សកម្មភាព​វិនិយោគ​ និងតម្លៃដីធ្លីនៅតាមបណ្ដោយផ្លូវ​៥១​ ចាប់ផ្តើមហក់ឡើងវិញ

ភ្នំពេញ ៖ ខុសប្លែកកាលពីប្រមាណ២ឆ្នាំមុន ដែលសេដ្ឋកិច្ចជាសកលជួបវិបត្តិដោយសារតែបញ្ហាជំងឺកូវីដ-១៩ ធ្វើឱ្យប៉ះពាល់ដល់គ្រប់វិស័យ រួមទាំងវិស័យ​អចលនទ្រព្យ​នៅកម្ពុជាផងដែរនោះ សម្រាប់តែតំបន់ផ្លូវជាតិ​ផ្លូវ​៥១​ បច្ចុប្បន្ននេះបានងាកមករកស្ថានភាពល្អប្រសើរឡើងវិញហើយ ជាពិសេសផ្នែកទីផ្សារដីធ្លី ដែល​មានសកម្មភាពទិញ-លក់ និងសាងសង់សំណង់លំនៅដ្ឋានយ៉ាងមមាញឹក ហើយតម្លៃនៅលើទីផ្សារក៏មានការកើនឡើងវិញផងដែរ។

លោក ​ផូន សុអុនដែន ប្រធានផ្នែក​ទីផ្សារ​នៃក្រុមហ៊ុនអចលនទ្រព្យ KH Land ​នៅតំបន់​ផ្លូវ​៥១ បាន​ថ្លែង​ប្រាប់ ​AMS ឱ្យដឹងថា ​​​ក្រោយពេល​ស្ថានភាពកូវីដ-​១៩ ​បានធូរស្រាល​ជាមួយ​នឹ​ងការ​បើកប្រទេស​ឡើងវិញ​របស់រដ្ឋាភិបាលតាំងពីចុងឆ្នាំ២០២១​មក សកម្មភាពនៃការ​វិនិយោគ​នៅតំបន់​ផ្លូវ​៥១ហាក់មិនសូវខុសប្លែក​ពី​តំបន់ដទៃទៀតនោះទេ ពោលគឺមានសភាពស្ងប់ស្ងាត់ ប៉ុន្តែអ្វីដែលជាការគួរឱ្យកត់សម្គាល់នោះ គឺទើបតែនៅត្រឹមរយៈពេល៣-៤ខែចុងក្រោយនេះប៉ុណ្ណោះ ទាំង​សកម្មភាព​នៃការ​វិនិយោគ ក៏ដូចជាសកម្មភាពនៃការអភិវឌ្ឍន៍ក្នុងវិស័យឧស្សាហកម្មជាឃ្លាំង ជារោងចក្រ ជាពិសេសផ្នែកលំនៅដ្ឋានគឺមានភាពមមាញឹកឡើងវិញ។ ​

លោក​បន្តថា ៖

“គម្រោងធំៗ​នៅតាមបណ្ដោយផ្លូវ​៥១ដែលមានសកម្មភាពនៅពេលនេះមានដូចជា គម្រោង​សួនឧស្សាហកម្ម​កាណាឌីយ៉ា​ គម្រោង​អភិ​វឌ្ឍន៍​លំនៅដ្ឋានដែល​មានលក្ខណៈជាបុរី​​ ដែល​កំពុងតែមមាញឹក​ខ្លាំង​ និង​ធ្វើឱ្យ​វិនិយោគិន​ក្នុង​ស្រុ​ក​ជាច្រើន​ទៀត​បាន​ទៅកាន់តំបន់នោះ​ដើម្បី​ស្វែងរកកា​រវិនិយោគ​។ ម្យ៉ាងទៀត​ពលរដ្ឋ​ដែល​ទិញ​អច​ល​ន​ទ្រព្យ​នៅតំបន់នោះដើម្បី​វិនិយោគក៏មានភាពវៃឆ្លាត​ជាង​មុនផងដែរ ដោយពួកគាត់មិនមែន​ទិញ ឬក៏​វិនិយោ​គ​ត​ៗ​គ្នា​នោះឡើយ​   ពោលគឺមុនសម្រេចចិត្តទិញទុកវិនិយោគចំណេញ គឺពួកគាត់​បាន​ចុះ​ទៅ​សិក្សា​ផ្ទាល់ និងសាកសួរព័ត៌មាន​ជុំវិញ​នោះរួច​ ទើបពួកគាត់បណ្ដាក់​ទុនវិនិយោគ​”

ដោយឡែកពាក់ព័ន្ធទៅនឹងតម្លៃទីផ្សារវិញត្រូវបានលោកបញ្ជាក់ថា ​តាមរយៈសកម្មភាពទាំង​នេះ​បានជំរុញឱ្យតម្លៃដីធ្លីហក់ឡើង​កាន់តែ​ខ្ពស់ដែលរហូតមក​ដល់​ពេ​ល​​នេះ​​ តម្លៃដីដែលនៅជាប់​​​ផ្លូវ៥១ មានតម្លៃចន្លោះពី ៨០​ដុល្លារ ទៅ ​២០០ដុល្លារអាមេរិក​ក្នុ​ង​មួយ​​ម៉ែត្រឬខ្ពស់ជាងនេះអាស្រ័យតាមទំហំ និងស្ថានភាពដី​ ប៉ុន្តែសម្រាប់ដី​ដែលនៅខាងក្នុង ​ឬជាប់ផ្លូវតូច​ៗ​អាច​មានតម្លៃទាប​ជាង​នេះ ត្រឹម៤០ដុល្លារ ទៅ ៦០ដុល្លារក្នុងមួយម៉ែត្រការ៉េ គឺអាស្រ័យ​ទៅលើ​ការ​ចរចា។

ស្រដៀងគ្នានេះ លោក ​បូ សេងហួរ​ អ្នកជំនាញអចលនទ្រព្យ និងជាប្រធានសាខា​នៃក្រុមហ៊ុន ​Century 21 Zillion Holding ប្រចាំ​ខេត្តកំពង់ស្ពឺ​បានឱ្យដឹងថា​ ការ​កើនឡើង​នៃ​គម្រោង​វិនិយោគ​នានា ជាពិសេស វិស័យឧស្សាហកម្ម​នៅក្នុង​ខេត្ត​កំពង់ស្ពឺ ​បានធ្វើ​ឱ្យ​តម្រូវការ​ដី​មានការកើនឡើង ហើយក៏ជំរុញឱ្យតម្លៃ​ដី​ធ្លី​ហក់​ឡើ​ង​​​​ដូចគ្នាផងដែរ។

លោក​បន្តថា​ ៖

“នៅក្នុង​ឆ្នាំ២០២២​នេះ ឃើញថា​គម្រោង​វិនិយោគលើ​រោងចក្រ​​នៅក្នុងខេត្តកំពង់ស្ពឺ ជាពិសេស​នៅ​ផ្លូវ​៥១ ផ្លូវ​៤១ និងផ្លូវ​៤៤ ដែលជាផ្លូវថ្មីក៏មាន​ការ​ដាក់ទុនវិនិយោគថ្មីៗជាច្រើនផងដែរ។ កត្តា​ដែលជំរុញឱ្យមានការ​វិនិយោគ​លើឧស្សាហកម្ម​​នៅតំបន់នេះ ពីព្រោះតែមានប្រព័ន្ធហេដ្ឋារចនាសម្ព័​ន្ធតភ្ជាប់​ទៅកាន់​ច្រកព្រំដែន និង​កំពង់ផែ ភាពងាយស្រួល​ក្នុងការ​ដឹកជញ្ជូនមកកាន់តំបន់នេះ​ និ​ងដឹក​ចេញទៅវិញ”

លោក​បានបន្តថា វត្តមាននៃចំនួនគម្រោងវិនិយោគដែលមាននៅពេលបច្ចុប្បន្ននេះនៅមិនទាន់គ្រប់គ្រាន់នោះទេ ពោលគឺនៅឆ្នាំបន្ទាប់នឹងមានគម្រោងថ្មីៗចូលមក​បន្ថែមទៀតជាមិនខាន ព្រោះដីនៅតំបន់ផ្លូវ៥១ នៅមានទំនេរច្រើន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច

កម្ពុជាទទួលបានទេសចរជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ

ព្រឹត្តិការណ៍, សេដ្ឋកិច្ច

• 17/07/2024

កម្ពុជាទទួលបានទេសចរជាតិ និង អន្តរជាតិ ជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ គិតចាប់ពីថ្ងៃទី ០៨ ដល់ថ្ងៃទី ១៤ ខែកក្កដា ឆ្នាំ២០២៤

IMF បង្កើនការព្យាករណ៍កំណើន GDP របស់ចិន ខណៈកំណើនសេដ្ឋកិច្ចរបស់សហរដ្ឋអាមេរិកធ្លាក់ចុះ

ព្រឹត្តិការណ៍, សេដ្ឋកិច្ច

• 17/07/2024

IMF បានបង្កើនការព្យាករណ៍កំណើនផលិតផលក្នុងស្រុកសរុប​ (GDP) របស់ចិនសម្រាប់ឆ្នាំនេះ ខណៈដែលព្យាករណ៍ពីកំណើនសេដ្ឋកិច្ចរបស់សហរដ្ឋអាមេរិកអាចធ្លាក់ចុះនៅឆ្នាំក្រោយ

ADB ៖ ឆ្នាំ២០២៤ កំណើនសេដ្ឋកិច្ចប្រទេសកំពុងអភិវឌ្ឍនៅអាស៊ី និងប៉ាស៊ីហ្វិកកើនដល់ ៥%

ព្រឹត្តិការណ៍, សេដ្ឋកិច្ច

• 17/07/2024

ADB ព្យាករថាឆ្នាំ ២០២៤ កំណើនសេដ្ឋកិច្ចនៃ ប្រទេសកំពុងអភិវឌ្ឍនៅអាស៊ី និង ប៉ាស៊ីហ្វិកនឹងកើនដល់៥% ដែលការព្យាករលើកមុនតែ ៤.៩ ភាគរយ

រដ្ឋាភិបាលចេញ​ប្រកាសលើកទឹកចិត្តផ្នែកពន្ធដារសម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ព្រឹត្តិការណ៍, សេដ្ឋកិច្ច

• 17/07/2024

រាជរដ្ឋាភិបាល​ តាមរយៈក្រសួងសេដ្ឋកិច្ច និងហិរញ្ញវត្ថុ បានចេញប្រកាសស្ដីពី ការណែនាំអនុវត្តអនុក្រឹត្យស្ដីពីការលើកទឹកចិត្តផ្នែកពន្ធដារ សម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ប្រធានសហគមន៍ជីផាត ៖ ភ្ញៀវក្នុងស្រុកមានទំនោរទៅទស្សនាតំបន់ធម្មជាតិច្រើនជាងឆ្នាំមុន

ព្រឹត្តិការណ៍, សេដ្ឋកិច្ច

• 17/07/2024

សហគមន៍អេកូទេសចរណ៍ជីផាត ជាសហគមន៍ចំណាស់មួយ ដែលត្រូវបានបង្កើតឡើងតាំងតែពីឆ្នាំ២០០៧ នៅក្នុងស្រុកថ្មបាំងខេត្តកោះកុង

អាល្លឺម៉ង់ គ្រោងកាត់ផ្ដាច់ក្រុមហ៊ុនចិន Huawei ចេញពីបណ្តាញ 5G របស់ខ្លួន

ព្រឹត្តិការណ៍, សេដ្ឋកិច្ច

• 17/07/2024

នៅក្រោមកិច្ចព្រមព្រៀងនេះ គ្រឿងបន្លាស់ដែលផលិតដោយក្រុមហ៊ុន Huawei ដែលជាក្រុមហ៊ុនផលិតគ្រឿងបន្លាស់ 5G ឈានមុខគេរបស់ប្រទេសចិន នឹងត្រូវហាមឃាត់ពីហេដ្ឋារចនាសម្ព័ន្ធបណ្តាញស្នូលដែលរសើបរបស់អាល្លឺម៉ង់មុនចុងឆ្នាំ ២០២៦

៥ខែ ឆ្នាំ២០២៤ កម្ពុជា នាំចេញបង្កងប៉ាករស់ ២,៥តោន អន្ទង់០.២០តោន និងកំពិសបង្កកជាង៣៥តោនទៅទីផ្សារចិន

ព្រឹត្តិការណ៍, សេដ្ឋកិច្ច

• 16/07/2024

៥ខែនៃឆ្នាំ២០២៤ កម្ពុជាបាននាំចេញបង្កងប៉ាករស់ ២,៥តោន អន្ទង់០.២០តោន និង កំពិសបង្កកជាង​៣៥តោនទៅទីផ្សារប្រទេសចិន

ទីផ្សារហ៊ុននៅអាស៊ីកំពុងស្ថិតក្រោមស្រមោលនៃព្រឹត្តិការណ៍ប៉ុនប៉ងបាញ់សម្លាប់លោក Trump

ព្រឹត្តិការណ៍, សេដ្ឋកិច្ច

• 16/07/2024

គិតត្រឹមព្រឹកព្រលឹមថ្ងៃចន្ទសប្ដាហ៍នេះ សម្រាប់ទីផ្សារហ៊ុនរបស់លុយគ្រីបតូ Bitcoin បានហក់ឡើងទៅដល់ប្រមាណ ៦ម៉ឺនដុល្លារក្នុងមួយកាក់នៅក្នុងទីផ្សារលក់របស់សកល

សត្វចង្រៃ ដង្កូវ​ហ្វូង និង​រុយ​ស​ បំផ្លាញ​ស្រូវ​កសិករជាច្រើនហិកតា តែអាចគ្រប់គ្រងបាន

ព្រឹត្តិការណ៍, សេដ្ឋកិច្ច

• 16/07/2024

ឯកឧត្តម ងិន ឆាយ ប្រតិភូររាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានកសិកម្ម បានបញ្ជាក់ឱ្យដឹងថា ការខូចខាតដំណាំស្រូវ​ដោយសារសត្វល្អិតចង្រៃអាចគ្រប់គ្រងបាន