សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រសួងសាធារណៈការ និងដឹកជញ្ជូនកាលពីថ្ងៃទី១៥ ខែឧសភា ឆ្នាំ២០២៣ ម្សិលមិញនេះ បានបើកកិច្ចប្រជុំមួយជាមួយក្រុមការងាររបស់ក្រសួងសម្រាប់ត្រៀមរៀបចំពិធីបើកការដ្ឋានសាងសង់ផ្លូវល្បឿនលឿន ភ្នំពេញ-បាវិត ដែលនឹងប្រព្រឹត្តទៅនាថ្ងៃទី៧ ខែមិថុនាខាងមុខនេះដោយបានបែងចែកការងារ តួនាទី និងភារកិច្ច ទៅដល់សមាជិកក្រុមការងាររួចរាល់ហើយ។
គម្រោងសាងសង់ផ្លូវល្បឿនលឿនទី២នៅកម្ពុជា តភ្ជាប់ពីភ្នំពេញ-បាវិត ជាគម្រោងរវាងរាជរដ្ឋាភិបាលកម្ពុជា និងក្រុមហ៊ុនសាជីវកម្មស្ពាន និងថ្នល់ចិន (CRBC) ព្រមទាំងបានចុះហត្ថលេខាលើកិច្ចព្រមព្រៀងសាងសង់កាលពីថ្ងៃទី១០ ខែវិច្ឆិកា ឆ្នាំ២០២២កន្លងទៅនេះ។ គម្រោងផ្លូវល្បឿនលឿននេះ មានប្រវែងប្រមាណ ១៣៥គីឡូម៉ែត្រ តភ្ជាប់ពីភ្នំពេញទៅកាន់ព្រំដែនប្រទេសវៀតណាម គ្រោងចំណាយទឹកប្រាក់ ១ ៤០០ លានដុល្លារអាមេរិក ហើយគ្រោងនឹងបញ្ចប់ការសាងសង់ជាស្ថាពរនៅចុងឆ្នាំ២០២៦ ឬ ដើមឆ្នាំ២០២៧។
បើតាមឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណៈការ និងដឹកជញ្ជូន បានឱ្យដឹងថា ផ្លូវល្បឿនលឿនតភ្ជាប់ពីភ្នំពេញ-បាវិតនេះ មានសារៈសំខាន់ណាស់ក្នុងការតភ្ជាប់ពីប្រទេសចិន មកភូមា មកប្រទេសថៃ មកកម្ពុជា និងទៅវៀតណាម ដើម្បីផ្តល់ភាពងាយស្រួលក្នុងការដឹកជញ្ជូនទំនិញ និងការធ្វើដំណើរ ដែលត្រូវសាងសង់ជា៤គន្លង, តួផ្លូវមានទទឹង ២៥,៥ ម៉ែត្រ ដោយផ្តើមចេញពីភ្នំពេញនៅចំណុចផ្លូវក្រវាត់ក្រុងទី៣ កាត់តាមខេត្តកណ្តាល ខេត្តព្រៃវែង និងខេត្តស្វាយរៀង ឆ្ពោះទៅក្រុងបាវិត ព្រំដែនកម្ពុជា-វៀតណាមតែម្ដង៕
Account
Security
Favourite Content