល្លារអាម៉េរិក

លំហូរសាច់ប្រាក់ពីបរទេសធ្លាក់ចុះជាង ២៣ ភាគរយ ក្រោយការវិលត្រឡប់របស់ពលករខ្មែរពីប្រទេសថៃ

ព្រឹត្តិការណ៍, សេដ្ឋកិច្ច

• 03/04/2026

ការវិលត្រឡប់របស់ពលករខ្មែរពីប្រទេសថៃ ពិតជាធ្វើឲ្យលំហូរប្រាក់ពីបរទេសថយចុះ ប៉ុន្តែ ក៏បានបង្ហាញពីផលវិជ្ជមានផងដែរ គឺអាចបំពេញកម្លាំងពលកម្មនៅក្នុងស្រុក។

មន្ត្រីជាន់ខ្ពស់ពន្ធដារ ៖ ពន្ធលើចំណេញមូលធនត្រូវបង់នៅពេលដែលចំណេញតែប៉ុណ្ណោះ បើមិនចំណេញមិនត្រូវបង់ទេ

ព្រឹត្តិការណ៍, សេដ្ឋកិច្ច

• 02/04/2026

ពន្ធលើចំណេញមូលធនលើការលក់ ឬផ្ទេរទ្រព្យទាំង៥ប្រភេទនេះ ត្រូវបង់នៅពេលដែលមានផលចំណេញប៉ុណ្ណោះ បើមិនមានចំណេញមិនត្រូវបង់ទេ

ប្រធាន PATA ៖ ការធ្លាក់ចំណូល និងចំនួនទេសចរនៅកម្ពុជានាដើមឆ្នាំនេះគឺជាបញ្ហាសកល

ព្រឹត្តិការណ៍, សេដ្ឋកិច្ច

• 02/04/2026

ការធ្លាក់ចុះចំណូលពីការលក់សំបុត្រចូលទស្សនា និងកម្សាន្តនៅតំបន់រមណីយដ្ឋានអង្គរ ក៏ដូចជាការធ្លាក់ចំនួនទេសចរទូទៅនៅកម្ពុជាក្នុងរយៈពេល៣ខែដើមឆ្នាំ២០២៦នេះ មិនមែនជារឿងចម្លែកនោះទេ ត្បិតបណ្តាប្រទេសជិតខាង និងក្នុងតំបន់ក៏ធ្លាក់ដូចគ្នា

ប្រទេសសេដ្ឋកិច្ចធំៗនៅអាស៊ីចេញវិធានការបណ្តោះអាសន្នក្នុងគ្រាតម្លៃប្រេងយន្តហោះឡើងថ្លៃខ្ពស់

ព្រឹត្តិការណ៍, សេដ្ឋកិច្ច

• 02/04/2026

បណ្តាប្រទេសដែលមានសេដ្ឋកិច្ចធំ២នៅក្នុងតំបន់អាស៊ីជាច្រើនបានចេញវិធានការជាបណ្តោះអាសន្ន ដើម្បីទប់ស្កាត់ផលប៉ះពាល់ដល់វិស័យអាកាសចរណ៍ពីការឡើងថ្លៃនៃតម្លៃប្រេងយន្តហោះ

កម្ពុជាស្វែងរកការគាំទ្រ និងកិច្ចសហការផ្នែកពាណិជ្ជកម្មពីសន្និសីទថ្នាក់រដ្ឋមន្ត្រីលើកទី១៤របស់អង្គការពាណិជ្ជកម្មពិភពលោក

ព្រឹត្តិការណ៍, សេដ្ឋកិច្ច

• 01/04/2026

ឯកឧត្តមសាស្ត្រាចារ្យបណ្ឌិតសភាចារ្យ សុក ស៊ីផានណា បានដឹកនាំគណៈប្រតិភូកម្ពុជា ទៅចូលរួមសន្និសីទថ្នាក់រដ្ឋមន្ត្រីលើកទី១៤ (MC14) នៃអង្គការពាណិជ្ជកម្មពិភពលោក (WTO)នាទីក្រុងយុនដេ ប្រទេសកាម៉េរូន