សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ គម្រោងអភិវឌ្ឍន៍ហេដ្ឋារចនាសម្ព័ន្ធធំៗរបស់រាជរដ្ឋាភិបាលកម្ពុជាចំនួន៦គម្រោង ដោយមួយចំនួនបានបញ្ចប់ការសាងសង់ក្នុងឆ្នាំនេះ និងមួយចំនួនកំពុងដំណើរការសាងសង់ កំពុងហុចផល និងជំរុញសក្ដានុពលខ្ពស់ដល់ការវិនិយោគទាំងក្នុង និងក្រៅប្រទេស ថែមទាំងបានទាក់ទាញបន្ថែមដល់វិស័យអចលនទ្រព្យក្នុងប្រទេសកម្ពុជាបានយ៉ាងប្រសើរ។
សំណង់រដ្ឋទាំង៦គម្រោងដែលបានបញ្ចប់ និងកំពុងដំណើរការសាងសង់រួមមាន ១. ផ្លូវចំនួន៣៨ខ្សែនៅក្រុងសៀមរាប នៃខេត្តសៀមរាប ២. ស្ពានអាកាស និងផ្លូវក្រោមដីចោមចៅ ក្នុងសង្កាត់ពោធិ៍សែនជ័យ រាជធានីភ្នំពេញ ៣.គម្រោងស្ពានមិត្តភាពកម្ពុជា-កូរ៉េ បានបញ្ចប់ការសិក្សារួចហើយ ៤.ព្រលានយន្តហោះអន្តរជាតិតេជោ ក្នុងស្រុកស្អាងខេត្តកណ្ដាល សម្រេចបានការសាងសង់ជាង ៣០ភាគរយហើយ ៥. គម្រោងព្រលានយន្តហោះអន្តរជាតិខេត្តសៀមរាប សម្រេចបានជាង ២០ភាគរយហើយ និង៦ គម្រោងអភិវឌ្ឍន៍កំពង់ផែទេសចរណ៍អន្តរជាតិខេត្តកំពត សម្រេចបានជាង៩០ភាគរយផងដែរ។ នេះបើតាមការសិក្សារបស់ក្រុមហ៊ុនអន្តរជាតិ CBRE ប្រចាំប្រទេសកម្ពុជា ចេញផ្សាយកាលពីពេលកន្លងទៅថ្មីនេះ។
គម្រោងទាំង៦ ដែលបានលើកឡើងនេះ នឹងក្លាយជាចំណាប់អារម្មណ៍ដល់ការវិនិយោគលើវិស័យអចលនទ្រព្យនៅក្នុងតំបន់នោះបន្ថែមទៀត ហើយនឹងធ្វើឱ្យតម្លៃអចលនទ្រព្យ ជាពិសេសដីធ្លីនៅជុំវិញតំបន់អភិវឌ្ឍន៍គម្រោងនោះកាន់តែមានសន្ទុះបន្ថែមទៀតផងដែរ។
លោក សំ សីហា ប្រធានសាខានៃក្រុមហ៊ុនអចលនទ្រព្យ Century 21 Zillion Holding ប្រចាំខេត្តសៀមរាបបានឱ្យដឹងថា គម្រោងផ្លូវ៣៨ខ្សែនៅក្រុងសៀមរាប បាន និងកំពុងផ្ដល់អត្ថប្រយោជន៍ដល់វិស័យអចលនទ្រព្យកម្ពុជាបណ្ដើរៗហើយមកដល់ពេលនេះ ។ គម្រោងនេះបានធ្វើឱ្យមានការចាប់អារម្មណ៍ពីសំណាក់វិនិយោគិនជាតិ និងអន្តរជាតិជាច្រើន ប៉ុន្តែដោយសារតែស្ថានភាពនៃវិបត្តិកូវីដ-១៩នៅក្នុងប្រទេស ទើបធ្វើឱ្យសកម្មភាពនៃការវិនិយោគហាក់មិនទាន់កម្រើកខ្លាំងនៅឡើយ។
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលវត្ថុកម្ពុជាក៏បានលើកឡើងផងដែរថា នៅពេលមានគម្រោងអភិវឌ្ឍន៍អ្វីមួយ តម្លៃអចលនទ្រព្យនៅតំបន់ជុំវិញនៅនឹងមានកំណើនឡើង ហើយនឹងធ្វើឱ្យតំបន់នោះមានសក្ដានុពលកាន់តែខ្ពស់បន្ថែមទៀតផងដែរ។ ដោយសារតែកត្តាទាំងនេះហើយ រាជរដ្ឋាភិបាលបានខិតខំក្នុងការអភិវឌ្ឍគម្រោងនានា ជាពិសេសហេដ្ឋារចនាសម្ព័ន្ធខ្វាត់ខ្វែងនៅទូទាំងរាជធានីភ្នំពេញ ដើម្បីសម្រួលដល់ការធ្វើដំណើររបស់ពលរដ្ឋផង និងដើម្បីទាក់ទាញការវិនិយោគផង៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content