សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បន្ទាយមានជ័យ ៖ បន្ទាយមានជ័យ ជាខេត្តមួយក្នុងចំណោមរាជធានី-ខេត្តទាំង ២៥ ទូទាំងប្រទេស ដែលមានចម្ងាយ ៣៦០គីឡូម៉ែត្រពីរាជធានីភ្នំពេញ មានព្រំប្រទល់ខាងកើតទល់នឹងខេត្តសៀមរាប ខាងលិចទល់នឹងព្រះរាជាណាចក្រថៃ ។
ខេត្តនេះ លាតសន្ធឹងប្រវែង ១៥៣គីឡូម៉ែត្រ ជាប់នឹងខេត្តស្រះកែវ និងខេត្តបូរីរ៉ាំ ខាងជើងទល់នឹងខេត្តឧត្តរមានជ័យ ខាងត្បូងទល់នឹងខេត្តបាត់ដំបង និងមានច្រកទ្វារអន្តរជាតិចំនួន២ គឺច្រកអន្តរជាតិប៉ោយប៉ែត និងស្ទឹងបត់ ហើយច្រកទ្វារតំបន់ចំនួន២គឺ ច្រកទ្វារតំបន់ព្រំដែនម៉ាឡៃ និងបឹងត្រកួន។ បន្ទាយមានផ្ទៃដីសរុប ៦,៦៧៥គីឡូម៉ែត្រការ៉េ ចែកចេញជាក្រុង ២ស្រុក ឃុំ ៨៥ សង្កាត់១២ ចំនួនភូមិ ផ្លូវការ ៦៥៨ភូមិ មានចំនួនគ្រួសារ ១៩៨,៩២៦ គ្រួសារ។ មុខរបរសំខាន់របស់ប្រជាពលរដ្ឋ ៨៥% ជាកសិករ ១០%ជាអាជីវករ និងពាណិជ្ជករ និង ៥% ប្រកបរមុខរបរផ្សេងៗ។
ក្នុងឆ្នាំ២០២២ ខេត្តមានតំបន់សេដ្ឋកិច្ចពិសេសចំនួន ៣កន្លែង និងសួនឧស្សាហកម្មចំនួន ១កន្លែងដោយក្នុងនោះរួមមាន តំបន់សេដ្ឋកិច្ចពិសេសអូរនាងមានរោងចក្រចំនួន ៤ កន្លែង តំបន់សេដ្ឋកិច្ចពិសេសសានកូ មានរោងច្រកចំនួន ១០កន្លែង តំបន់សេដ្ឋកិច្ចពិសេសប៉ោយប៉ែតរ៉ូយ៉ាល់គ្រុបមានរោងច្រកចំនួន ១កន្លែង និងសួនឧស្សាហកម្មក្រុងសិរីសោភ័ណ្ឌ មានរោងច្រកចំនួន ១កន្លែង។ រីតំបន់សេដ្ឋកិច្ចពិសេសមិនដំណើរការចំនួន១គឺ តំបន់សេដ្ឋកិច្ចលីអ៊ុតនឹ។
ក្នុងខេត្តបន្ទាយមានជ័យមានរោងចក្រសរុបចំនួន ២២រោងចក្រ និងសហគ្រាសធនតូច និងមធ្យម និងសិប្បកម្មមានចំនួន ១,២៣៨ កន្លែង នៅក្នុងដែនសមត្ថកិច្ចរដ្ឋបាលខេត្ត មានសហគ្រាសគ្រឹះស្ថានសរុបចំនួន ២៨១ដែលមានកម្មករនិយោជិតសរុបចំនួន ២៦,៥៦០នាក់។
ដោយខេត្តមានព្រំប្រទល់ជាប់នឹងព្រះរាជាណាចក្រថៃ ដែលជាកត្តា អំណោយផលដល់ការដោះដូរ-ដឹកជញ្ជូនទំនិញ ការធ្វើពាណិជ្ជកម្ម ការធ្វើដំណើរចេញ-ចូល ទេសចរណ៍ ការធ្វើកិច្ចសហប្រតិបត្តិការ និងបានជួយជំរុញដល់កំណើនសេដ្ឋកិច្ចរបស់ខេត្តផងដែរ។ ទំនិញនាំចេញ របស់ខេត្តបន្ទាយមានជ័យ ទៅប្រទេសថៃភាគច្រើនជាប្រភេទកសិផល ដូចជា ដំឡូងមី,ម្ទេសក្រៀម,អពៅ ,ពោតក្រហម, ស្វាយចន្ទី, ស្រូវ…។ល៕
Account
Security
Favourite Content