សារព័ត៌មានជប៉ុន ៖ រូបិយប័ណ្ណឌីជីថលរបស់កម្ពុជាជួយលើកកម្ពស់រូបិយវត្ថុជាតិ និងការទូទាត់តាមអេឡិចត្រូនិក

ភ្នំពេញ ៖ សារព័ត៌មានរបស់ប្រទេសជប៉ុន NHK WORLD-JAPAN កាលពីចុងសប្តាហ៍កន្លងទៅ បានចុះផ្សាយថា ធនាគារជាតិនៃកម្ពុជា ជាធនាគារកណ្តាលដំបូងក្នុងតំបន់អាស៊ីដែលបានដាក់ឱ្យប្រើប្រាស់រូបិយប័ណ្ណឌីជីថល កាលពីខែតុលា ឆ្នាំ២០២០។ យន្តការនេះរួមចំណែកក្នុងការលើកកម្ពស់ការប្រើប្រាស់រូបិយវត្ថុជាតិ និងជំរុញការប្រើប្រាស់ការទូទាត់តាមអេឡិចត្រូនិកនៅតំបន់ជនបទ។

សារព័ត៌មានរបស់ប្រទេសជប៉ុនខាងលើ បានឱ្យដឹងទៀតថា រយៈពេលប៉ុន្មានឆ្នាំចុងក្រោយនេះ ការប្រើប្រាស់រូបិយប័ណ្ណឌីជីថលនៅកម្ពុជាកាន់តែមានទូលំទូលាយនៅតំបន់ទីប្រជុំជន និងការវិវត្តន៍យ៉ាងឆាប់រហ័សនៅក្នុងក្របខណ្ឌទូទាំងប្រទេស។

ទោះយ៉ាងក៏ដោយ កម្ពុជា​ត្រូវ​បាន​ចាត់​ចូល​ជា​ប្រទេស​អភិវឌ្ឍន៍​តិច​បំផុត​ដោយ​អង្គការ​សហ​ប្រជាជាតិ ហើយមានតែ ២២% នៃប្រជាជនពេញវ័យប៉ុណ្ណោះដែលមានគណនីទូទាត់តាមធនាគារ ឬទូរស័ព្ទក្នុងឆ្នាំ២០១៧ ដែលទាបជាងតួលេខក្នុងតំបន់ ៧០% នៅអាស៊ីបូព៌ា និងប៉ាស៊ីហ្វិក។ នេះបើយោងតាមធនាគារពិភពលោក។

ធនាគារកណ្តាលបានបង្កើតរូបិយប័ណ្ណឌីជីថលថ្មី ដោយដាក់ចេញប្រព័ន្ធដែលនឹងផ្តល់ឱ្យមនុស្សគ្រប់គ្នានូវលទ្ធភាពទទួលបានសេវាហិរញ្ញវត្ថុ ដែលមានតម្លៃសមរម្យ។ ធនាគារកណ្តាលបានធ្វើការជាមួយក្រុមហ៊ុនបច្ចេកវិទ្យា blockchain របស់ជប៉ុន Soramitsu ដើម្បីអភិវឌ្ឍប្រព័ន្ធទូទាត់បាគង ដែលត្រូវបានដាក់ឈ្មោះតាមប្រាសាទបុរាណមួយក្នុងប្រទេសកម្ពុជា។

ឯកឧត្តម Fumio Kishida នាយករដ្ឋមន្រ្តីនៃប្រទេសជប៉ុន បានរំលេចពីឈ្មោះប្រព័ន្ធទូទាត់បាគងថាជាឧទាហរណ៍ជាក់ស្តែងបង្ហាញពីកិច្ចសហប្រតិបត្តិការប្រកបដោយជោគជ័យរវាងជប៉ុន និងកម្ពុជា ដែលជាគំរូល្អមួយសម្រាប់ប្រទេសក្នុងតំបន់អាស៊ីក្នុងការពង្រឹងកិច្ចសហប្រតិបត្តិការផ្នែកនវានុវត្តន៍។

នៅក្នុងសុន្ទរកថារបស់ឯកឧត្តម Fumio Kishida នាវេទិកាអនាគតអាស៊ី (Future of Asia Forum) ដែលរៀបចំឡើងនៅទីក្រុងតូក្យូ ប្រទេសជប៉ុន ឯកឧត្តមបានមានប្រសាសន៍ថា ឆន្ទៈរបស់ថ្នាក់ដឹកនាំវ័យក្មេង ក្នុងវ័យ ៣០ និង ៤០ ឆ្នាំនៅធនាគារជាតិនៃកម្ពុជា គួបផ្សំជាមួយនឹងគំនិតឆ្នៃប្រឌិតថ្មីរបស់ក្រុមហ៊ុនជប៉ុនដែលទើបបង្កើតថ្មីបាននាំមកនូវអត្ថប្រយោជន៍ផ្នែកសេវាកម្មហិរញ្ញវត្ថុយ៉ាងទូលំទូលាយដល់ប្រជាជននៅតាមតំបន់ជនបទ ដែលជាកន្លែងគ្មានសាខាធនាគារ។

ឯកឧត្តមមានប្រសាសន៍បន្ថែមថា ៖

«ខ្ញុំជឿថា យើងអាចបង្កើតប្រព័ន្ធទូទាត់សងប្រាក់ផ្សេងទៀតដែលប្រៀបបានដូចជាប្រព័ន្ធបាគងទីពីរ និងទីបី ដោយបង្កើតជាខ្សែច្រវាក់នៃនវានុវត្តន៍ និងមានសមត្ថភាពលើសពីការទូទាត់ក្នុងស្រុក»។

ប្រព័ន្ធ​បាគង​ គឺការ​សម្រេច​បាន​ក្នុង​ការ​ធ្វើ​ទំនើប​កម្ម​ប្រព័ន្ធ​ទូទាត់​  ដែល​ឆ្លើយ​តប​ទៅ​នឹង​ការ​រីក​ចម្រើន​ផ្នែក​សេដ្ឋកិច្ច​ និង​បច្ចេកវិទ្យា​ហិរញ្ញវត្ថុ​នា​ពេល​បច្ចុប្បន្ន​ ព្រមទាំង​រួមចំណែក​ក្នុង​ការ​ជំរុញ​សេដ្ឋកិច្ច​ឆ្ពោះទៅ​រក​សេដ្ឋកិច្ច​ឌី​ជី​ថ​ល​ស្រប​តាម​បដិវត្តន៍​ឧស្សាហកម្ម​ទី​៤​ និង​បរិបទ​សេដ្ឋកិច្ច​ឌី​ជី​ថ​ល​ក្នុង​តំបន់​។​

ទន្ទឹម​នោះ​ ប្រព័ន្ធ​បាគង​ដើរតួ​នាទី​យ៉ាង​សំខាន់​ក្នុង​ការ​លើកកម្ពស់​ប្រតិបត្តិការ​ឆ្លង​គ្រឹះស្ថាន​  (Interoperability)​  និង​ជំរុញ​បរិ​យា​ប័ន្ន​ហិរញ្ញវត្ថុ​ ក៏​ដូច​ជា​ផ្តល់​លទ្ធភាព​សម្រាប់​ប្រទេស​កម្ពុជា​ក្នុង​ការ​ភ្ជាប់​ប្រព័ន្ធ​ទូទាត់​ជាមួយ​ប្រទេស​ក្នុង​តំបន់​ដើម្បី​សម្រួលការ​ផ្ទេរ​ប្រាក់​ និង​ការ​ទូទាត់​ពាណិជ្ជកម្ម​ឆ្លង​ប្រទេស​។

បន្ទាប់ពីវិស័យបច្ចេកវិទ្យានៅកម្ពុជាមានការវិវត្តន៍ឥតឈបឈរ ឥរិយាបថទូទាត់ប្រាក់របស់អតិថិជន ឬអ្នកប្រើប្រាស់នៅកម្ពុជាកំពុងទទួលយកវិធីសាស្ដ្រទូទាត់តាមរយៈប្រព័ន្ធឌីជីថល ប៉ុន្តែការប្រើប្រាស់សាច់ប្រាក់សុទ្ធនៅតែបន្តប្រើប្រាស់ជាទូទៅនៅទូរទាំងប្រទេស។

យោងតាមការសិក្សាចុងក្រោយរបស់ Visa បានបញ្ជាក់ថា ប្រជាជនកម្ពុជាកំពុងទទួលយកទម្រង់ថ្មីលើការទូទាត់ដែលមិនប្រើប្រាស់សាច់ប្រាក់សុទ្ធ ខណៈពេលដែលជម្រើសការប្រើប្រាស់ក្រដាសប្រាក់នៅតែបន្ត។ បន្ទាប់ពីបានធ្លាក់ចុះមកនៅប្រមាណត្រឹម ៦៤ភាគរយ នៅឆ្នាំ២០២១ ការចូលរួមស្ទង់មតិក្នុងឆ្នាំ២០២២ បានបញ្ជាក់ថា ៨៦ភាគរយ នៃអ្នកប្រើប្រាស់ បានប្រើសាច់ប្រាក់សុទ្ធជាជម្រើសក្នុងការទូទាត់ដែលទិន្នន័យនេះគឺជាភាគរយដូចគ្នាទៅនឹងឆ្នាំ២០២០​ដូច្នោះដែរ។  

តាមរយៈចម្លើយរបស់អ្នកចូលរួមស្ទង់មតិដដែលនោះ ប្រមាណ ៦៥ភាគរយ បាននិយាយថាការទូទាត់តាមរយៈសាច់ប្រាក់សុទ្ធនៅតែជាវិធីសាស្ត្រទូទាត់ដ៍ពេញនិយមសម្រាប់ពួកគេ បន្ទាប់មកគឺការទូទាត់តាមរយៈការស្កេន QRកូដ ដែលមានប្រមាណ ២១ភាគរយ។ ការត្រឡប់មកវិញនៃការប្រើសាច់ប្រាក់សុទ្ធសម្រាប់ជាវិធីសាស្ត្រនៃការទូទាត់ ក្រោយពីការរីករាលដាលនៃជំងឺកូវីដ-១៩ អាចបណ្តាលមកពីការថមថយភាពភ័យខ្លាចនៃការឆ្លងមេរោគតាមរយៈការប៉ះពាល់វិក្កយប័ត្រដោយផ្ទាល់ ហើយការប្រើប្រាស់សាច់ប្រាក់សុទ្ធនៅតែជាសសរស្តម្ភក្នុងវិស័យប្រព័ន្ធទូទាត់នៅក្នុងប្រទេសកម្ពុជា៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ