សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ចាប់តាំងពីរាជរដ្ឋាភិបាលប្រកាសថានឹងសាងសង់ផ្លូវល្បឿនលឿនភ្នំពេញ-ក្រុងបាវិត និងអនុញ្ញាតឱ្យក្រុមហ៊ុនពន្លឿនការសិក្សាផ្លូវនេះដើម្បីបញ្ចប់ឱ្យបានឆាប់ និងបើកការដ្ឋានសាងសង់នៅពាក់កណ្ដាលឆ្នាំក្រោយ ឃើញថាមានគម្រោងវិនិយោគមួយចំនួនចាប់ផ្ដើមសម្លឹងស្វែងរកការវិនិយោគនៅក្នុងខេត្តស្វាយរៀង ជាពិសេសនៅក្នុងក្រុងបាវិតស្របពេលដែលតំបន់នេះមានតំបន់សេដ្ឋកិច្ចមួយចំនួនកំពុងមានដំណើរការស្រាប់ ។
តាមរយៈសេចក្ដីប្រកាសព័ត៌មានរបស់ក្រុមហ៊ុនប្រឹក្សាអភិវឌ្ឍន៍កម្ពុជារយៈពេល១សប្ដាហ៍ចុងក្រោយនេះបានបង្ហាញថា ខេត្តស្វាយរៀងទទួលបានគម្រោងវិនិយោគច្រើនជាងរហូតដល់៣គម្រោង ក្នុងចំណោមគម្រោងចំនួន៧ដែលបានអនុម័តដោយក្រុមប្រឹក្សាអភិវឌ្ឍន៍កម្ពុជា ។
គម្រោងទាំង៣ ដែលមានទីតាំងនៅខេត្តស្វាយរៀងនេះរួមមានគម្រោងរោងចក្រផលិតអំពូលភ្លើង និងគ្រឿងបង្គុំរបស់អំពូលលម្អ នៅឃុំស្វាយជ្រុំ ស្រុកស្វាយជ្រុំខេត្តស្វាយរៀង មានទឹកប្រាក់៨,១លានដុល្លារអាមេរិក ។ គម្រោងទី ២ជាគម្រោងរោងចក្រផលិតគ្រឿងអេឡិចត្រូនិកគ្រប់ប្រភេទ អំពូលភ្លើង និងគ្រឿងបង្គុំអំពូលភ្លើង មានទីតាំងនៅឃុំ ស្វាយជ្រុំ ស្រុកស្វាយជ្រុំ ខេត្តស្វាយរៀង មានទុនវិនិយោគប្រមាណ ៥,៤លានដុល្លារអាមេរិក និងគម្រោងវិនិយោគមួយទៀតដែលបានអនុម័តក្នុងរយៈពេល១សប្ដាហ៍ចុងក្រោយនេះគឺគម្រោងរោងចក្រផលិតដើមណូអែល អំពូលភ្លើងលម្អរដើមណូអែល និងវត្ថុអនុស្សាវរីយ៍មានទីតាំងនៅក្នុងតំបន់សេដ្ឋកិច្ចពិសេស ហាយផាក ខេត្តស្វាយរៀង មានទុនវិនិយោគ ៥,៤លានដុល្លារអាមេរិក ។
លោក ថា ថេង ប្រធានសាខានៃក្រុមហ៊ុនអចលនទ្រព្យ Century 21 Zillion Holding បានមានប្រសាសន៍ថា ចាប់តាំងពីមានដំណឹងពីការសាងសង់ផ្លូវល្បឿនលឿនភ្នំពេញបាវិតឃើញថាសកម្មភាពនៃការទិញលក់ដីធ្លីនៅក្នុងខេត្តស្វាយរៀងចាប់ផ្ដើមមានកំណើនឡើងវិញ ហើយក៏មានអ្នករង់ចាំលទ្ធផលសិក្សាពីក្រសួងដើម្បីរកឱកាសក្នុងការទិញដីសម្រាប់ចំណេញ ដូចជាច្រកចេញនៃផ្លូវល្បឿនលឿននោះនៅទីតាំងមួយណាជាដើម ។
លោកបន្តថា ៖
“ក្នុងរយៈពេលចុងក្រោយនេះក៏ឃើញមានគម្រោងវិនិយោគមួយចំនួនបានដាក់ទីតាំងនៅក្នុងខេត្តស្វាយរៀងច្រើនដែរ ជាពិសេសគម្រោងវិនិយោគរោងចក្រឧស្សាហកម្មនៅក្នុងតំបន់សេដ្ឋកិច្ចពិសេសជាដើម ក្នុងនោះដែរ យើងក៏បានឃើញថាមានរោងចក្រធំៗមួយចំនួនហើយបាន និងកំពុងដំណើរការផលិតរបស់ខ្លួននៅក្នុងតំបន់សេដ្ឋកិច្ចពិសេសក្នុងក្រុងបាវិតនៃខេត្តស្វាយរៀង”
លោក ថា ថេង បានឱ្យដឹងទៀតថា បច្ចុប្បន្ននេះតម្លៃដីធ្លីនៅខេត្តស្វាយរៀងមានសន្ទុះឡើងជាបន្តបន្ទាប់ ជាពិសេសនៅតំបន់ប៉ែកខាងលិចទីរួមខេត្តស្វាយរៀង ខណៈតំបន់ប៉ែកខាងកើតនៅជិតតំបន់ក្រុងបាវិតតម្លៃដីធ្លីខ្ពស់ស្រាប់ ដូច្នេះអត្រានៃការឡើងថ្លៃមានកម្រិតតិចតួច ។ សូមរំលឹកថា កាលពីពេលថ្មីៗនេះ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានលើកឡើងផងដែរថា ផ្លូវល្បឿនលឿនជាផ្លូវតភ្ជាប់ប៉ូលសេដ្ឋកិច្ចសំខាន់ៗរវាងតំបន់មួយទៅតំបន់មួយទៀត ជាក់ស្ដែងផ្លូវល្បឿនលឿនភ្នំពេញ-ក្រុងព្រះសីហនុ នឹងតភ្ជាប់ប៉ូលសេដ្ឋកិច្ចភ្នំពេញ និងក្រុងព្រះសីហនុដោយជំរុញឱ្យតំបន់ទាំងពីរនឹងមានការធ្វើពាណិជ្ជកម្មទៅវិញទៅមកបានមួយកម្រិតទៀត ។ ដោយឡែក គម្រោងផ្លូវល្បឿនលឿនភ្នំពេញបាវិតក៏ដូចគ្នាដែរនឹងតភ្ជាប់តំបន់ទាំងពីរឱ្យមានទំនាក់ទំនងសេដ្ឋកិច្ច និងពាណិជ្ជកម្មកាន់តែខ្លាំង ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋាភិបាលខាតបង់ប្រាក់ចំណូលជាង ៣០០លានដុល្លារហើយ ដើម្បីទប់ស្កាត់ការឡើងថ្លៃប្រេង និងឧស្ម័នឥន្ធនៈ
Top News, ព្រឹត្តិការណ៍, សេដ្ឋកិច្ច
• 07/09/2026
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content