តម្លៃដីធ្លីនៅក្នុងខេត្តកំពតរំពឹងបន្តឡើងថ្លៃនៅរយៈពេល២ទៅ៣ឆ្នាំទៀត

កំពត ៖ សក្ដានុពលនៃការវិនិយោគនៅក្នុងខេត្តកំពតកាន់តែមានភាពទាក់ទាញខ្លាំងឡើងស្របពេលគម្រោងធំៗមួយចំនួនបានលេចរូបរាងជាបន្តបន្ទាប់។ អ្នកជំនាញនៃវិស័យដីធ្លីនៅក្នុងខេត្តនេះបានរំពឹងថាតម្លៃដីនឹងមានការកើនឡើងនៅក្នុងរយៈពេល២ទៅ៣ឆ្នាំក្រោយហើយតម្លៃនេះនឹងកាន់តែមានកំណើនឡើងជាបន្តបន្ទាប់ទៀត ។

លោក កែវ សុជាតិ ប្រធានក្រុមហ៊ុនអចលនទ្រព្យ KW Kampot Real Estate ប្រចាំខេត្តកំពតបានឱ្យដឹងថា នៅក្នុងមួយរយៈពេលចុងក្រោយនេះ ខេត្តកំពតហាក់ទទួលបាននូវសក្ដានុពល និងភាពទាក់ទាញការវិនិយោគកាន់តែច្រើនឡើងវិញ ដោយក្នុងនោះផ្លូវជាតិលេខ៣ តភ្ជាប់ពីភ្នំពេញ ឆ្លងកាត់ខេត្តកណ្ដាល កំពង់ស្ពឺ តាកែវ បានសាងសង់រួចរាល់ និងបានដាក់ដំណើរការ ដែលកាន់តែមានភាពងាយស្រួលក្នុងការធ្វើដំណើររបស់ប្រជាពលរដ្ឋ។ ក្រៅពីនេះ ក៏មានគម្រោងអភិវឌ្ឍន៍អចលនទ្រព្យមួយចំនួនទៀតនៅក្នុងខេត្តកំពតដែលអាចធ្វើឱ្យខេត្តនេះកាន់តែមានភាពទាក់ទាញ ហើយនឹងជំរុញឱ្យតម្លៃអចលនទ្រព្យកាន់តែមានសន្ទុះ។

លោក ជិន ណារិន នាយកប្រតិបត្តិនៃក្រុមហ៊ុនអចលនទ្រព្យ Sunshine Realty ក៏បានឱ្យដឹងផងដែរថា កំពង់ផែពហុបំណងរបស់ខេត្តកំពតដែលទើបតែសាងសង់កាលពីពេលថ្មីៗក៏នឹងក្លាយជាកត្តាទាក់ទាញដល់បណ្ដាវិនិយោគិនក្នុង និងក្រៅប្រទេស ហើយនឹងធ្វើឱ្យតម្រូវការដីធ្លីនៅក្នុងខេត្តកំពតសម្រាប់ការវិនិយោគក៏កាន់តែមានកំណើនឡើងក្នុងរយៈពេល២ទៅ៣ឆ្នាំខាងមុខនេះ ពោលនៅពេលកំពង់ផែពហុបំណង និងមជ្ឈមណ្ឌលភស្តុភារកម្មសង់រួចរាល់។

លោកបន្តថា តាមពិតទៅខេត្តកំពតនៅតែមានសកម្មភាពទិញលក់ដីធ្លី ទោះបីជាកម្ពុជាបានជួបនឹងវិបត្តិនៃជំងឺកូវីដ១៩ កាលពីឆ្នាំ២០២០ និងឆ្នាំ២០២១ក្ដី គ្រាន់តែសកម្មភាពវាមិនមានច្រើន។ រហូតមកដល់ពេលនេះ សកម្មភាពនៃការទិញលក់ដីធ្លីនៅក្នុងខេត្តធ្វើឡើងក្នុងទ្រង់ទ្រាយសមល្មម ហើយភាគច្រើននៃអ្នកទិញដីគឺសម្រាប់ទុកសង់ជាលំនៅឋានលំហែកាយសម្រាប់ទុកជួលបន្ត ឬស្នាក់នៅខ្លួនឯងជាមួយក្រុមគ្រួសារពេលសម្រាកពីការងារជាដើម។

លោកបន្ថែមថា ៖

“ខេត្តកំពតជាខេត្តដែលមានទីតាំងមិនឆ្ងាយពីរាជធានីភ្នំពេញ ហើយនឹងមានផ្លូវច្រើនខ្សែតភ្ជាប់មកកាន់ខេត្តកំពត ដូចជាផ្លូវជាតិលេខ៣ ផ្លូវជាតិលេខ៣១ និង៣៣ ផ្លូវជាតិលេខរួចកាត់តាមផ្លូវ៤១ ហើយឆាប់ៗនេះ កំពតក៏នឹងមានផ្លូវមួយខ្សែទៀតតភ្ជាប់ពីផ្លូវជាតិលេខ៤កាត់តាមបូកគោលដែលជាការវិនិយោគរួមមរវាងអ្នកជំនួញល្បីពីររូបនៅកម្ពុជា។ ទាំងនេះហើយដែលជំរុញឱ្យតម្លៃដីធ្លីនៅក្នុងខេត្តមួយនេះ កាន់តែមានសន្ទុះនៅពេលអនាគតដ៏ខ្លីខាងមុខ”

លោកបានបន្តថា យ៉ាងយូរនៅត្រឹមពេល ២ឬ៣ឆ្នាំខាងមុខនេះ ដីធ្លីនៅតំបន់មួយចំនួនតាមបណ្ដោយផ្លូវជាតិសំខាន់ៗចេញពីខេត្តកំពតក៏នឹងមានតម្លៃកើនឡើងបន្ថែមទៀតដែរ ហើយនឹងមានការអភិវឌ្ឍន៍កាន់តែខ្លាំងបន្ថែមទៀត ជាពិសេសនៅពេលមជ្ឈមណ្ឌលភស្តុភារកម្ម និងកំពង់ផែពហុបំណងនៅក្នុងខេត្តកំពតបានសាងសង់រួចរាល់ ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ផលិតផលជលផល កំពុងត្រូវបានយកចិត្តទុកដាក់លើខ្សែច្រវាក់ផលិតកម្មនៃការផលិត និងជំរុញការនាំចេញ

ព្រឹត្តិការណ៍, សេដ្ឋកិច្ច

• 23/07/2024

គម្រោងអភិវឌ្ឍន៍ក្រោយប្រមូលផល(CAPFISH-Capture) នៃវិស័យជលផលកំពុងជំរុញខ្សែច្រវាក់ផលិតកម្មឱ្យកាន់តែទូលាយដើម្បីនាំចេញទៅកាន់ទីផ្សារអន្តរជាតិ

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា

ព្រឹត្តិការណ៍, សេដ្ឋកិច្ច

• 23/07/2024

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា ខណៈឯកអគ្គរដ្ឋទូតចិនថ្មី កោតសរសើរពីរសជាតិស្វាយចន្ទីខ្មែរ

ក្រុមហ៊ុនឧស្សាហកម្មវាយនភ័ណ្ឌចិន៤០ក្រុមហ៊ុន មកស្វែងយល់កាលានុវត្តភាពវិនិយោគនៅកម្ពុជា

ព្រឹត្តិការណ៍, សេដ្ឋកិច្ច

• 23/07/2024

ក្រុមហ៊ុនឧស្សាហកម្មវាយនភ័ណ្ឌចិនចំនួន៤០ក្រុមហ៊ុន បានមកស្វែងយល់ពីបរិយាកាស និង កាលានុវត្តភាពវិនិយោគនៅកម្ពុជា

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ឬ Visa

ព្រឹត្តិការណ៍, សេដ្ឋកិច្ច

• 23/07/2024

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ដើម្បីទាក់ទាញទេសចរ

ការរៀបចំយន្តការតាមដាន និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាលទី១ ជាដំណាក់កាលសំខាន់

ព្រឹត្តិការណ៍, សេដ្ឋកិច្ច

• 23/07/2024

ការរៀបចំយន្តការតាមដាន ត្រួតពិនិត្យ និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាល ទី១ គឺជាដំណាក់កាលសំខាន់នៃគោលនយោបាយរាជរដ្ឋាភិបាល

វេទិកាសេដ្ឋកិច្ចរបស់គណបក្សប្រជាធិបតេយ្យអាចនឹងនៅដដែលបន្ទាប់ពី Joe Biden បញ្ចប់តំណែងជាប្រធានាធិបតី

ព្រឹត្តិការណ៍, សេដ្ឋកិច្ច

• 23/07/2024

ការប្រកាសដកឈ្មោះរបស់ប្រធានាធិបតីសហរដ្ឋអាម៉េរិក Joe Biden ចេញពីគណបក្សប្រជាធិបតេយ្យក្នុងនាមជាបេក្ខជនឈរឈ្មោះបោះឆ្នោតជ្រើសរើសប្រធានាធិបតីឆ្នាំ ២០២៤ កំពុងក្លាយជាប្រធានបទជជែកដេញដោលទាក់ទងនឹងវេទិកាសេដ្ឋកិច្ច

ក្រុមហ៊ុនធំមួយរបស់ចិន នាំចូលរថយន្តអគ្គិសនីទំនើប​ និងបង្កើតមជ្ឈមណ្ឌលតាំងបង្ហាញនៅកម្ពុជា

ព្រឹត្តិការណ៍, សេដ្ឋកិច្ច

• 22/07/2024

ក្រុមហ៊ុនធំមួយរបស់ប្រទេសចិន នាំចូលរថយន្តអគ្គិសនីទំនើប និងបង្កើតមជ្ឈមណ្ឌលតាំងបង្ហាញរថយន្តនៅព្រះរាជាណាចក្រកម្ពុជា .

ឆមាសទី១ ​ឆ្នាំ​២​០​២​៤​ ​កម្ពុជា​នាំចេញ​កៅស៊ូ​ស្ងួត​មានតម្លៃ ​២​១​៣​.​៣​លាន​ដុល្លារ ​កើនឡើង ៨.៦%

ព្រឹត្តិការណ៍, សេដ្ឋកិច្ច

• 22/07/2024

របាយការណ៍ដែលចេញផ្សាយដោយអគ្គនាយកដ្ឋានកៅស៊ូ បានឱ្យដឹងថា ក្នុងឆមាសទីមួយនៃឆ្នាំ ២០២៤ ទំហំនៃការនាំចេញកៅស៊ូស្ងួតរបស់កម្ពុជាមានទំហំទឹកប្រាក់២១៣.៣លានដុល្លារ

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ