សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ក្រុមហ៊ុនម៉ាឡេស៊ីមួយបានមកកម្ពុជាដើម្បីស្វែងយល់អំពីទិដ្ឋភាពច្បាប់ និងបទប្បញ្ញត្តិក្នុងការវិនិយោគ ព្រមទាំងសក្តានុពលសេដ្ឋកិច្ចរបស់កម្ពុជា សំដៅដាក់ការវិនិយោគលើវិស័យដំណោះស្រាយប្រព័ន្ធព័ត៌មាន។
ក្នុងជំនួបជាមួយឯកឧត្តម សួន សុផល អគ្គលេខាធិការរងគណៈកម្មាធិការវិនិយោគកម្ពុជានាព្រឹកថ្ងៃទី៤ ខែកក្កដា ឆ្នាំ២០២៤ លោក Datuk Mohamed Shihab នាយកប្រតិបត្តិ ក្រុមហ៊ុន GL Global Secure Co., Ltd. បានលើកឡើងពីគោលបំណងមកស្វែងយល់អំពីសក្តានុពលសេដ្ឋកិច្ច ពាណិជ្ជកម្ម និងច្បាប់ទាក់ទងនឹងការវិនិយោគនៅកម្ពុជា។
លោកនាយកប្រតិបត្តិបានឱ្យដឹងថា ៖ ក្រុមហ៊ុនរបស់លោកចាប់អារម្មណ៍វិនិយោគលើវិស័យដំណោះស្រាយប្រព័ន្ធព័ត៌មាន Centralised Information System (CIS) នៅព្រះរាជាណាចក្រកម្ពុជា។
ក្នុងជំនួបពិភាក្សានោះ ក្រុមហ៊ុនបានធ្វើបទបង្ហាញអំពីមុខងារចម្បង Phone Cellular Blocking Service (PBCS) ក្នុងការការពារ ក៏ដូចជាពង្រឹងនូវប្រព័ន្ធសុវត្ថិភាពតាមរយៈការប្រើប្រាស់ទូរស័ព្ទ។ បន្ថែមពីនេះ ក្រុមហ៊ុនបានធ្វើបទបង្ហាញអំពីមុខងារសំខាន់ៗរបស់ CIS និងបទពិសោធន៍អនុវត្តប្រព័ន្ធនេះពីមុនជាមួយរដ្ឋាភិបាលនៃប្រទេម៉ាឡេស៊ី នេប៉ាល់ និងហ្វីលីពីន និងជួយដល់រដ្ឋាភិបាលកម្ពុជាដើម្បីរៀបចំប្រព័ន្ធ CIS នៅកម្ពុជាផងដែរ។
ជាការឆ្លើយតប ឯកឧត្តម សួន សុផល បានថ្លែងអំណរគុណជូនគណៈប្រតិភូដែលបានអញ្ជើញមកកម្ពុជាក្នុងការសម្លឹងឃើញពីសក្ដានុពលវិនិយោគក្នុងវិស័យនេះ និងបានលើកទឹកចិត្តឱ្យក្រុមហ៊ុនធ្វើការជាមួយក្រសួង-ស្ថាប័នជំនាញពាក់ព័ន្ធ ដើម្បីច្បាមយកកាលានុវត្តភាពក្នុងការវិនិយោគក្នុងវិស័យខាងលើប្រកបដោយផ្លែផ្កា៕
Account
Security
Favourite Content