សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
យន្តហោះចម្បាំង F-22 បានក្លាយទៅជាប្រធានបទដ៏គួរឲ្យចាប់អារម្មណ៍មួយសម្រាប់ពិភពលោក និងអ្នកដែលចូលចិត្តតាមដានព្រឹត្តិការណ៍អន្តរជាតិ ជាពិសេសជម្លោះរវាងអាមេរិក និងចិន ខណៈដែលថ្មីៗនេះ F-22 ត្រូវបានរដ្ឋាភិបាលក្រុងវ៉ាស៊ីនតោនចេញបញ្ជាឲ្យបើកប្រតិបត្តិការបាញ់កម្ទេចបាឡុងស្រាវជ្រាវមួយរបស់ប្រទេសចិនដែលហោះនៅលើរយៈកម្ពស់ខ្ពស់ពីលើរដ្ឋការ៉ូលីណាខាងត្បូងដោយប្រើប្រាស់មីស៊ីលសម្រាប់បាញ់ក្នុងអាកាសប្រភេទ AIM-9 ។
ប្រតិបត្តិការជោគជ័យបានធ្វើឲ្យ F-22 កាន់តែមានភាពល្បីល្បាញបន្ថែមទៀតក្នុងនាមជាយន្តហោះចម្បាំងដែលចម្លែក និងអាថ៌កំបាំងបំផុតរបស់សហរដ្ឋអាមេរិក ពីព្រោះថាគិតចាប់តាំងតែពីឆ្នាំ១៩៩៦មក យន្តហោះនេះត្រូវបានផលិតឡើងតែ១៩៥គ្រឿងប៉ុណ្ណោះ និងមិនត្រូវអនុញ្ញាតឲ្យលក់ទៅកាន់ប្រទេសទី២នោះដែរ។
យន្តហោះចម្បាំងនេះត្រូវបានចូលរួមសហការផលិតឡើងដោយដៃគូរដ្ឋ និងឯកជនចំនួន៣របស់អាមេរិក រួមមានក្រុមហ៊ុន Lockheed Martin Aeronautic ក្រុមហ៊ុន Boeing Defense និងក្រុមការងារសម្រាប់សន្តិសុខលំហអាកាសអាមេរិក Space & Security ដែលគិតមកទល់ពេលនេះវាមានអាយុ២៥ឆ្នាំមកហើយ។
F-22 ជាយន្តហោះប្រភេទលួចយកការណ៍ និងប្រយុទ្ធជំនាន់ទី៥របស់កងទ័ពអាមេរិកដោយមានការបូកបញ្ចូលជាមួយនឹងបច្ចេកវិទ្យាទំនើបបំផុតដោយក្នុងនោះសូម្បីតែល្បឿនរបស់វាផងដែរ ដែលនេះជាមូលហេតុធ្វើឲ្យតម្លៃរបស់វាអាចមានចន្លោះពី ២០៦ ទៅ ២១៦ លានដុល្លារក្នុងមួយគ្រឿង។
កម្លាំងម៉ាស៊ីនទាំង២ របស់យន្តហោះចម្បាំង និងបច្ចេកវិទ្យាហោះឡើងត្រង់ក៏បានធ្វើឡើងដូចគ្នាទៅនឹងយន្តហោះធម្មតាដែលអាចធ្វើឲ្យ F-22 មានកម្លាំងខ្លាំងក្នុងការផ្លាស់ប្តូរគោលដៅហោះហើរបានភ្លាមៗដល់ទៅ ៧០ ០០០ pound of thrust ( មួយ pound of thrust ស្មើនឹង ៤,៤៥ newton of thrust) ហើយក៏ជាមូលហេតុដែលធ្វើឲ្យវាអាចវាយប្រហារចំគោលដៅដែលស្ថិតនៅក្នុងរយៈកម្ពស់ខ្ពស់ និងគោលដៅដែលស្ថិតនៅលើទិសដៅផ្ទុយគ្នាបានយ៉ាងមានប្រសិទ្ធភាព។
ក្រៅពីនេះ F-22 អាចបំពាក់ជាមួយនឹងអាវុធធុនធ្ងន់ និងទំនើបដូចជាមីស៊ីល AIM-9 ចំនួន២គ្រាប់ មីស៊ីលបញ្ជាបានពីចំងាយ AIM-120 AMRAAM ចំនួន៦គ្រាប់ ហើយសម្រាប់ការវាយប្រហារចំងាយជិតៗវិញ F-22 អាចបំពាក់ជាមួយនឹងគ្រាប់បែកទម្ងន់ធ្ងន់ GBU-32 JDAM ដែលមានទម្ងន់ដល់ទៅ ១០០០ផោនចំនួន២គ្រាប់ ឬគ្រាប់បែកប្រភេទ SDB ទម្ងន់ ២៥០ផោន ចំនួន៨គ្រាប់បន្ថែមទៀតពីលើទម្ងន់មីស៊ីលទាំងអស់នេះផងដែរ។
បច្ចេកវិទ្យាដ៏ទំនើប សមត្ថភាពប្រយុទ្ធខ្លាំងខុសពីយន្តហោះចម្បាំងផ្សេងទៀតផងនោះ អាចជាកត្តាសំខាន់ដែលអាមេរិកសម្រេចចិត្តមិនធ្វើការផលិតបន្ថែម និងដាក់លក់អាវុធប្រភេទនេះនៅក្នុងទីផ្សារឡើយដោយសារបារម្ភថាមហាអំណាចផ្សេងទៀតនឹងអាចលួចចម្លងបច្ចេកវិទ្យារបស់ F-22៕
Account
Security
Favourite Content