សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ស្វាយរៀង ៖ បន្ទាប់ពីគម្រោងផ្លូវល្បឿនលឿនទី២ប្រចាំនៅកម្ពុជា ភ្នំពេញ-បាវិត ត្រូវបានរាជរដ្ឋាភិបាលកម្ពុជាចុះហត្ថលេខាជាមួយក្រុមហ៊ុនសាងសង់ និងវិនិយោគផ្លូវនេះរួចរាល់ ឃើញថាសកម្មភាពសំណង់ដែលជាប់គាំងកាលពីពេលកន្លងមក ក៏ដូចជាហាងឆេងតម្លៃដីធ្លីនៅក្នុងក្រុងបាវិតចាប់ផ្ដើមរើបឡើងវិញបន្តិច។
លោក ថា ថេង ប្រធានសាខាប្រចាំខេត្តស្វាយរៀងនៃក្រុមហ៊ុន Century 21 Zillion Holding បានឱ្យដឹងថា នៅក្នុងរយៈពេលចុងក្រោយនេះ ពោលគឺបន្ទាប់ពីផ្លូវល្បឿនលឿនភ្នំពេញ-ក្រុងបាវិតបានចុះហត្ថលេខារួចរាល់ និងកាន់តែជិតចាប់ផ្ដើមសាងសង់ឃើញថា មានវិនិយោគិនដីធ្លី អចលនទ្រព្យក៏ដូចជាម្ចាស់គម្រោងមួយចំនួនចាប់ផ្ដើមចុះមកសិក្សា និងវាយតម្លៃពីការសាងសង់របស់ខ្លួនឡើងវិញដែលវាជាសញ្ញាល្អប្រសើរមួយ ។
លោកបន្តថា ៖
“មានអ្នកវិនិយោគខ្លះទៀត កំពុងតែតាមដានមើលពីគម្រោងផ្លូវល្បឿនលឿនភ្នំពេញ-បាវិត ដើម្បីពួកគេត្រៀមរកឱកាសវិនិយោគដីធ្លីរកប្រាក់ចំណេញ ជាពិសេសនៅក្រុងបាវិតផ្ទាល់តែម្ដង។ គម្រោងផ្លូវល្បឿនលឿន ភ្នំពេញ-បាវិត ជាគម្រោងអភិវឌ្ឍន៍មួយដែលនឹងហុចផលប្រយោជន៍ដល់ក្រុងបាវិតក៏ដូចជាខេត្តស្វាយរៀងទាំងមូលផងដែរ”
ជាមួយនឹងការបង្ហើបប្រាប៉ពីសកម្មភាពនៃទីផ្សារអចលនទ្រព្យក្នុងតំបន់ខាងលើនេះ លោក ថា ថេង ក៏បានបង្ហាញពីជំនឿថា គម្រោងនេះនឹងជំរុញការធ្វើពាណិជ្ជកម្មរវាងកម្ពុជា និងវៀតណាម ជំរុញការនាំចេញនាំចូលបានកាន់តែច្រើន ហើយនៅពេលទំនិញឆ្លងកាត់កាន់តែច្រើន នោះនឹងធ្វើឱ្យមានតម្រូវការទីតាំងសម្រាប់ស្តុកទំនិញមុននាំចេញ និងនាំចូល ដូច្នេះ នៅពេលអនាគតដ៏ខ្លីខាងមុខនេះ តម្រូវការដីធ្លីសម្រាប់សាងសង់ឃ្លាំងនៅក្រុងបាវិតនឹងមានកំណើនខ្ពស់ដែលជាឱកាសសម្រាប់អ្នកមានដីផ្គត់ផ្គង់ទៅកាន់អ្នកអភិវឌ្ឍន៍ ។
សូមបញ្ជាក់ថា បាវិត ជាក្រុងមួយដែលរងផលប៉ះពាល់លើអចលនទ្រព្យតាំងពីមុនកូវីដ-១៩ មកម្ល៉េះ ពោលគឺក្រោយការចាកចេញរបស់ជនជាតិចិនក្នុងអំឡុងឆ្នាំ ២០១៩ តែក្រុងនេះ ក៏រក្សាស្ថានភាពទ្រឹង ប៉ុន្តែវាក៏ចាប់ផ្ដើមរើបៗឡើងវិញបន្តិចនៅរយៈពេលចុងក្រោយនេះ។ ចំណែកតម្លៃដីធ្លីវិញក៏ឃើញថារក្សាបានលំនឹងល្អបើទោះបីជាមានបញ្ហាប្រឈមយ៉ាងណាក៏ដោយ ។
សូមរំលឹកផងដែរថា ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ធ្លាប់បានលើកឡើងថា ផ្លូវល្បឿនលឿន មិនថាតែផ្លូវល្បឿនលឿនភ្នំពេញ-បាវិត ឬផ្លូវល្បឿនលឿនភ្នំពេញ-ក្រុងព្រះសីហនុនោះទេ គឺសុទ្ធតែបានជួយដល់សេដ្ឋកិច្ច តភ្ជាប់ប៉ូលសេដ្ឋកិច្ចសំខាន់ៗរវាងតំបន់ និងតំបន់ក្នុងប្រទេសកម្ពុជា ជួយសម្រួលដល់ការដឹកជញ្ជូនទំនិញ ជំរុញកំណើនភ្ញៀវទេសចររវាងភ្នំពេញ និងគោលដៅផ្សេងទៀតដែលពាក់ព័ន្ធនឹងគម្រោងផ្លូវល្បឿនលឿន ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ជិះកង់ទស្សនាសមរាត្រីក្នុងតំបន់អង្គរ ៖ បទពិសោធន៍ថ្មីនៃការភ្ជាប់បេះដូងជាមួយបេតិកភណ្ឌវប្បធម៌ និងធម្មជាតិ
Top News, ព្រឹត្តិការណ៍, សេដ្ឋកិច្ច
• 21/09/2026
សៀមរាប ៖ ក្រសួងទេសចរណ៍ និងស្ថាប័នពាក់ព័ន្ធបានរៀបចំព្រឹត្តិការណ៍ជិះកង់ទស្សនាសមរាត្រីនៅតំបន់អង្គរ ក្នុងគោលបំណងជំរុញផលិតផលទេសចរណ៍កីឡា តាមរយៈការជិះកង់ឆ្លងកាត់តំបន់ព្រៃ និងតំបន់បេតិកភណ្ឌក្នុងតំបន់អង្គរ ព្រមទាំងជួយជំរុញចលនាទេសចរណ៍ក្នុងស្រុក ជាពិសេសការទាក់ទាញភ្ញៀវទេសចរមកកាន់ខេត្តសៀមរាបក្នុងរដូវកាលបៃតង។ ព្រឹត្តិការណ៍ជិះកង់ទស្សនាសមរាត្រីក្នុងតំបន់អង្គរនៅរដូវកាលបៃតង ក្រោមប្រធានបទ «កីឡាផ្សារភ្ជាប់នឹងទេសចរណ៍» បានទាក់ទាញអ្នកចូលរួមជាភ្ញៀវទេសចរជាតិ និងអន្តរជាតិប្រមាណ ១ ៣០០នាក់ ដោយធ្វើដំណើរតាមផ្លូវប្រមាណ ១២គីឡូម៉ែត្រ ឆ្លងកាត់តំបន់បេតិកភណ្ឌវប្បធម៌ និងធម្មជាតិនៃតំបន់អង្គរ។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content