ឧបនាយករដ្ឋមន្ត្រី សាយ សំអាល់ ចែករំលែកអំពីវឌ្ឍនភាពនៃការចុះបញ្ជីដីធ្លីជូនសមាជិកព្រឹទ្ធសភា និងរដ្ឋសភា

ភ្នំពេញ ៖ ព្រឹទ្ធសភានៃព្រះរាជាណាចក្រកម្ពុជា និងក្រសួងរៀបចំដែនដី នគរូបនីយកម្ម និងសំណង់ បានរៀបចំសិក្ខាសាលាផ្សព្វ​ផ្សាយស្តីពី “វឌ្ឍនភាពនៃការចុះបញ្ជីដីធ្លី-បរិយាកាសគ្មានវិវាទ” ក្នុងគោលបំណងជម្រាបជូននូវពត៌មានអំពីវឌ្ឍនភាពការចុះបញ្ជីដីធ្លី ការគ្រប់គ្រងដីធ្លី និងដំណោះស្រាយ ជូនដល់សមាជិក សមាជិកាព្រឹទ្ធសភា រដ្ឋសភា រដ្ឋាភិបាលនិងមន្ត្រីជំនាញពាក់ព័ន្ធ។ សិក្ខាសាលាដែលធ្វើឡើងកាលពីថ្ងៃដើមសប្ដាហ៍នៅសណ្ឋាគារ សូហ្វីតែល ភ្នំពេញភូគីត្រានេះ ជាប្រយោជន៍ និងជាជំនួយស្មារតី ចំពោះសមាជិក សមាជិកាព្រឹទ្ធសភា រដ្ឋសភា ក្នុងពេលចុះបេសកកម្មនិងជួបប្រាស្រ័យជាមួយប្រជាពលរដ្ឋនៅតាមមូលដ្ឋាន។

ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្មនិងសំណង់ បានថ្លែងចែករំលែកព័ត៌មាន និងវឌ្ឍនភាពផ្តោតទៅលើការចុះបញ្ជីបង្ហើយ ការបញ្ចប់វិវាទដីធ្លី ការផ្តល់សេវាគាប់ចិត្ត ការកំណត់និងគ្រប់គ្រងតំបន់បឹងទន្លេសាប ការរៀបចំនិងលក្ខខណ្ឌប្រើប្រាស់ដីក្នុងតំបន់រមណីយដ្ឋានអង្គរ និងការដោះស្រាយវិវាទបុរី។

ឯកឧត្តមឧបនាយករដ្ឋមន្ត្រី បានថ្លែងថា៖

«ទាក់ទងនឹងការចុះបញ្ជីដីបង្ហើយ គិតត្រឹមខែមករាឆ្នាំ២០២៥ បណ្ណសរុបទូទាំងប្រទេស ចាប់ពីដំណើរការ វាស់វែងបាន១២,២១១, ២៥៩ ក្បាលដី ចេញបណ្ណបាន ៨,០៣១, ២១៧ បណ្ណ ។ក្នុងអាណត្តិទី៧នេះ វាស់វែងបាន ៣,៦៧៥,៦៥៦ ក្បាលដី ចេញបណ្ណបាន១,១២៩, ២៨៤ បណ្ណ ចែកបណ្ណបាន ៨៤០,៨៣៣ បណ្ណ ។គម្រោងនឹងបញ្ចប់ក្នុងអាណត្តិទី៧ វាស់វែងនិងចេញបបណ្ណ ៤,៧៥០, ៣៦៧ ក្បាលដី។ ពាក់ព័ន្ធនឹងការបញ្ចប់វិវាទដីធ្លី គិតត្រឹមថ្ងៃទី៣១ ខែធ្នូ ឆ្នាំ២០២៤ ទទួលបានពាក្យបណ្តឹងសរុប ចំនួន១៦,៤២៨ករណី ដោះស្រាយបញ្ចប់បាន១៥,២៧៣ករណីនិងកំពុងដោះស្រាយ១,១៥៥ករណី។ ចំណែកវិវាទដីធ្លីកំពុងដោះស្រាយ មានដីឯកជន៨២៤ករណី ដីរដ្ឋនិងដីសហគមន៍ ១៧៤ករណី។រី ឯបញ្ហាពាក់ព័ន្ធការសម្រេចរបស់តុលាការ ឬក្រសួងស្ថាប័នមាន៥៥ករណី បញ្ហាពាក់ព័ន្ធនយោបាយ ២ករណី និងសំណើចុះបញ្ជី១០០ករណី»។

ចំពោះការផ្តល់សេវាគាប់ចិត្ត ឯកឧត្តមរដ្ឋមន្ត្រីក្រសួងរៀបចំដែនដី បានថ្លែងថា៖ ក្រសួងមានសេវាសាធារណៈ ៤៩៦ប្រភេទ ស្មើនឹង ៩៩៤មុខសេវា។ ក្នុងឆ្នាំ២០២៣ រកចំណូលបានជាង១៤០លានដុល្លារ ដែលមាន ៧១% ជាចំណូលពន្ធលើការផ្ទេរអចលនទ្រព្យ។ បច្ចុប្បន្នកំពុងបង្កើនគុណភាពសេវាសាធារណៈក្នុងយុគសម័យឌីជីថល ផ្អែកលើមូលដ្ឋានទិន្នន័យ និងការធ្វើបរិវត្តកម្មឌីជីថល។

សម្រាប់ផ្នែកការគ្រប់គ្រងតំបន់បឹងទន្លេសាប ឯកឧត្តម បានលើកឡើងថា៖ តំបន់ទន្លេសាប មានផ្ទៃដីសរុបប្រមាណ ១៤១ម៉ឺនហិកតា។ក្នុងនោះតំបន់១ជាតំបន់ភូមិដ្ឋានរបស់ប្រជាពលរដ្ឋ តំបន់២ជាតំបន់ទ្រនាប់និងតំបន់៣ ជាតំបន់ព្រៃលិចទឹកដែលត្រូវការពារ។ក្រោយការកែសម្រួល គិតត្រឹមឆ្នាំ២០២៤ ៖តំបន់១ មានផ្ទៃដីសរុបប្រមាណ ៤៦៣,៤៦៥ ហិកតា តំបន់២ មានផ្ទៃដីសរុបប្រមាណ ៣៨២,៨៦៤ ហិកតានិងតំបន់៣ មានផ្ទៃដីសរុបប្រមាណ ៥៦៥,២៩១​ ហិកតា។

ចំណែកការរៀបចំ និងគ្រប់គ្រងរមណីយដ្ឋានអង្គរ កម្ពុជាមានរមណីយដ្ឋានបេតិកភណ្ឌពិភពលោកអង្គរ មានទំហំ ៤០១គីឡូម៉ែតការ៉េ ក្នុងនោះតំបន់ឧទ្យានកណ្តាល៣៥១គីឡូម៉ែត្រការ៉េ តំបន់រលួស៣០ គីឡូម៉ែត្រការ៉េ និងតំបន់បន្ទាយស្រី២០ គីឡូម៉ែត្រការ៉េ។សូមបញ្ជាក់ថា៖តំបន់១ ជាតំបន់រមណីយដ្ឋានមានប្រាសាទ តំបន់២ជាឧទ្យានបុរាណវត្ថុត្រូវការពារ  តំបន់៣ ជាទេសភាពវប្បធម៌ត្រូវការពារ តំបន់៤ ជាចំណុចមានសារសំខាន់ផ្នែកបុរាណវិទ្យា នរវិទ្យា ឬប្រវត្តិសាស្ត្រនិង តំបន់៥ ជាបរិវេណអភិវឌ្ឍន៍សង្គម សេដ្ឋកិច្ច និង វប្បធម៌នៃតំបន់សៀមរាប-អង្គរ។

ទាក់ទងនឹងការដោះស្រាយវិវាទបុរី ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្មនិងសំណង់ បានមានប្រសាសន៍ថា៖ គម្រោងអភិវឌ្ឍន៍អចលនទ្រព្យមានបញ្ហា ចំនួន១១០គម្រោង ក្នុងនោះបុរី ៨៤គម្រោង ផ្សារ និងខុនដូ ៥គម្រោង ដីឡូតិ៍ ២១គម្រោង ។ បញ្ហានេះដោះស្រាយបាន ៥៦គម្រោង និងកំពុងសម្របសម្រួល៥៤គម្រោង។

ឯកឧត្តម អ៊ុំ សារឹទ្ធ ប្រធាន គណៈកម្មការទី៩ នៃព្រឹទ្ធសភា បានថ្លែងថា៖ វេទិកាផ្សព្វផ្សាយនេះ គឺជាឱកាសនៃការតាំងចិត្តរួមគ្នា ដើម្បីបន្តដោះស្រាយវិវាទដីធ្លីឱ្យបានកាន់តែល្អប្រសើរឡើងថែមទៀត តាមរយៈបទបង្ហាញគន្លឹះ អំពីសមិទ្ធផល បទពិសោធន៍ ការប្រឈម និងទិសដៅក្នុងពេលខាងមុខ ព្រមទាំងសំណួរ ចម្លើយ និងអនុសាសន៍ សំខាន់ៗ ដើម្បីកសាងបរិយាកាសគ្មានវិវាទ សំដៅពង្រឹងពង្រីក សុខដុមកម្មសង្គម ប្រកបដោយចក្ខុវិស័យអភិវឌ្ឍរឹងមាំ និងយូរអង្វែង។

លោកជំទាវ និន សាផុន ប្រធានគណៈកម្មការទី៩នៃរដ្ឋសភា បានមានប្រសាសន៍លើកឡើងថា៖ការរៀបចំសិក្ខាសាលានិងការជួបជុំគ្នានាឱកាសនេះគឺជាការឆ្លុះបញ្ចាំងឱ្យឃើញនូវការប្តេជ្ញាចិត្តរួមគ្នារវាងស្ថាប័ននីតិបញ្ញត្តិ និងស្ថាប័ននីតិប្រតិបត្តិដើម្បីស្វែងរកដំណោះស្រាយប្រកបដោយប្រសិទ្ធិភាពនិងនិរន្តរភាពក្នុងការដោះស្រាយបញ្ហាប្រឈមពាក់ព័ន្ធនឹងវិវាទដីធ្លីនិងក្នុងការបម្រើផលប្រយោជន៍ប្រជាជននិងប្រជាជាតិយើងក្នុងរយៈពេលយូរអង្វែង។

ថ្លែងបើកសិក្ខាសាលា ឯកឧត្តមបណ្ឌិត ធន់ វឌ្ឍនា អនុប្រធានទី២ព្រឹទ្ធសភា បានមានប្រសាសន៍ថា៖វេទិកាផ្សព្វផ្សាយនេះ មានគោលបំណងពង្រឹងកិច្ចសហប្រតិបត្តិការរវាងសមាជិកសភា និងមន្ត្រីរដ្ឋាភិបាល ដោយជំរុញការសន្ទនាបើកចំហលើការដោះស្រាយវិវាទដីធ្លី។

ថ្លែងបិទសិក្ខាសាលា ឯកឧត្តម វង សូត អនុប្រធានទី២រដ្ឋសភា បានថ្លែងកោតសរសើរ ឯកឧត្តម សាយ សំអាល់ ដែលបានចែករំលែកចំណេះដឹង បទពិសោធន៍ វឌ្ឍនភាពថ្មីៗ និងដំណោះស្រាយ​បញ្ហាវិវាទដីធ្លីដោយជោគជ័យ និងបានឆាប់រហ័ស។

ឯកឧត្តមបានបង្ហាញពីមោទនភាព និងមានសុទិដ្ឋិនិយមចំពោះក្រសួងរៀបចំដែនដី នគររូបនីយកម្ម និងសំណង់ ដែលបានខិតខំប្រឹងប្រែងដោះស្រាយវិវាទដីធ្លីឱ្យបានកាន់តែល្អប្រសើរឡើង៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ទូតអាមេរិកថ្មី បន្តពូនជ្រំ និងជំរុញកិច្ចសហប្រតិបត្តិការទ្វេភាគី ខណៈពាណិជ្ជកម្មកម្ពុជា-អាមេ​រិក ១០ខែ ឆ្នាំ២០២៦ ហក់ឡើងដល់ជិត ១៤ពាន់លានដុល្លារ

ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ៖ ឯកអគ្គរដ្ឋទូតសហរដ្ឋអាមេរិកថ្មីប្រចាំកម្ពុជា ឯកឧត្តម Christopher Anderson បានបង្ហាញពីការប្តេជ្ញាបន្តពូនជ្រុំទំនាក់ទំនង និងជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទ្វេភាគីឱ្យកាន់តែរឹងមាំ ខណៈដែលពាណិជ្ជកម្មរវាងប្រទេសទាំងពីរក្នុងរយៈពេល ១០ខែ ឆ្នាំ២០២៦ សម្រេចបានទំហំទឹកប្រាក់រហូតដល់ ១៣,៨២ពាន់លានដុល្លារ ដែលជាសញ្ញាវិជ្ជមានគួរជាទីមោទន។ ក្នុងឱកាសទទួលបានការអនុញ្ញាតចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាព្រឹកថ្ងៃទី១៨ ខែវិច្ឆិកា

ទំហំពាណិជ្ជកម្មកម្ពុជា-អូស្ត្រាលី ហក់ឡើងជាង ៣.៥ពាន់លានដុល្លារនៅក្នុងរយៈប៉ុន្មានឆ្នាំចុងក្រោយ

Top News, ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ ៖ ពាណិជ្ជកម្មរវាងប្រទេសកម្ពុជា -អូស្ត្រាលី នាពេលបច្ចុប្បន្នបានកើនឡើងប្រមាណ ៣ដង គិតត្រឹមរយៈពេល ៥ ឆ្នាំចុងក្រោយនេះ ដែលកាន់តែបង្កើតឱកាសការងារជាច្រើនសម្រាប់ពលរដ្ឋក្នុងស្រុក ក៏ដូចជាអាជីវកម្មរបស់អូស្ត្រាលីផងដែរ។  យោងតាមរបាយការណ៍របស់ក្រសួងពាណិជ្ជកម្មបានបង្ហាញថា បច្ចុប្បន្ន ទំហំពាណិជ្ជកម្មសរុបរវាងកម្ពុជា និងអូស្ត្រាលី បានកើនឡើងលើសពី ៣ ០០០លានដុល្លារ គិតចាប់ពីឆ្នាំ២០២០ រហូតដល់ដំណាច់ខែតុលា

ប្រទេសសមាជិកសហភាពអឺរ៉ុប បើកភ្លើងខៀវឲ្យមានចុះហត្ថលេខាលើកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី

ព្រឹត្តិការណ៍, សេដ្ឋកិច្ច

• 19/11/2026

បរទេស៖ រដ្ឋាភិបាលនៃបណ្តាប្រទេសសមាជិកសហភាពអឺរ៉ុប (EU) អនុម័តលើការចុះហត្ថលេខាស្ដីពីកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី ដែលធ្លាប់បានឯកភាពគ្នាកាលពីគ្រាមុន ដើម្បីទប់ទល់ផលប៉ះពាល់ពីការដំឡើងពន្ធគយរបស់អាម៉េរិក នេះបើយោងតាមសេចក្ដីរាយការណ៍ពី Al Jazeera ។ កាលពីថ្ងៃពុធកន្លងទៅនេះ ក្រុមប្រឹក្សាសហភាពអឺរ៉ុបបានចេញសេចក្តីសម្រេចអនុញ្ញាតឱ្យអនុវត្តកិច្ចព្រមព្រៀងពាណិជ្ជកម្មជាមួយឥណ្ឌូណេស៊ីជាបណ្តោះអាសន្ន ដោយភាគីទាំងពីរនឹងលុបចោលពន្ធនាំចូលលើមុខទំនិញជាង ៩០ ភាគរយ ហើយពន្ធនាំចូលចំនួន ៥០ ភាគរយរបស់ឥណ្ឌូណេស៊ីលើការនាំចូលរថយន្តពីសហភាពអឺរ៉ុប នឹងត្រូវលុបបំបាត់ចោលក្នុងរយៈពេល ៥

សហគមន៍​កសិកម្ម ​​២៥ ​នៅ​កំពង់ធំ​ ​ទទួល​ត្រាក់ទ័រ​ ​និង​សម្ភារៈ​កសិកម្ម ​ដើម្បី​កាត់បន្ថយ​ថ្លៃ​ដើម​ផលិតកម្ម

ព្រឹត្តិការណ៍, សេដ្ឋកិច្ច

• 19/11/2026

សហគមន៍​កសិកម្ម​ចំនួន​ ​២២ ​និង​សហគមន៍​កសិកម្ម​ទំនើប​ចំនួន​ ៣ ​នៅ​ទូទាំង​ខេត្ដ​កំពង់ធំ​ ​ទទួល​បាន​ត្រាក់ទ័រ​ចំនួន​ ១៦ ​គ្រឿង​ គោយន្ត​ចំនួន​ ​២​ ​គ្រឿង​ ​និង​លាន​ហាល​សម្ងួត​គ្រាប់​ចំនួន​ ​១០ ​កន្លែង​ ​ដើម្បី​ជួយ​បង្កើន​ផលិតភាព​កសិកម្ម ​កាត់បន្ថយ​ថ្លៃ​ដើម​ពលកម្ម ​និង​ពង្រឹង​ភាព​ធន់​នឹង​ការ​ប្រែប្រួល​អាកាសធាតុ

គម្រោង​ខ្សែ​បញ្ជូន​អគ្គិសនី​​ ២៣០​ គីឡូ​វ៉ុល​ តម្លៃ​ ១៨៣ ​លាន​ដុល្លារ ​បើក​ផ្លូវ​ពង្រីក​ឧស្សាហកម្ម ​និង​បង្កើត​ការងារ​ថ្មី​

ព្រឹត្តិការណ៍, សេដ្ឋកិច្ច

• 19/11/2026

​រាជ​រដ្ឋាភិបាល​កម្ពុជា​ តាមរយៈ​ក្រសួង​រ៉ែ ​និង​ថាមពល ​បាន​ប្រកាស​បើកការដ្ឋាន​សាងសង់​ខ្សែ​បញ្ជូន​អគ្គិសនី​តង់ស្យុង​ ​២៣០​គីឡូ​វ៉ុល​ ប្រវែង​ប្រមាណ​ ​១២០​ គីឡូម៉ែត្រ ​ក្នុង​ទំហំ​ទឹកប្រាក់​ ​១៨៣ ​លាន​ដុល្លារ​អាម៉េរិក​ ​ដោយ​ប្រើប្រាស់​ឥណទាន​ពី​ធនាគារ​អភិវឌ្ឍន៍​អាស៊ី ​(​ADB​)​ ​ដើម្បី​ត​ភ្ជាប់​ខេត្ត​ពោធិ៍សាត់​ ​កំពង់ឆ្នាំង ​និង​កណ្ដាល

អាស៊ានបញ្ចប់កិច្ចប្រជុំកំពូលលើកទី៤៩ ជាមួយលទ្ធផលសំខាន់ៗជាង ១០០ និងកិច្ចព្រមព្រៀងសេដ្ឋកិច្ចឌីជីថល

ព្រឹត្តិការណ៍, សេដ្ឋកិច្ច

• 19/11/2026

កិច្ចប្រជុំកំពូលអាស៊ានលើកទី៤៩ និងកិច្ចប្រជុំកំពូលពាក់ព័ន្ធនានា បានបញ្ចប់នៅល្ងាចថ្ងៃទី១៧ ខែវិច្ឆិកា ឆ្នាំ២០២៦ នៅទីក្រុងម៉ានីល ប្រទេសហ្វីលីពីន ដោយសម្រេចបានឯកសារលទ្ធផលជាង ១០០ ស្តីពីកិច្ចសហប្រតិបត្តិការសេដ្ឋកិច្ច ពាណិជ្ជកម្ម ឌីជីថល និងសន្តិសុខតំបន់ ព្រមទាំងបានបញ្ចប់អាណត្តិប្រធានអាស៊ានរបស់ហ្វីលីពីន និងផ្ទេរតំណែងជាផ្លូវការទៅឱ្យសិង្ហបុរីសម្រាប់ឆ្នាំ២០២៧

កម្ពុជា គឺជាស្ពានតភ្ជាប់ទីផ្សារក្នុងស្រុក តំបន់ និងសកលលោកដែលមានប្រជាជនសរុបរាប់ពាន់លាននាក់

Top News, ព្រឹត្តិការណ៍, សេដ្ឋកិច្ច

• 18/11/2026

ភ្នំពេញ ៖ បន្ទាប់ពីបញ្ចប់ដោយជោគជ័យនៃកិច្ចប្រជុំកំពូលហ្វ្រង់កូហ្វូនីលើកទី២០ កម្ពុជា កំពុងដាក់ខ្លួនជាមជ្ឈមណ្ឌលវិនិយោគដ៏មានសក្តានុពល និងគាំទ្រធុរកិច្ចនៅចំបេះដូងនៃតំបន់អាស៊ាន ហើយក៏ជាស្ពានតភ្ជាប់ទីផ្សារពាណិជ្ជកម្មទាំងក្នុងតំបន់ និងសកលលោកផងដែរ។  ជាមួយនឹងឥរិយាបថបើកចំហសម្រាប់ការវិនិយោគដែលផ្តល់ភាពជាម្ចាស់ភាគហ៊ុនដល់បរទេសរហូតដល់ ១០០% ស្របពេលដែលកម្ពុជាជាប្រទេសដែលមានកម្លាំងពលកម្មវ័យក្មេងអាចបណ្តុះបណ្តាលបាន និងការផ្លាស់ប្តូរជាយុទ្ធសាស្ត្រឆ្ពោះទៅរកវិស័យអេឡិចត្រូនិក ថាមពលបៃតង និងផលិតកម្មដែលមានតម្លៃបន្ថែមខ្ពស់ កម្ពុជាបានផ្តល់ជូនអ្នកវិនិយោគសកលនូវច្រកទ្វារដោយផ្ទាល់ទៅកាន់មហាអនុតំបន់ទន្លេមេគង្គ អ្នកប្រើប្រាស់ចំនួន ៧០០ លាននាក់របស់អាស៊ាន និងដៃគូពាណិជ្ជកម្មអន្តរជាតិសំខាន់ៗ។ ថ្លែងក្នុងកិច្ចប្រជុំកំពូលហ្វ្រង់កូហ្វូនី

អាស៊ានចង់ពង្រឹងជំហររបស់តំបន់ឲ្យធំជាងមុននៅក្នុងខ្សែច្រវាក់ផ្គត់ផ្គង់រ៉ែកម្រជាសកល

ព្រឹត្តិការណ៍, សេដ្ឋកិច្ច

• 18/11/2026

នៅក្នុងសេចក្តីថ្លែងការណ៍មួយដែលត្រូវបានអនុម័តក្នុងអំឡុងកិច្ចប្រជុំកំពូលអាស៊ានលើកទី៤៩ នៅទីក្រុងម៉ានីល មេដឹកនាំទាំងអស់ប្តេជ្ញាបង្កើតយុទ្ធសាស្ត្ររ៉ែកម្រសំខាន់ៗរបស់អាស៊ាន ដើម្បីតម្រង់ទិសកិច្ចសហប្រតិបត្តិការនៅទូទាំងខ្សែច្រវាក់តម្លៃរ៉ែ

ពាណិជ្ជកម្ម​កម្ពុជា​-​បារាំង ​ឈាន​ដល់​ដំណាក់កាល​អនុវត្ត​ឱ្យ​ចេញ​ជា​លទ្ធផល​ជាក់ស្តែង​

ព្រឹត្តិការណ៍, សេដ្ឋកិច្ច

• 18/11/2026

​ ​ទំនាក់ទំនង​សេដ្ឋកិច្ច​រវាង​កម្ពុជា​ ​និង​បារាំង ​បាន​ឈាន​ដល់​ដំណាក់កាល​អនុវត្ត ​ដើម្បី​បង្កើត​លទ្ធផល​ជាក់ស្តែង​ ​ដោយ​ផ្អែក​លើ​សក្តានុពល​សេដ្ឋកិច្ច​ ​និង​ចំណុច​ខ្លាំង​របស់​កម្ពុជា​ ​ដែល​អាច​ទាក់ទាញ​វិនិយោគិន​បារាំង

ប៊ុលហ្គារី ​និង​វៀតណាម ​​ប្តេជ្ញា​ពង្រីក​កិច្ច​សហប្រតិបត្តិការ​សេដ្ឋកិច្ច​ ​និង​ការពារ​ជាតិ​

ព្រឹត្តិការណ៍, សេដ្ឋកិច្ច

• 18/11/2026

ប៊ុលហ្គារី ​និង​វៀតណាម ​បាន​ប្តេជ្ញា​ពង្រឹង​ភាព​ជា​ដៃគូ​យុទ្ធសាស្ត្រ​ឱ្យ​កាន់តែ​ស៊ីជម្រៅ​ ​តាមរយៈ​ការ​ពង្រីក​កិច្ច​សហប្រតិបត្តិការ​លើ​វិស័យ​សេដ្ឋកិច្ច​ ​ការពារ​ជាតិ​ ការ​អប់រំ​ ​និង​បច្ចេកវិទ្យា​ខ្ពស់ ​ក្នុង​ជំនួប​ទ្វេ​ភាគី​រវាង​ប្រមុខ​រដ្ឋ​នៃ​ប្រទេស​ទាំង​ពីរ ​នៅ​រាជធានី​ភ្នំពេញ​ ​ប្រទេស​កម្ពុជា


Leave a Reply

Your email address will not be published.Required fields are marked *