សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កំពង់ស្ពឺ គឺជាខេត្តមួយដែលមានសក្ដានុពលខ្ពស់ក្នុងការទទួលបានគម្រោងវិនិយោគក្នុងវិស័យឧស្សាហកម្ម ជាពិសេសរោងចក្រថ្មីៗ និងរោងចក្រដែលបានដំណើរការនៅក្នុងប្រទេសកម្ពុជា និងត្រូវរើចេញពីភ្នំពេញតាមផែនការពង្រីកក្រុងរបស់រដ្ឋាភិបាល។ ជាក់ស្ដែងបច្ចុប្បន្ន ខេត្តកំពង់ស្ពឺ កំពុងមានការកើនឡើងនូវគម្រោងវិនិយោគជាច្រើន ។
លោក បូ សេងហួរ ប្រធានសាខាក្រុមហ៊ុនអចលនវត្ថុ Century 21 Zillion Holding ខេត្តកំពង់ស្ពឺ បានឱ្យដឹងថា ក្នុងរយៈពេលប៉ុន្មានឆ្នាំមកនេះ កំពង់ស្ពឺពិតជាទទួលបានគម្រោងវិនិយោគរោងចក្រច្រើន ទាំងរោងចក្រដែលទើបទទួលបានការអនុម័តពីក្រុមប្រឹក្សាអភិវឌ្ឍន៍កម្ពុជា និងរោងចក្រដែលរុះរើចេញពីភ្នំពេញ ហើយក្នុងនោះដែរ ឃើញថាតំបន់នៅតាមបណ្ដោយផ្លូវ៥១ បានក្លាយជាទីតាំងដែលពេញនិយមសម្រាប់ការវិនិយោគលើរោងចក្រសហគ្រាស និងឧស្សាហកម្ម ។
លោកបន្តថា ៖
“ក្រៅពីនេះ ផ្លូវ៤៤ និងផ្លូវ៤១ ក៏ជាទីតាំងដ៏ទាក់ទាញសម្រាប់វិនិយោគិនក្នុងវិស័យឧស្សាហកម្ម ជាពិសេសរោងចក្រ សហគ្រាសតែម្ដង ដែលធ្វើឱ្យតម្លៃដីធ្លីនៅតាមតំបន់នោះមានការកើនឡើងជាបន្តបន្ទាប់។ ម្ចាស់ដីខ្លះបានដាក់លក់ដីក្នុងតម្លៃខ្ពស់ជាងហាងឆេងខ្លាំងដែលពិបាកស្វែងរកអ្នកទិញ ពីព្រោះអ្នកទិញគេបានដឹងពីតម្លៃហាងឆេងដីធ្លីច្បាស់លាស់ណាស់មុននឹងគេស្វែងរកទិញ “
លោក សេងហួរ បានឱ្យដឹងទៀតថា ៖
“ស្រុកគងពិសីនៃខេត្តកំពង់ស្ពឺ ជាទីតាំងឧស្សាហកម្មថ្មីរបស់អ្នកវិនិយោគលើវិស័យឧស្សាហកម្ម ដោយបានឃើញទីតាំងនោះមានរោងចក្រសហគ្រាស និងឃ្លាំងសម្រាប់ជួលដល់ម្ចាស់រោងចក្រសហគ្រាសដែលរកទីតាំងសម្រាប់ការផលិតរបស់ខ្លួន។ ក្រៅពីនេះដែរ ក៏មានវិនិយោគិនជាច្រើនទៀតបាន និងកំពុងសិក្សាស្វែងយល់ពីសក្ដានុពលនៃខេត្តកំពង់ស្ពឺសម្រាប់ទីតាំងវិនិយោគរបស់ខ្លួន ជាពិសេសវិនិយោគិនបរទេសដែលកំពុងសិក្សា និងត្រៀមខ្លួនក្នុងការបណ្ដាក់ទុនវិនិយោគនៅក្នុងខេត្តនេះ ដែលធ្វើឱ្យកំពង់ស្ពឺកាន់តែមានសក្ដានុពលបន្ថែម”
លោកបន្ថែមថា កត្តាដែលវិនិយោគិនជ្រើសរើសទីតាំងកំពង់ស្ពឺជាទីតាំងវិនិយោគរបស់ពួកគេដោយសារតែខេត្តនេះជាខេត្តមានអំណោយផលមួយក្នុងការដឹកជញ្ជូនទំនិញទៅកាន់កំពង់ផែសម្រាប់ដឹកចេញទៅកាន់ទីផ្សារអន្តរជាតិបានយ៉ាងប្រសើរ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អំឡុងបុណ្យចូលឆ្នាំខ្មែរ ជាកង្វល់នៃកំណើនគ្រោះថ្នាក់ចរាចរណ៍
Uncategorized, ព្រឹត្តិការណ៍, សេដ្ឋកិច្ច
• 09/04/2026
ជាទូទៅ ក្នុងអំឡុងពិធីថ្ងៃបុណ្យជាតិធំៗនៅប្រទេសកម្ពុជា ដូចជាបុណ្យចូលឆ្នាំថ្មីប្រពៃណីជាតិខ្មែរជាដើម ករណីគ្រោះថ្នាក់ចរាចរណ៍តែងតែមានសន្ទុះកើនឡើងច្រើន បើធៀបនឹងថ្ងៃធម្មតា
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content