សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បាត់ដំបង ៖ មណ្ឌលហែលទឹកបាត់ដំបងដែលត្រូវបានសម្ពោធដាក់ឲ្យប្រើប្រាស់ជាផ្លូវការក្រោមថវិកាសាងសង់ពីសប្បុរសជនសរុបប្រមាណជិត២លានដុល្លារអាមេរិក នឹងក្លាយខ្លួនទៅជាម្ចាស់ផ្ទះរៀបចំកីឡាស៊ីហ្គេម (SEA Game) នាឆ្នាំ២០២៣ខាងមុខ។
នៅក្នុងដំណើរឆ្ពោះទៅដណ្ដើមមេដាយមាសផ្នែកហែលទឹក ភាគីពាក់ព័ន្ធបាន និងកំពុងខ្នះខ្នែងផ្ដល់ទាំងការឧបត្ថម្ភផ្នែកសម្ភារៈ និងស្មារតី គឺធ្វើយ៉ាងណាកសាងធនធានកីឡាចាប់ពីពេលនេះទៅ ដោយក្នុងនោះ ខេត្តបាត់ដំបងត្រូវបានជ្រើសរើសជាទីតាំងល្អមួយសម្រាប់ជាទីស្នាក់ការនៃកីឡាហែលទឹកនេះ។
ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា បានប្រាប់ AMS ឲ្យដឹងថា បាត់ដំបង ជាខេត្តដែលមានប្រជាជនរស់នៅច្រើន និងប្រជុំទៅដោយធនធានដែលមានទេពកោសល្យផ្នែកហែលទឹក។ ក្នុងន័យប្រវត្តិសាស្ត្រ នេះជាការស្តារកេរ្តិ៍ឈ្មោះវិស័យកីឡាហែលទឹកកម្ពុជា ដែលធ្លាប់មានភាពរុងរឿងក្នុងសម័យសង្គមរាស្រ្តនិយម។
ឯកឧត្តមបានថ្លែងបន្តថា ៖
“វាជាការជួយលើកទឹកចិត្ត ឬហៅថាជាការជំរុញឲ្យកីឡាករ មន្ត្រីកីឡាផ្នែកហែលទឹកគាត់មានទឹកចិត្តកាន់តែខ្លាំង តាមរយៈការមើលឃើញហេដ្ឋារចនាសម្ព័ន្ធល្អៗ ដើម្បីជំរុញបន្តឲ្យពួកគាត់ឆ្ពោះទៅរកគោលដៅជាជ័យលាភីនៅក្នុងកីឡាស៊ីហ្គេមនាពេលខាងមុខនេះ”
មណ្ឌលហែលទឹកមួយនេះ បានលេចចេញជារូបរាងឡើងក្រោមគំនិតផ្តួចផ្តើមរបស់សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ ដោយចំណាយពេលសាងសង់ចំនួន២៤ខែ គិតចាប់ពីពាក់កណ្តាលខែសីហា ឆ្នាំ២០១៩ រហូតដល់ចុងខែកញ្ញា ឆ្នាំ២០២១ ប្រើប្រាស់ថវិកាប្រមាណ ១ ៩៦០ ០០០ ដុល្លារអាមេរិក ដោយមានបណ្តាយ ១១៥ ម៉ែត្រ និងទទឹង ៦៥ម៉ែត្រ ស្ថិតនៅក្នុងសាកលវិទ្យាល័យជាតិបាត់ដំបង ខេត្តបាត់ដំបង និងទទួលបាននូវការអបអរសាទរពីសមាជិកប្រតិបត្តិរបស់សហព័ន្ធខ្មែរកីឡាហែលទឹក មន្ត្រីរាជការ សិស្ស-និស្សិតនៃសាកលវិទ្យាល័យជាតិបាត់ដំបង ក៏ដូចជាប្រជាពលរដ្ឋក្នុងខេត្តបាត់ដំបងផងដែរ។ គួរជម្រាបផងដែរថា មណ្ឌលនេះមានកន្លែងអង្គុយទស្សនាចំណុះសរុប ៥២៥នាក់ បូក៥០កន្លែងរបស់គណៈអធិបតី និងមានបំពាក់គ្រឿងឧបករណ៍ទំនើបស្រតាមស្តង់ដា ដែលកំណត់ដោយសហព័ន្ធហែលទឹកអន្តរជាតិ (FINA) មានសារ:សំខាន់ដល់ការពង្រឹងវិស័យកីឡាហែលទឹកនៅកម្ពុជា ជាពិសេសផ្តល់ឱកាសឱ្យសិស្ស-និស្សិត ក្នុងខេត្តបាត់ដំបងទាំងមូលចាប់ផ្តើមហ្វឹកហាត់ រៀនហែលទឹកដោយមានសហព័ន្ធខ្មែរកីឡាហែលទឹកជួយហ្វឹកហាត់តាមលក្ខណៈបច្ចេកទេសត្រឹមត្រូវ ដើម្បីត្រៀមខ្លួនឆ្ពោះទៅកាន់ការប្រកួតកីឡាអាស៊ីអាគ្នេយ៍(ស៊ីហ្គេម)លើកទី៣២ខាងមុខនេះ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
កសិករវ័យ ៦៤ ឆ្នាំនៅបាត់ដំបង បង្កើនស្រះត្រីដល់ ២៦ រំពឹងរកចំណូលបាន ៥០ លានរៀល/១ឆ្នាំ
វិញ្ញាបនបត្រសម្គាល់ម្ចាស់អចលនវត្ថុចំនួន ៣ ៣៦១បណ្ណ បានប្រគល់ជូនប្រជាពលរដ្ឋមកពីភូមិចំនួន២ក្នុងឃុំខ្នាចរមាស ស្រុកបវេល
Account
Security
Favourite Content