សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កន្លងមកមានការលើកឡើងច្រើនជុំវិញការយកពន្ធលើដីមិនបានប្រើប្រាស់ ដោយខ្លះបានសាទរ ហើយខ្លះទៀតហាក់មិនមានការពេញចិត្តចំពោះការអនុវត្តពន្ធលើដីធ្លីមិនបានប្រើប្រាស់ ។ ពាក់ព័ន្ធទៅនឹងចំណុចខាងលើនេះ ព្រឹកថ្ងៃទី១៣ ខែវិច្ឆិកា ឆ្នាំ២០២៣ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានបកស្រាយបញញជាក់ពីគោលបំណងនៃការយកពន្ធលើដីធ្លីមិនបានប្រើប្រាស់ជាមួយនឹងការលើកឡើងពីហេតុផលមកបញ្ជាក់ផងដែរ។
សម្ដេចធិបតី ហ៊ុន ម៉ាណែត បានមានប្រសាសន៍ថា ការកំណត់ពន្ធលើដីធ្លីមិនបានប្រើប្រាស់ គឺក្នុងគោលបំណង ៤ រួមមាន ទី១ . គឺជាឧបករណ៍ទប់ស្កាត់ក្នុងការទិញដីធ្លីធំៗ រាប់សិបហិចតាទុកចោលមិនប្រើប្រាស់ សម្រាប់ទុកលក់ចំណេញ ដែលធ្វើឱ្យបាត់បង់ផលិតភាពនៃការប្រើប្រាស់ដីដែលជាធនធាន និងជាកត្តាផលិតកម្មកម្រ ។គោលបំណងទី២ ជំរុញការប្រើប្រាស់ដីធ្លីឱ្យបានសមស្រប និងមានការអភិវឌ្ឍ ។ ទី៣.បង្កើនសកម្មភាពសេដ្ឋកិច្ច និងកំលាំងការងារ និងទី៤ ធានាដល់ការប្រមូលចំណូលជាប្រយោជន៍សម្រាប់គាំទ្រដល់ការចំណាយរបស់រដ្ឋាភិបាល ។
សម្ដេចបន្តថា ដើម្បីបញ្ចៀសការយកពន្ធត្រួតគ្នា និងដើម្បីកុំឱ្យប៉ះពាល់ដល់ប្រជាជនទូទៅស្របតាមគោលបំណងនេះ រាជរដ្ឋាភិបាលបានដាក់ចេញនូវគោលការណ៍ឱ្យអគ្គនាយកដ្ឋានពន្ធដារនៃក្រសួងសេដ្ឋកិច្ច និងហិរញ្ញវត្ថុធ្វើការកែសម្រួលនូវលិខិតបទដ្ឋានគតិយុត្ត ដើម្បីបន្ធូរបន្ថយលក្ខខណ្ឌសម្រាប់ទទួលបានការលើកលែងពន្ធលើដីធ្លីមិនប្រើប្រាស់ឱ្យមានភាពច្បាស់លាស់ ។ ទី១ .ដីដែលជាកម្មវត្ថុនៃពន្ធលើដីធ្លីមិនបានប្រើប្រាស់គឺសំដៅដល់ដីដែលនៅក្រៅតំបន់ដែលជាប់ពន្ធលើអចលនទ្រព្យរួចហើយ ។ ទី២. ដីដែលជាកម្មវត្ថុ នៃពន្ធលើដីដែលមិនប្រើប្រាស់ ត្រូវបានអនុញ្ញាតឱ្យកាត់ចេញ៥ហិកតាក្នុងមួយកន្លែង ក្នុងន័យនេះ បើដីដែលមានទំហំក្រោម៥ហិកតា មិនត្រូវបានចាត់ទុកជាដីដែលមិនប្រើប្រាស់នោះទេ ។
សម្ដេចបន្ថែមថា សម្រាប់ដីដែលមានទំហំចាប់ពី៥ហិកតាឡើងទៅ ហើយមិនត្រូវយកពន្ធនោះ ទី១ ជាដីកសិកម្មកំពុងបង្កបង្កើនផលដោយមានការបញ្ជាក់ពីគណៈកម្មការ ឬអនុគណៈកម្មការវាយតម្លៃដីថា ដីនោះកំពុងតែប្រើប្រាស់ពិតប្រាកដមែន ។ ទី២ ជាដីដែលកំពុងបម្រើសកម្មភាពសេដ្ឋកិច្ចរបស់រូបវ័ន្តបុគ្គល ឬនីតិបុគ្គល ដែលបានចុះបញ្ជីពន្ធដារនៅរដ្ឋបាលសារពើពន្ធ ដូចជាទិញទុកសម្រាប់ជួលឱ្យវិនិយោគិនបង្កើតរោងចក្រ ឬសង់ជាឃ្លាំង ។ ទី៣ ជាដីដែលមានសំណង់ ឬគ្មានសំណង់ តែស្ថិតនៅក្រោមកិច្ចសន្យាជួល ទី៤ជាដីដែលជាកម្មសិទ្ធិរបស់រាជរដ្ឋាភិបាល ឬស្ថាប័នរាជរដ្ឋាភិបាល , ដីសម្បទានសេដ្ឋកិច្ចរបស់រាជរដ្ឋាភិបាលក៏មិនជាប់ពន្ធដែរ ដែលស្ថិតនៅក្នុងតំបន់សេដ្ឋកិច្ចពិសេស ជាដើម ។
សម្ដេចបញ្ជាក់ថា ពន្ធលើដីធ្លីមិនប្រើប្រាស់ នឹងចាប់ផ្ដើមអនុវត្តចាប់ពីដើមឆ្នាំ២០២៥ ហើយសម្រាប់ដែលដីធំៗចាប់ពី៥ហិកតាឡើងទៅអាចចាប់ផ្ដើមកែប្រែធ្វើការវិនិយោគ ឬអភិវឌ្ឍន៍ដីនោះឱ្យមានប្រយោជន៍បង្កើតឱកាសការងារ និងចំណូលជាតិ ៕
Account
Security
Favourite Content