មុននឹងសម្រេចចិត្តចាប់ផ្ដើមអាជីវកម្ម ត្រូវសួរសំណួរចំនួន ៧ ចំពោះខ្លួនឯងសិន

ភ្នំពេញ ៖ ការដែលធ្វើជាម្ចាស់អាជីវកម្ម មើលហាក់ដូចជាឡូយខ្លាំងណាស់ ដែលអ្នកអាចមានសិទ្ធិសម្រេចចិត្តលើអ្វីមួយ ហើយបើការរកស៊ីរលូនទៅមុខល្អ អ្នកនឹងមានឱកាសចំណេញបានច្រើនទៀតផង។ ប៉ុន្ដែ អ្នកគួរតែដឹងថា មិនមែនរាល់ការចាប់ផ្ដើមទាំងអស់នឹងទទួលបានជោគជ័យទេ ហើយដំណើរផ្សងព្រេងក្នុងពិភពអាជីវកម្មក៏មិនមែនជារឿងងាយឡើយ។ ដូច្នេះ សហគ្រិនខ្មែរ បានលើកឡើងសំណួរចំនួន ៧ សំខាន់ៗ ដែលអ្នកគួរសួរខ្លួនឯង និងគួរត្រៀមចម្លើយឲ្យរួចរាល់​ ដើម្បីចាប់ផ្ដើមការរកស៊ីរបស់អ្នក៖

១. តើអ្វីជាបេសកកម្មរបស់អ្នក?

តើអ្នកចង់ចាប់ផ្ដើមអាជីវកម្មមួយនេះដើម្បីអ្វី? ដើម្បីទាញយកផលចំណេញ? ឬ ដើម្បីជួយដល់សង្គម? គួរពិចារណាលើផ្នត់គំនិតរបស់អ្នក ថាតើអ្វីទៅដែលអ្នកត្រូវការពិតប្រាកដពីការរកស៊ីមួយនេះ ដើម្បីផ្ដោតសំខាន់លើគោលបំណងពិតរបស់អ្នក។

២. តើអ្វីទៅគោលដៅរបស់អ្នក?

វាជាសំណួរសំខាន់ មិនថាធ្វើអ្វីមួយទេ ទាល់តែមានគោលដៅពិតប្រាកដសិន ទើបអ្នកអាចសម្រេចបានដោយជោគជ័យ ហើយចាត់ទុកវាជាកាតាលីករជំរុញទឹកចិត្តមួយទៅចុះ។ គោលដៅគឺមានរយៈពេលខ្លី និង វែង ដូច្នេះអ្នកគួរសួរខ្លួនឯងថា តើគោលដៅខ្លី និង វែងរបស់អ្នកជាអ្វី? តើក្នុងប៉ុន្មានឆ្នាំទៅមុខទៀត អ្នកនឹងមើលឃើញខ្លួនឯងក្នុងរូបភាពបែបណា?

៣. តើនរណាជាអតិថិជនរបស់អ្នក?

កំណត់សម្គាល់អតិថិជនគោលដៅរបស់អ្នកសិន ថាពួកគេជាមនុស្សចាស់ ឬ ក្មេង ដើម្បីងាយស្រួលធ្វើយុទ្ធសាស្ដ្រផ្សព្វផ្សាយដោយមានប្រសិទ្ធភាព។ អ្នកគួរដឹងថា ផលិតផលរបស់អ្នកមិនអាចបង្កើតឡើងឲ្យត្រូវនឹងស្ដង់ដារបស់មនុស្សគ្រប់គ្នាទេ ដូច្នេះសិក្សាឲ្យច្បាស់សិន តើផលិតផលរបស់អ្នកត្រូវនឹងមនុស្សក្រុមណា កំណត់យកអតិថិជនគោលដៅ រួចផ្ដោតលើការធ្វើទីផ្សារ ដើម្បីទាញផលចំណេញនៅពេលក្រោយ។

៤. តើអ្នកមានពេលគ្រប់គ្រាន់សម្រាប់ផ្ដោតលើអាជីវកម្មរបស់អ្នកទេ?

មិនមែនគ្រប់គ្នាសុទ្ធតែមានពេលច្រើនសម្រាប់ផ្ដោតលើអាជីវកម្មទេ ឧទាហរណ៍ថា អ្នកទើបរៀបការរួច មានគ្រួសារត្រូវមើលថែ និង មានទំនួលខុសត្រូវការងារជាច្រើនទៀតដែលត្រូវរ៉ាប់រង នោះអ្នកម៉េចនឹងអាចលៃពេលមកផ្ដោតលើការរកស៊ីបានទៅ?

៥. តើទុនក្នុងការចាប់ផ្ដើមអាជីវកម្មទាំងអស់មានប៉ុន្មាន?

ទុនចាប់ផ្ដើមជារឿងសំខាន់ និង ចាំបាច់បំផុត​ បើអ្នកគ្មានប្រាក់ នោះអ្នកនឹងមិនអាចចាប់ផ្ដើមអាជីវកម្មមួយបានទេ។ ក្នុងការរកស៊ីដំបូង មានរឿងច្រើនណាស់ដែលអ្នកត្រូវចំណាយ អាចជាចំណាយលើថ្លៃសម្ភារផ្គត់ផ្គង់ចាំបាច់ ថ្លៃជួលកន្លែង ថ្លៃជួលបុគ្គលិក ។ល។ ដូច្នេះអ្នកគួរគិតពិចារណាសិនថា តើដើមទុនប៉ុន្មានទើបអាចចាប់ផ្ដើមអាជីវកម្មមួយបាន?

៦. តើអ្នកបានត្រៀមខ្លួនសម្រាប់ទប់ទល់នឹងស្ថានភាពដំបូងនៃការរកស៊ីហើយឬនៅ?

ការរកស៊ីណាក៏ដូចមួយណាដែរ ចាប់ផ្ដើមដំបូងគឺមិនសូវជារឹងមាំទេ អ្នកនឹងមិនអាចទាញយកចំណូលបានពីវាភ្លាមៗនោះឡើយ ដូច្នេះក្រៅពីចំណាយក្នុងចំណុចខាងលើ អ្នកក៏គួរត្រៀមខ្លួនឲ្យរួចរាល់ដើម្បីទប់ទល់នឹងស្ថានការលំបាកនេះ ថាតើអ្នកបានត្រៀមទុនប៉ុន្មានសម្រាប់ទ្រទ្រង់អាជីវកម្មឲ្យបន្តដង្ហើមបាន មុនពេលវាអាចទាញយកប្រាក់ចំណេញឲ្យអ្នក។

៧. តើនរណាជាដៃគូរប្រកួតប្រជែងរបស់អ្នក?

ការរកស៊ីនីមួយៗសុទ្ធតែមានគូប្រជែង រឹតតែអ្នកចាប់ផ្ដើមរកស៊ីក្រោយគេ កាន់តែត្រូវសិក្សាពីដៃគូប្រកួតប្រជែងឲ្យដិតដល់ ថាតើពួកគេផ្ដល់សេវាកម្ម ឬ ផលិតផលយ៉ាងម៉េច ដើម្បីអ្នកអាចរិះរកគំនិតថ្មី ច្នៃយ៉ាងណាឲ្យអាជីវកម្មរបស់អ្នកមានភាពលេចធ្លោជាងគេ ដើម្បីដណ្ដើមទីផ្សារបាន។ សរុបមកវិញ ចំណុចដែលបានពោលឡើងខាងលើគឺគ្រាន់តែជាផ្នែកមួយចំនួនប៉ុណ្ណោះ នៅមានសំណួរជាច្រើនទៀតដែលអ្នកត្រូវឆ្លើយតប ដើម្បីត្រៀមខ្លួនឲ្យរួចរាល់សម្រាប់ចាប់ផ្ដើមអាជីវកម្មរបស់អ្នក៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី ជំរុញទំនាក់ទំនងពាណិជ្ជកម្ម និងការអភិវឌ្ឍសេដ្ឋកិច្ច

ព្រឹត្តិការណ៍, សេដ្ឋកិច្ច

• 19/06/2024

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី នឹងចុះ MOU ជំរុញទំនាក់ទំនងពាណិជ្ជកម្ម និង ការអភិវឌ្ឍសេដ្ឋកិច្ចរវាងប្រទេសទាំងពីរ

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ