សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការចុះបញ្ជីដីធ្លី និងការចេញបណ្ណកម្មសិទ្ធិមាននីតិវិធី២យ៉ាង គឺការចុះបញ្ជីដីធ្លីមានលក្ខណៈដាច់ដោយដុំ ដែលជាការចុះបញ្ជីដីធ្លីតាមការស្នើសុំរបស់ម្ចាស់ដី និងការចុះបញ្ជីមានលក្ខណៈជាប្រព័ន្ធ គឺជាការចុះបញ្ជីមួយឃុំម្ដងៗតាមការកំណត់របស់រដ្ឋាភិបាល ។ ថ្ងៃនេះ AMS Economy នឹងលើកយកពីនីតិវិធីនិងដំណើរការនសការចុះបញ្ជីដីធ្លីមានលក្ខណៈដាច់ដោយដុំ ហើយម្ចាស់ត្រូវត្រៀមលក្ខណៈ និងឯកសារអ្វីខ្លះសម្រាប់ចុះបញ្ជីដីរបស់ខ្លួនបាន ។
នីតិវិធីនៃការចុះបញ្ជីដីធ្លីមានលក្ខណៈដាច់ដោយដុំ មាន៥ដំណាក់កាល ក្នុងនោះមាន ១ គឺជាការដំណាក់ដាក់ពាក្យស្នើសុំចុះបញ្ជីដីធ្លី ហើយក្នុងដំណាក់កាលនេះ ម្ចាស់ដីត្រូវដាក់ពាក្យតាមរយៈមេឃុំ ឬចៅសង្កាត់ និងត្រូវមានឯកសារកម្មសិទ្ធិលើក្បាលដី និងភស្តុតាងផ្សេងៗផងដែរ ។ បន្ទាប់ពីដំណាក់កាលនេះទៅ ចូលដល់ដំណាក់កាលទី២ ដោយក្រុមការងារបច្ចេកទេសនឹងចុះមកកំណត់ព្រំដី វាស់វែងក្បាលដី និងការវិនិច្ឆ័យលើឯកសារនិងភស្តុតាងដែលមានស្រាប់ ។
ក្រោយពីក្រុមប្រតិបត្តិបច្ចេកទេស បានចុះវាស់វែង កំណត់ព្រំដីរួចរាល់ ចូលដល់ដំណាក់កាលបន្ទាប់គឺការបិទផ្សាយជាសាធារណៈនូវឯកសារវិនិច្ឆ័យ ដែលក្រុមប្រតិបត្តិបានចុះវាស់វែងកន្លងមក ។ ក្នុងតដំណាក់កាលនេះ ម្ចាស់ដីមានរយៈពេល៣០ថ្ងៃ ដើម្បីប្ដឹងជំទាស់ឬតវ៉ាលើការវាស់វែង និងវិនិច្ឆ័យរបស់ក្រុមប្រតិបត្តិបច្ចេកទេស ។ បន្ទាប់ពីនេះ បើសិនមិនមានការប្ដឹងតវ៉ា ឬជំទាស់ទេ ចូលដំណាក់ទី៤ គឺជាសំខាន់មួយដើម្បីដើម្បីលើឯកសារ ។ ក្នុងអំឡុងពេលនេះដែរ មន្ត្រីជំនាញនឹងធ្វើរបាយការណ៍ ដើម្បីឱ្យថ្នាក់លើពិនិត្យ និងចុះហត្ថលេខា ។ បន្ទាប់ពីមកទៀតគឺជាដំណាក់កាលចុងក្រោយ គឺការចេញនិងចែកបណ្ណ ។
យោងតាមរបាយការណ៍របស់ក្រសួងរៀបចំដែនដី នគរូបនីយកម្ម និងសំណង់ បានបង្ហាញថា គិតត្រឹមដើមខែតុលា ឆ្នាំ២០២៤កន្លងទៅនេះ ការចុះបញ្ជីដីធ្លីមានលក្ខណៈដាច់ដោយដុំ ក្រសួងសម្រេចចេញនិងចែកបណ្ណចំនួន ៣ ២១៩បណ្ណ ក្នុងនោះ ដីឯកជនមានចំនួន ២ ៨៤៨បណ្ណ ដីរដ្ឋចុះបញ្ជីតាមនីតិវិធីពិសេសចំនួន ៤៤បណ្ណ ទំហំ ១០៤ ៦៨៥ហិចតា ដីរដ្ឋក្នុងតំបន់២ នៃបឹងទន្លេសាបចំនួន ២០បណ្ណ ទំហំ ១០០ ២៦៦ហិចតា ។ ក្រៅពីនេះ ក្រសួងក៏បានចុះបញ្ជីដីរដ្ឋបានចំនួន៤១ទីតាំង ស្មើនឹង ៣២៧បណ្ណ ទំហំ៣៧៩ ៤១៨ហិចតា ក្នុងនោះមានដីសម្បទានសេដ្ឋកិច្ចចំនួន ២៧ទីតាំង ចំនួន១៨៤បណ្ណ ទំហំ ១៧១ ៧៥៩ហិចតា តំបន់ការពារឬព្រៃស្ដារឡើងវិញចំនួន៩ទីតាំង ចំនួន៦១បណ្ណ ទំហំ១៤ ៥១៩ហិចតា ដោយមានដីរបស់ក្រសួងបិរស្ថានចំនួន២ទីតាំងមានចំនួន៥បណ្ណ ទំហំ ៦៤៨ហិចតា ដីរបស់ក្រសួងសកិកម្ម មានចំនួន៧ទីតាំង មានចំនួន៥៦បណ្ណ មានទំហំ ១៣ ៨៧១ហិតាច និងដីក្រសួងវប្បធម៌ មាន២ទីតាំង មានចំនួន៩បណ្ណស្មើនឹង ទំហំ១ ៤៧៩ហិចតា ក្រសួងធនធានទឹក ( បឹងទន្លេសាប ) មានចំនួន២ទីតាំង ៧២បណ្ណ មានទំហំ ១៩០ ៣១២ហិចតា និងដីសម្បទានសង្គមកិច្ច មាន១ទីតាំងស្មើនឹង១បណ្ណ ទំហំ១ ៣៤៩ហិចតា ។
ក្រសួងរៀបចំដែនដីនគរូបនីយកម្មនិងសំណង់ ក៏បានចុះបញ្ជីដីធ្លីមានលក្ខណៈដាច់ដោយដុំជូនសហគមន៍ជនជាតិដើមភាគតិចចំនួន ០២សហគមន៍ផងដែរ ស្មើនឹង៧២បណ្ណ មានទំហំ៨០៦ហិចតាដែលជាកម្មសិទ្ធិរបស់ពលរដ្ឋចំនួនចំនួន២៦៦គ្រួសារ ៕
Account
Security
Favourite Content