សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កំណើនពលរដ្ឋមករស់នៅក្នុងរាជធានីភ្នំពេញបានកើនឡើងពីមួយឆ្នាំទៅមួយឆ្នាំ ហើយកំណើនពលរដ្ឋរស់នៅក្នុងក្រុងនេះដែរបានជំរុញឱ្យរដ្ឋាភិបាលត្រូវពង្រីកផ្ទៃដីរាជធានីភ្នំពេញកាន់តែធំជាងមុន ហើយមុននឹងពង្រីកក្រុងនេះដែរ រដ្ឋាភិបាលក៏បានកសាងហេដ្ឋារចនាសម្ព័ន្ធតំបន់ជាប់ៗភ្នំពេញកាន់តែច្រើនដោយក្នុងនោះរចនាសម្ព័ន្ធបណ្តាញទឹកស្អាត បណ្តាញអគ្គិសនី គឺជាអាទិភាពមួយសម្រាប់ការត្រៀមសម្រាប់ផែនការមួយនេះ ។
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលវត្ថុកម្ពុជាបានលើកឡើងថា ការអភិវឌ្ឍផ្លូវក្រវាត់ក្រុងជាបន្តបន្ទាប់រដ្ឋាភិបាល បាន និងកំពុងហុចផល និងសក្ដានុពលអភិវឌ្ឍន៍តំបន់ជាយក្រុងកាន់តែខ្លាំង ហើយដីធ្លីនៅតាមបណ្ដោយផ្លូវក្រវាត់ក្រុងទី១ ទី២ ទី៣ មានតម្លៃបន្ថែមកាន់តែខ្ពស់ មានការទាក់ទាញកាន់តែខ្លាំង និងមានការអភិវឌ្ឍកាន់តែមមាញឹក ។
លោកបន្តថា ៖
“ទាំងនេះគឺសុទ្ធតែជាយុទ្ធសាស្ត្រក្នុងការត្រៀមសម្រាប់ផែនការពង្រីកក្រុងរបស់រដ្ឋាភិបាលនៅពេលអនាគត ពីព្រោះថាចង់ឱ្យពលរដ្ឋទៅរស់នៅតំបន់ជាយក្រុងកាន់តែច្រើន ចាំបាច់ត្រូវតែអភិវឌ្ឍន៍តំបន់នោះជាមុនសិន នៅពេលមានការអភិវឌ្ឍ គ្រប់គ្រាន់ហើយនោះពលរដ្ឋនឹងទៅរស់នៅទីនោះកាន់តែច្រើន ពេលនោះគម្រោងនៃផែនការពង្រីកក្រុងភ្នំពេញនឹងទទួលបានលទ្ធផលល្អប្រសើរ ឬអាចធ្វើឱ្យតំបន់ក្នុងក្រុងកាន់តែមានទំនាក់ទំនងជិតស្និទ្ធជាមួយនឹងតំបន់ជាយក្រុង”
លោកបន្ថែមថា ៖
“បច្ចុប្បន្ននេះ យើងបានឃើញថាជុំវិញរាជធានីភ្នំពេញមានការអភិវឌ្ឍដូចៗគ្នាគ្រាន់តែតំបន់នីមួយៗមានសក្ដានុពលនិងការទាក់ទាញទៅលើការអភិវឌ្ឍផ្សេងគ្នា ហើយពីមួយឆ្នាំទៅមួយឆ្នាំមួយ ការអភិវឌ្ឍកាន់តែរីកសាយទៅៗ “
លោក ប៉ូ អ៊ាវគង់ អគ្គនាយកក្រុមហ៊ុនអចលនទ្រព្យ Advance ក៏បានលើកឡើងផងដែរថា
“ការរៀបចំប្លង់មេទុកជាមុនរបស់រដ្ឋាភិបាលក្នុងការពង្រីកក្រុងនឹងធ្វើឱ្យផែនការទទួលបានជោគជ័យនិងអភិវឌ្ឍន៍ខ្លាំង ។ ពលរដ្ឋដែលរស់នៅភ្នំពេញដែលកាត់ពីខេត្តនឹងទទួលបាននូវអត្ថប្រយោជន៍បន្ថែមនៅពេលផែនការពង្រីកក្រុងនោះទៅដល់តំបន់ពួកគេ”
លោកបន្តថា នៅជុំវិញភ្នំពេញ ឬអាចនិយាយផ្លូវជាតិសំខាន់ៗជុំវិញភ្នំពេញសុទ្ធតែមានការអភិវឌ្ឍផ្សេងគ្នា ក្នុងនោះផ្លូវជាតិលេខ១និងលេខ៦ជាតំបន់ដែលអភិវឌ្ឍន៍លំនៅឋានតម្លៃមធ្យមឡើង ដូច្នេះតំបន់នោះត្រូវការអ្វីជាចាំបាច់ដែលរដ្ឋាភិបាលបានគិតគូរ ផ្លូវជាតិលេខ២ លេខ៣ លេខ៤ និងលេខ៥ ជាតំបន់អភិវឌ្ឍន៍លំនៅឋានតម្លៃសមរម្យនិងឧស្សាហកម្ម ហើយរដ្ឋាភិបាលក៏បានគិតគូររួចផងដែរពីតម្រូវការចាំបាច់របស់ពលរដ្ឋ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រយៈពេល៦ខែ ឆ្នាំ២០២៦ កម្ពុជាទទួលបានចំណូលពីពន្ធគយប្រមាណ ១,៥៧ពាន់លានដុល្លារអាម៉េរិក
Top News, ព្រឹត្តិការណ៍, សេដ្ឋកិច្ច
• 21/07/2026
ក្នុងរយៈពេល ៦ខែ នៃឆមាសទី១ ឆ្នាំ២០២៦ នេះ អគ្គនាយកដ្ឋានគយ និងរដ្ឋាករកម្ពុជា ប្រមូលចំណូលបាន ៦,២៩ទ្រីលានរៀល ឬប្រមាណ ១,៥៧ពាន់លានដុល្លារអាម៉េរិក កើនឡើង ៤,៥ភាគរយ
ស្វែងយល់ពីឫសគល់ប្រវត្តិសាស្ត្រដែលសហរដ្ឋអាម៉េរិក និងសម្ព័ន្ធមិត្តមិនអាចផ្តួលរំលំរបបដឹកនាំអ៊ីរ៉ង់
Top News, ព្រឹត្តិការណ៍, សេដ្ឋកិច្ច
• 17/07/2026
ក្រុមអ្នកវិភាគភូមិសាស្ត្រនយោបាយ គូសបញ្ជាក់ថា ការព្យាយាមប្រើប្រាស់សម្ពាធយោធា និង ការដាក់ទណ្ឌកម្មសេដ្ឋកិច្ចនានាដើម្បីបង្ខំឱ្យអ៊ីរ៉ង់ផ្លាស់ប្តូររបបដឹកនាំគឺជារឿងដ៏លំបាកបំផុត ដោយសារតែរបបបច្ចុប្បន្នត្រូវបានកសាងឡើងនៅលើទ្រឹស្តីការពារខ្លួន និងការចងចាំដ៏ឈឺចាប់នៃការជ្រៀតជ្រែកពីបរទេសអស់រយៈពេលជាង ២ សតវត្សរ៍កន្លងមក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content