សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កាលពីមួយរយៈពេលមុន ក្រុមការងារចុះវាស់វែងដីធ្លីរបស់ក្រសួងរៀបចំដែនដី នគរូបនីយកម្ម និងសំណង់ បានសម្រុកធ្វើការងារចុះវាស់វែងដីជូនប្រជាពលរដ្ឋនៅតាមតំបន់ដែលបានកំណត់ ហើយការវាស់វែងដីធ្លីនេះក៏នឹងត្រូវបញ្ចប់ទូទាំងប្រទេសនៅពេលឆាប់ៗខាងមុខនេះ ។ បន្ទាប់ពីការងារចុះវាស់វែងដី ក្រុមការងាររបស់ក្រសួងរៀបចំដែនដី នគរូបណីយកម្ម និងសំណង់ បាន និងកំពុងសម្រុកលើការបិទផ្សាយជាសាធារណៈនូវឯកសារវិនិច្ឆ័យទិន្នន័យក្បាលដីតាមតំបន់ដែលបានចុះបញ្ជីរួច ។
បើតាមការផ្សព្វផ្សាយជាបន្តបន្ទាប់របស់ក្រសួងរៀបចំដែនដី ក៏ដូចជារដ្ឋបាលតាមបណ្ដាខេត្តនានាបានប្រកាសពីការបិទផ្សាយនូវឯកសារនៃការវិនិច្ឆ័យលើការបចុះបញ្ជីដីធ្លីមានលក្ខណៈប្រព័ន្ធនៅតាមភូមិ ឃុំ ស្រុកនានាក្នុងរដ្ឋបាលខេត្តនីមួយៗ ។
គួរបញ្ជាក់ថា ការបិទផ្សាយជាសាធារណៈនូវឯកសារនៃការវិនិច្ឆ័យ គឺជាដំណាក់កាលនៃការចុះបញ្ជីដីធ្លី ដោយការបិទផ្សាយនេះ នឹងទុករយៈពេល១៥ ថ្ងៃ ដើម្បីឱ្យម្ចាស់ដី និងអ្នកពាក់ព័ន្ធធ្វើការផ្ទៀងផ្ទាត់ឈ្មោះ ថ្ងៃខែកំណើតរបស់ម្ចាស់កម្មសិទ្ធិដីធ្លី និងក្បាលដីរបស់ខ្លួន ព្រមទាំងធ្វើការតវ៉ាក្នុងករណីខុសឆ្គង ។ ដំណាក់កាលនេះ គឺជាដំណាក់កាលមួយក្រោយពីការចុះវាស់វែងដីធ្លីរួចរាល់ ។
ទន្ទឹមនឹងការបិទផ្សាយជាសាធារណៈនូវឯកសារវិនិច្ឆ័យនេះដែរ ក្រសួងរៀបចំដែនដី នគរូបនីយកម្ម និងសំណង់ ដែលមានមន្ទីររៀបចំដែនដី នគរូបនីយកម្ម សំណង់ និងសុរិយោដី ជាសេនាធិការ ក៏បានចាប់ផ្ដើមចែកវិញ្ញាបនបត្រសម្គាល់ម្ចាស់អចលនវត្ថុ ឬយើងហៅថា ប្លង់រឹង ជូនពលរដ្ឋជាបន្តបន្ទាប់ផងដែរ ។ ការប្រគល់វិញ្ញាបនបត្រសម្គាល់ម្ចាស់អចលនវត្ថុជូនពលរដ្ឋនៅតាមតំបន់នានានៅពេលនេះ ក៏ជាចំណងដៃថ្មីសម្រាប់ពលរដ្ឋដែលកន្លងមកមិនទាន់មាន និងមិនទាន់មានភាពកក់ក្ដៅលើការរស់នៅ និងអាស្រ័យផលលើដីរបស់ខ្លួន ។
ឯកឧត្តម សាយ សំអាល់ ឧបនាយករដ្ឋមន្ត្រី និងជារដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានថ្លែងថា ការបញ្ចប់ការវាស់វែង ចុះបញ្ជី និងចេញបណ្ណជូនពលរដ្ឋនៅទូទាំងប្រទេសនាពេលនេះ គឺជាប្រវត្តិសាស្ត្រសម្រាប់កម្ពុជា ហើយវានឹងអាចកាត់បន្ថយបាននូវទំនាស់ដីធ្លីដែលធ្លាប់តែកើតឡើងនាពេលកន្លងមក ។
ឯកឧត្តមបានបញ្ជាក់ថា ក្នុងអាណត្តិទី ៧នៃរដ្ឋសភានេះ ក្រសួងរៀបចំដែនដី នគរូបនីយកម្ម និងសំណង់ បានសម្របសម្រួល និងដោះស្រាយវិវាទដីធ្លីបានរាប់ម៉ឺនករណី និងនៅមានករណីវិវាទជាច្រើនទៀត ដែលក្រុមការងាររបស់ក្រសួងកំពុងសម្របសម្រួល និងដោះស្រាយជូន ដោយរំពឹងថា បញ្ហាវិវាទដីធ្លីនឹងកាត់បន្ថយឱ្យនៅទាបបំផុត ឬគ្មានតែម្ដង ៕
Account
Security
Favourite Content