សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សែនសុខ ជាតំបន់ដែលមានការអភិវឌ្ឍយ៉ាងឆាប់រហ័សជាមួយនឹងកំណើនប្រជាសាស្ត្រយ៉ាងច្រើនគួរឱ្យកត់សម្គាល់មួយនៅក្នុងរាជធានីភ្នំពេញ ជាមួយនឹងកំណើនគម្រោងអភិវឌ្ឍសំណង់លំនៅឋាន ផ្សារទំនើប និងអគារពាណិជ្ជកម្មចម្រុះជាដើម ព្រមទាំងហេដ្ឋារចនាសម្ព័ន្ធថ្មីៗក៏ត្រូវបានលេចរូបរាងជាបន្តបន្ទាប់នៅក្នុងតំបន់មួយនេះដែរ ។ ដោយឡែកងាកមកចាប់អារម្មណ៍ជាមួយនឹងតម្លៃដីធ្លីវិញគេរកត់សម្គាល់សង្កាត់ចំនួន៣ ដែលមានអត្រាខ្ពស់ជាងគេនៅទូទាំងខណ្ឌសែនសុខ ។
សង្កាត់ទាំង៣ដែលមានតម្លៃខ្ពស់ជាងនៅក្នុងខណ្ឌសែនសុខរួមមានដូចនៅខាងក្រោមនេះ ៖
១. សង្កាត់ទឹកថ្លា ៖ សង្កាត់នេះ ចាត់ទុកជាតំបន់ដែលមានតម្លៃខ្ពស់ជាងគេក្នុងខណ្ឌសែនសុខ ដោយតម្លៃដីមានចាប់ពីចន្លោះពី ២៦០០ ដុល្លារទៅ ៤២០០ដុល្លារអាមេរិកក្នុងមួយម៉ែត្រការ៉េ សម្រាប់ទីតាំងដីដែលនៅជាប់ផ្លូវធំ ហើយទីតាំងដែលនៅជាប់ផ្លូវតូចវិញក៏ឃើញថាមានតម្លៃចន្លោះពី ៩៥០ដុល្លារ ដល់ ២០០០ដុល្លារអាមេរិកក្នុងមួយម៉ែត្រការ៉េ ។
២.សង្កាត់ភ្នំពេញថ្មី៖ ភ្នំពេញថ្មីជាតំបន់ដែលមានការអភិវឌ្ឍគួរឱ្យកត់សម្គាល់ក្នុងរយៈពេលប៉ុន្មានឆ្នាំចុងក្រោយនេះ ក្នុងនោះតម្លៃដីក្នុងមួយម៉ែត្រមានចន្លោះពី ២៦០០ដុល្លារដល់៤២០០ដុល្លារសម្រាប់ទីតាំងដីនៅជាប់ផ្លូវធំ និងតម្លៃចន្លោះពី ៨៥០ដុល្លារដល់ ១ ៧០០ដុល្លារអាមេរិកក្នុងមួយម៉ែត្រការ៉េ សម្រាប់ទីតាំងនៅតាមបណ្ដោយផ្លូវតូចៗ ។
៣. សង្កាត់អូរបែកក្អម ៖ អូរបែកក្អមក៏ជាតំបន់ដែលកំពុងមានការអភិវឌ្ឍគួរឱ្យកត់សម្គាល់ដែរ ដោយឃើញមានសំណង់លំនៅឋាន ផ្សារទំនើប និងអាជីវកម្មជាច្រើនទៀត បានរីកដុះដាលជាបន្តបន្ទាប់ ដោយតម្លៃដីក្នុងនៅតាមបណ្ដោយផ្លូវធំចាប់ពី ២ ៤០០ដុល្លារអាមេរិក ដល់ ៣ ៨០០ដុល្លារអាមេរិកក្នុងមួយម៉ែត្រការ៉េ ។ ចំណែកដីដែលមិនជាប់ផ្លូវធំៗក៏មានតម្លៃចន្លោះពី ៧៥០ដុល្លារអាមេរិក ដល់ ១ ៤០០ដុល្លារអាមេរិកផងដែរក្នុងមួយម៉ែត្រការ៉េ ។
អ្នកទិញដីនៅក្នុងតំបន់ទាំងនេះមួយចំនួនធំ លែងទិញដើម្បីទុកលក់យកចំណេញទៀតហើយ តែបើទិញហើយគេនឹងអភិវឌ្ឍន៍តែម្ដង ពីព្រោះថាដីកាន់តែឡើងថ្លៃ ការទិញទុកយកចំណេញលែងចំណេញទៀតហើយ ដូច្នេះមានតែទិញដើម្បីអភិវឌ្ឍន៍ប៉ុណ្ណោះ ។
បើតាមការសង្កេតជាក់ស្ដែង តំបន់ក្នុងខណ្ឌសែនសុខ ជាពិសេសនៅក្នុងសង្កាត់ភ្នំពេញថ្មី និងឃ្មួញជាដើម កំពុងមានទីផ្សារ និងមានសកម្មភាពភិវឌ្ឍលំនៅឋានតម្លៃខ្ពស់ សម្រាប់អ្នកមានចំណូលខ្ពស់ៗ ហើយអាជីវកម្មជាច្រើន ក៏បានចាប់ផ្ដើមពង្រីកទៅកាន់តំបន់នោះជាបន្តបន្ទាប់ដែលធ្វើឱ្យតំបន់មួយនេះកែប្រែពីតំបន់ស្ងាត់ ឬតំបន់ជាយក្រុងទៅជាតំបន់មានមនុស្សរស់នៅអ៊ូអរ ៕
Account
Security
Favourite Content