សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ដើម្បីឱ្យការដឹកជញ្ជូនមានភាពងាយស្រួលជាងមុន ជាពិសេសមានតម្លៃថោកជាងមុន ប្រទេសនីមួយ ត្រូវមានការគិតគូរផ្ដល់ជម្រើសក្នុងការដឹកជញ្ជូនឱ្យបានកាន់តែទូលំទូលាយ។ ការផ្ដល់ជម្រើសក្នុងការដឹកជញ្ជូននេះក៏អាចធ្វើទៅបានតាមរយៈការកសាងហេដ្ឋារចនាសម្ព័ន្ធឱ្យមានភាពសម្បូរបែប។
ដោយឡែក ការដឹកជញ្ជូនតាមផ្លូវទឹកជាប្រភេទនៃការដឹកជញ្ជូនមួយដែលចំណាយអស់ថវិកាតិច និងកាត់បន្ថយការកកស្ទះចរាចរណ៍លើផ្លូវគោកផងដែរ។ កន្លងមក កម្ពុជាមិនទាន់មានកំពង់ផែទឹកជ្រៅសម្រាប់នាវា ឬកប៉ាល់ដឹកជំនិញធំៗចូលចុះចតនោះទេ ដូច្នេះការធ្វើពាណិជ្ជកម្មជាទូទៅគឺ ធ្វើឡើងដោយពឹងផ្អែកលើកំពង់ផែទឹកជ្រៅរបស់ប្រទេសផ្សេងសម្រាប់ចូលចុះចត។ ម្លោះហើយ ដើម្បីជំរុញការធ្វើពាណិជ្ជកម្មឱ្យកាន់តែមានប្រសិទ្ធិភាព ក្រសួងសាធារណៈការបានរៀប ចំសាងសង់កំពង់ផែទឹកជ្រៅនៅក្រុងព្រះស៊ីហនុ ដែលគម្រោងនេះបានចាប់ផ្ដើមកាលពីថ្ងៃទី ១ ខែឧសភា ឆ្នាំ២០២៣។
បើតាមក្រសួងសាធារណៈការ គម្រោងនេះត្រូវបានបែងចែកជាពីដំណាក់កាលផ្សេងៗ និងអាចបញ្ចប់ការសាងសង់នៅក្នុងឆ្នាំ ២០២៩។ ដោយឡែក នៅក្រោយពេលដែលការសាងសង់បានសម្រេចរួចរាល់ កំពង់ផែនេះនឹងមានលទ្ធភាពអាចទទួលយកនាវាធំៗប្រមាណជា ៩៣%ឯណោះ។
វត្តមាននៃកំពង់ផែទឹកជ្រៅនេះ មិនត្រឹមតែជួយឱ្យការដឹកជញ្ជូនតាមផ្លូវទឹករបស់កម្ពុជាកាន់តែល្អប្រសើរនោះទេ ប៉ុន្តែក៏ជួយដល់សេដ្ឋកិច្ចកម្ពុជាមួយផ្នែកទៀត តាមរយៈចំណូលពីការចូលចុះចតរបស់នាវាអន្តរជាតិ។
បើយោងតាមក្រសួងសាធារណៈការដដែល ដំណាក់កាលទី១គឺជាការចាប់អនុវត្តគម្រោងកែសម្រួល ចំណតផែកុងតឺណឺ ដែលមានប្រវែង ២៥៣ម៉ែត្រ និងដំណាក់កាលទី២គឺគម្រោងសាងសង់អភិវឌ្ឍន៍ចំណតផែកុងតឺណឺថ្មី បន្ថែមឱ្យចំណតផែកុងតឺណឺចាស់ ដែលនឹងចែកចេញជា ៣ជំហាន បន្ថែមទៀត។
ក្នុងនោះ ជំហានទី១ មានប្រវែង៣៥០មែត្រ និងមានជម្រៅទឹក១៤,៥ម៉ែត្រ ជំហានទី២ មានប្រវែង៤០០ មានជម្រៅទឹក ១៦,៥ម៉ែត្រ និងជំហានទី៣ មានប្រវែង៤៣០ម៉ែត្រ ជម្រៅទឹក ១៧,៥ម៉ែត្រ។
តាមរយៈសមិទ្ធផលថ្មីដែលនឹងលេចរូបរាងនៅក្នុងពេលខាងមុខ ក្រសួងសាធារណៈការដាក់ការរំពឹងថា កំពង់ផែនេះជាសសៃឈាមសេដ្ឋកិច្ចដ៏មានសក្កានុពលរបស់កម្ពុជា តភ្ជាប់ទំនាក់ទំនងគមនាគមន៍ ផ្លូវទឹក វិនិយោគ ការដោះដូរទំនិញ ដឹកជញ្ជូនឆាប់រហ័ស និងចំណាយតិច៕
Account
Security
Favourite Content