សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ព្រះពុទ្ធប្បដិមាកំពស់១០៨ម៉ែត្រ បានចាប់ផ្ដើមបើកការដ្ឋានសាងសង់ជាផ្លូវការកាលពីថ្ងៃទី០៤ ខែមករា ឆ្នាំ២០២៣ថ្មីៗនេះ ដែលការសាងសង់នូវព្រះពុទ្ធប្បដិមាដ៏ខ្ពស់នេះ នឹងទាក់ទាញការភ្ញៀវទេសចរជាតិ-អន្តរជាតិ ក៏ដូចជាការវិនិយោគបន្ថែមទៅកាន់ទឹកដីនៃខេត្តកំពត និងតំបន់សមុទ្រក្នុងព្រះរាជាណាចក្រកម្ពុជា ។
ព្រះពុទ្ធប្បដិមាដែលសាងសង់ឡើងលើកំពូលភ្នំបូកគោមានកំពស់១០៨ម៉ែត្រពីខឿនផ្ទាល់ដី ប្រើប្រាស់ថវិកាប្រមាណ៣០លានដុល្លារអាមេរិក និងចំណាយពេលក្នុងការសាងសង់រយៈពេល៤ឆ្នាំ ។ រយៈពេល៤ឆ្នាំក្រោយ ខេត្តកំពតត្រូវបានរំពឹងថានឹងទទួលបានកំណើននូវភ្ញៀវទេសចរ និងការវិនិយោគលើវិស័យទេសចរណ៍បន្ថែមទៀត និងអាចធ្វើឱ្យតំបន់សមុទ្រមួយនេះទទួលបាននូវការរីកចម្រើនបន្ថែមទៀត ។
លោក ជិន ណារិន នាយកប្រតិបត្តិនៃក្រុមហ៊ុន Sunshine Real Estate នៅខេត្តកំពតបានឱ្យដឹងថា ការអភិវឌ្ឍនានានៅក្នុងខេត្តកំពតនាពេលកន្លងមកនិងពេលបច្ចុប្បន្ននេះ នឹងជំរុញឱ្យខេត្តកំពតកាន់តែមានសក្ដានុពលទាក់ទាញការវិនិយោគបន្ថែមទៀត ។
លោកបន្តថា ៖
“តាមបទពិសោធ និងការសង្កេតរបស់ខ្ញុំនាពេលកន្លងមកឃើញថាក្រោយពេលមានគម្រោងអភិវឌ្ឍន៍អ្វីមួយនៅក្នុងខេត្តកំពតបានលេចចេញជារូបរាង តែងតែទទួលបាននូវការវិនិយោគនានាជាបន្តបន្ទាប់ទៅតាមនោះដែរ ជាក់ស្ដែងក្រោយពេលរាជរដ្ឋាភិបាលបានប្រកាសបើកការដ្ឋានសាងសង់កំពង់ផែទឹកជ្រៅ នៅខេត្តកំពតក៏ឃើញថាមានគម្រោងវិនិយោគឯកជនជាច្រើនបានចាប់ផ្ដើមអនុវត្តន៍គម្រោងរបស់ពួកគេជាបន្តបន្ទាប់ផងដែរ”
លោកបន្ថែមថា ៖
“នៅពេលអនាគតឆាប់ៗនេះ ខ្ញុំជឿជាក់ថា ខេត្តកំពតនឹងកាន់តែមានសក្ដានុពលបន្ថែមទៀត ទៅលើការទាក់ទាញការវិនិយោគដើម្បីបំពេញបន្ថែមនូវតម្រូវការដែលកំពុងកើនឡើងជាបន្តបន្ទាប់ និងនៅពេលឆាប់ៗនេះ”
លោក កែវ សុជាតិ ប្រធានសាខានៃក្រុមហ៊ុន KW Kampot ក៏បានឱ្យដឹងផងដែរថា ការវិនិយោគនៅក្នុងខេត្តកំពតភាគច្រើន មើលឃើញថាជាគម្រោងវិនិយោគបំពេញបន្ថែមសម្រាប់វិស័យទេសចរណ៍ដូចជាគម្រោងផ្ទះលំហែកាយ សណ្ឋាគារ ផ្ទះសំណាក់ ប៉ុន្តែចុងក្រោយនេះក៏មានគម្រោងអគារខ្ពស់ៗមួយចំនួនផងដែរ ដែលទាំងនេះកាន់តែផ្ដល់ទំនុកចិត្តបន្ថែមដល់វិនិយោគថ្មីៗជាច្រើនទៀត។
នៅក្នុងរបាយការណ៍របស់ក្រុមហ៊ុន សុខា អូតែល ដែលជាក្រុមហ៊ុនសាងសង់លើព្រះពុទ្ធប្បដិមាកំពស់១០៨ម៉ែត្រនៅលើកំពូលភ្នំបូកគោបានបង្ហាញថា តាមរយៈព្រះពុទ្ធប្បដិមាមួយអង្គដែលកំពុងសាងសង់នៅលើកំពូលភ្នំបូកគោនឹងធ្វើឱ្យខេត្តកំពតកាន់តែមានសក្ដានុពលលើវិស័យទេសចរណ៍បន្ថែមទៀត ជាពិសេស នឹងទាក់ទាញភ្ញៀវទេសចរក្នុងតំបន់ និងលើពិភពលោកមកទស្សនានៅក្នុងខេត្តកំពត ជាពិសេសរមណីយដ្ឋានបូកគោកាន់តែច្រើនក្រោយពេលព្រះពុទ្ធប្បដិមាសាងសង់រួចរាល់នៅឆ្នាំ២០២៧ខាងមុខ។
រាជរដ្ឋាភិបាលក៏បាន និងកំពុងសាងសង់ផ្លូវតភ្ជាប់ខ្វាត់ខ្វែងពីភ្នំពេញ ទៅកាន់ខេត្តកំពត និងកែប ក៏ដូចជាផ្លូវនៅក្នុងតំបន់នោះផ្ទាល់ ដែលតាមរយៈផ្លូវទាំងនេះដែរ នឹងជំរុញឱ្យភ្ញៀវទេសចរទៅកាន់តំបន់នោះកាន់តែច្រើនបន្ថែមទៀត ហើយចង់មិនចង់ ការវិនិយោគទៅលើសេវាទេសចរនៅក្នុងតំបន់នេះ ក៏នឹងត្រូវតែកើនឡើងផងដែរ៕
Account
Security
Favourite Content