សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រាជរដ្ឋាភិបាលកម្ពុជា តាមរយៈក្រសួងសេដ្ឋកិច្ច និងហិរញ្ញវត្ថុ បានចេញសេចក្តីសម្រេចលើកលែងការបង់ពន្ធអាករលើតម្លៃបន្ថែមរយៈពេល២ឆ្នាំ ចំពោះមុខទំនិញមួយចំនួន ដែលជាអាហារប្រចាំថ្ងៃរបស់ពលរដ្ឋ។ នេះបើយោងតាមសេចក្តីប្រកាសរបស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ។
តាមរយៈសេចក្ដីប្រកាសជាផ្លូវការរបស់ក្រសួងសេដ្ឋកិច្ច និងហិរញ្ញវត្ថុបានបញ្ជាក់ថា អាករលើតម្លៃបន្ថែម ដែលជាអាហារជាមូលដ្ឋាន សំដៅដល់បណ្តាមុខទំនិញមួយចំនួនសម្រាប់ទ្រទ្រង់ និងជាតម្រូវការជីវភាពរស់នៅប្រចាំថ្ងៃដូចជាមុខទំនិញប្រភេទសាច់គោ ក្របី ពពែ ចៀម ជ្រូក មាន់ ទា-ស៊ុតចិញ្ចឹមគ្រប់ប្រភេទ ទោះបីមានលក្ខណៈជាស៊ុតស្រស់ ឬកែច្នៃតាមវិធីប្រឡាក់ ផ្អាប់ ឬឆ្អើរ។ ត្រីទឹកសាប រួមទាំង បង្កង បង្គា កំពឹស ក្តាម និងត្រីទឹកប្រៃគ្រប់ប្រភេទ ក៏ដូចជា ស្ករ អំបិល ទឹកត្រី និងទឹកស៊ីអ៊ីវ គ្រប់ប្រភេទ បានក្លាយជាបន្ទុករបស់រដ្ឋាភិបាល។
ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន បានថ្លែងថា ការទទួលបន្ទុករបស់រដ្ឋាភិបាលចំពោះអាករលើតម្លៃបន្ថែមនេះ មានរយៈពេល២ឆ្នាំពេញ ដោយអនុវត្តចាប់ពីថ្ងៃទី១មករា ឆ្នាំ២០២២ ដល់ថ្ងៃទី៣១ធ្នូ ឆ្នាំ២០២៣។ បន្ទុករបស់រដ្ឋនូវអាករលើតម្លៃបន្ថែមនេះ គឺមិនរាប់បញ្ជូលការផ្គត់ផ្គង់ម្ហូបអាហារដោយភោជនីយដ្ឋាននោះឡើយ។
លោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជា បានចាត់ទុកការអនុគ្រោះចំពោះអាករលើតម្លៃបន្ថែម ១០ ភាគរយរបស់រដ្ឋចំពោះផលិតផលសាច់សត្វ ជាការជួយសម្រាលការចំណាយបានមួយផ្នែកដល់អ្នកចិញ្ចឹម និងអ្នកទទួលទាន។ ចំពោះអាករលើតម្លៃបន្ថែមនេះអស់រយៈពេលជាង ១០ ឆ្នាំមកហើយដែលក្រសួងសេដ្ឋកិច្ច បានសម្រេចផ្តល់ការអនុគ្រោះ ព្រោះបើមិនដូច្នេះទេ អ្នកចិញ្ចឹមសត្វក្នុងស្រុកនឹងជួបបញ្ហាខ្លាំងចំពោះការចំណាយថ្លៃដើម ហើយពេលនាំសាច់សត្វនៅទីផ្សារក៏ឡើងថ្លៃទៅតាមហ្នឹងដែរ ។ ជាមួយគ្នានេះ នៅរៀងរាល់ ២ឆ្នាំម្តង សមាគម តែងតែស្នើសុំដល់រាជរដ្ឋាភិបាលឱ្យបន្តការលើកលែងអាករលើតម្លៃបន្ថែមនេះ ។
យោងតាមសេចក្តីប្រកាសចុះថ្ងៃទី១២ ខែមករា ឆ្នាំ២០២២ បានបញ្ជាក់ថា ចាប់ពីថ្ងៃទី០១ ខែមករា ឆ្នាំ២០២២ រហូតដល់ខែធ្នូ ឆ្នាំ២០២៣ រដ្ឋាភិបាលសម្រេចលើកលែងការបង់ពន្ធអាកររយៈពេល២ឆ្នាំ ចំពោះមុខទំនិញដែលជាអាហារមូលដ្ឋាន ដើម្បីជួយសម្រួលជីវភាពរស់នៅប្រចាំថ្ងៃរបស់ប្រជាពលរដ្ឋ។
ប្រកាសនេះមានវិសាលភាពអនុវត្តចំពោះអ្នកជាប់ពន្ធតាមរបបស្វ័យប្រកាសដែលធ្វើការផ្គត់ផ្គង់ក្នុងស្រុកនូវប្រភេទទំនិញដែលជាអាហារជាមូលដ្ឋានសម្រាប់ចិញ្ចឹមជីវិតប្រជាពលរដ្ឋនៅក្នុងព្រះរាជាណាចក្រកម្ពុជា៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន NextEd Canada រៀបចំទិវាគ្រួសារ (Family’s Day) ដើម្បីអបអរសិស្សកម្ពុជាដែលត្រៀមបន្តការសិក្សានៅប្រទេសកាណាដា
ព្រឹត្តិការណ៍, អត្ថបទពាណិជ្ជកម្ម
• 15/08/2026
NextEd Canada ដែលជាក្រុមហ៊ុនប្រឹក្សា និងរៀបចំផែនការសិក្សានៅប្រទេសកាណាដា សម្រាប់សិស្សានុសិស្សកម្ពុជាចាប់ពីកម្រិតវិទ្យាល័យឡើងទៅ បានរៀបចំទិវាគ្រួសារសម្រាប់សិស្ស និស្សិត និងក្រុមគ្រួសារកម្ពុជាប្រមាណ១០០ គ្រួសារដែលមានផែនការ និងចំណាប់អារម្មណ៍លើការសិក្សានៅកាណាដា
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
ក្រសួងរៀបចំដែនដីទទួលបានគំនិតថ្មីៗបន្ថែម ក្នុងគោលដៅធ្វើឱ្យប្រជាពលរដ្ឋមានលំនៅឋានរស់នៅសមរម្យ
Top News, ព្រឹត្តិការណ៍, អចលនទ្រព្យ
• 14/08/2026
កិច្ចការស្រាវជ្រាវអំពីអចលនទ្រព្យ និងស្ថានភាពលំនៅឋាននេះមានសារៈសំខាន់ គឺផ្ដោតទៅលើការបង្កើតទំនៀមទម្លាប់ និងផ្នត់គំនិតការងារថ្មីមួយ ដែលមានភាពច្បាស់លាស់ និងមិនធ្វើការតាមអារម្មណ៍ដែលនាំឱ្យមានកំហុសឆ្គងច្រើន
ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content