ភ្នំពេញ ៖ BYD ដែលជាក្រុមហ៊ុនឈានមុខគេលើពិភពលោកខាង​​ផលិតរថយន្តអគ្គិសនី បានបង្ហាញនូវសមាជិកថ្មីរបស់ខ្លួននៅក្នុងយុគសម័យថ្មីទំនើបចំនួន២ម៉ូឌែល BYD ATTO 2 និង​ BYD Sealion 5 នៅលើទីផ្សារកម្ពុជា ក្រោមកិច្ចសហការនាំចូល និងចែកចាយផ្តាច់មុខដោយ Harmony Auto ជាមួយនឹងតម្លៃទាបស្ទើរស្មានមិនដល់ ពោលគឺ BYD ATTO 2 មានតម្លៃ ២២៣០០ ដុល្លារ និង BYD Sealion 5 មានតម្លៃ ២៥៨០០ ដុល្លារប៉ុណ្ណោះ។

ចាប់តាំងពី Pre-order មក, BYD ATTO 2 និង BYD Sealion 5 បានក្លាយជាជម្រើសដ៏ពេញនិយមយ៉ាងឆាប់រហ័សសម្រាប់រថយន្តអគ្គិសនីនៅក្នុងទីផ្សារកម្ពុជា ជាមួយនឹងដំណើរការដ៏ល្អឥតខ្ចោះ និងតម្លៃប្រកួតប្រជែងដ៏ល្អដោយចំណាយពេលរង់ចាំត្រឹមតែ៥ថ្ងៃបន្ទាប់ពី Pre-order ហើយត្រឹមប៉ុន្មានថ្ងៃ ចំនួនរថយន្តដែលត្រូវបានកក់មានការកើនឡើងលើសពី ២០០ គ្រឿង ដែលជាការបង្ហាញពីការសាទរនៅក្នុងទីផ្សារកម្ពុជា។

ខាងក្រោមនេះគឺជាលក្ខណៈពិសេស និងភាពទំនើបរបស់រថយន្តទាំង២ម៉ូឌែល ៖

BYD Sealion 5៖ ប្រើសាំងក៏បាន អគ្គិសនីក៏បាន, មានគុណសម្បត្តិបើកបរបានឆ្ងាយដូចរថយន្តសាំង និងការសន្សំសំចៃដូចរថយន្តអគ្គិសនីទូទៅ។ ក្នុងនាមជាម៉ូឌែល Hybrid ទំនើប DM-i BYD Sealion 5 មានការរចនាថ្មីបំផុតបែប Dragon Face របស់ BYD ហើយខ្សែបន្ទាត់ខាងក្រៅរលោងរបស់វាបង្ហាញពីរូបរាងដ៏រឹងមាំ និងខ្លាំង។ បើនិយាយពីផ្នែកខាងក្នុងវិញ វាត្រូវបានបំពាក់ដោយអេក្រង់ ១០.១អ៊ីញអាចបង្វិលបាន និងប្រព័ន្ធតភ្ជាប់បណ្តាញឆ្លាតវៃ DiLink ដែលគាំទ្រការបញ្ជាដោយសំឡេង ការអាប់ដេតពីចម្ងាយ និងមុខងារឆ្លាតវៃផ្សេងទៀត ធ្វើឱ្យការបើកបរកាន់តែងាយស្រួល និងឆ្លាតវៃ។ បើនិយាយពីថាមពលវិញ BYD Sealion 5 មានម៉ូដថាមពលដែលអាចបត់បែនបាន អាចប្រើសាំងក៏បាន  អគ្គិសនីក៏បាន ជាមួយនឹងចម្ងាយបើកបរសរុបរហូតដល់ ១,០៩០ គីឡូម៉ែត្រ វាមានគុណសម្បត្តិ បើកបរបានឆ្ងាយដូចរថយន្តសាំង និងការសន្សំសំចៃដូចរថយន្តអគ្គិសនី ដែលអាចដោះស្រាយបាននូវការបើកបរផ្លូវឆ្ងាយ ។

BYD ATTO 2៖ ជម្រើសល្អបំផុតសម្រាប់ការធ្វើដំណើរដោយសន្សំសំចៃនៅក្នុងទីក្រុង។ BYD ATTO 2 ជាម៉ូដែលអគ្គិសនីសុទ្ធរបស់ BYD ត្រូវបានបង្កើតឡើងនៅលើ e-platform 3.0 និងមានដង់ស៊ីតេថាមពលខ្ពស់ និងបើកបរបានឆ្ងាយ។ គម្លាតភ្លៅមានប្រវែងរហូតដល់ ២ ៦២០ មីលីម៉ែត្រ ហើយរូបរាងតូច និងងាយបត់បែន ត្រូវបានរចនាឡើងជាពិសេសសម្រាប់ការធ្វើដំណើរក្នុងទីក្រុង។ BYD ATTO 2 គាំទ្រមុខងារសាកថ្មលឿនដែលចំណាយពេលត្រឹមតែ ២៨នាទីដើម្បីសាកពី ៣០% ទៅ ៨០% ធ្វើឱ្យការប្រើប្រាស់ប្រចាំថ្ងៃងាយស្រួល និងកាន់តែប្រសើរឡើង ។ រថយន្ត​នេះ​ត្រូវ​បាន​បំពាក់​ដោយអេក្រង់​ឆ្លាតវៃអាច​បង្វិលបាន​ទំហំ ១២.៨ អ៊ីង ដែល​អាច​គាំទ្រ​មុខងារ​ឆ្លាតវៃ​ជាច្រើន​ដោយ​រួម​បញ្ចូល​គ្នា​ជាមួយ​នឹង​បច្ចេកវិជ្ជា​កាប៊ីន​ឆ្លាតវៃ​របស់ BYD ការ​បើកបរ​កាន់​តែ​ងាយស្រួល និង​រីករាយ។

ចាក់ឫសកាន់តែជ្រៅចូលទីផ្សារកម្ពុជា និងផ្តល់សេវាកម្មក្នុងស្រុកកាន់តែប្រសើរឡើង

កម្ពុជាគឺជាទីផ្សារដ៏សំខាន់មួយរបស់ BYD នៅអាស៊ីអាគ្នេយ៍។ ដើម្បីបម្រើទីផ្សារក្នុងស្រុកឱ្យកាន់តែប្រសើរឡើង ក្រុមហ៊ុន BYD និង Harmony Auto មិនត្រឹមតែបានរៀបចំគម្រោង Flagship Store ទំហំ ១៣,០០០ ម៉ែត្រការ៉េនៅលើមហា វិថី ហ៊ុន សែន ក្នុងរាជធានីភ្នំពេញប៉ុណ្ណោះទេ ប៉ុន្តែក៏មានគម្រោងពង្រីកបណ្តាញអ្នកចែកចាយបន្ថែមទៀត និងបង្កើតមជ្ឈមណ្ឌលលក់ និងសេវាកម្មនៅក្នុងទីក្រុងជាច្រើននៅទូទាំងប្រទេសផងដែរ។ Flagship Store នេះនឹងរួមបញ្ចូលនូវបន្ទប់តាំងបង្ហាញឆ្លាតវៃ កន្លែងទទួលភ្ញៀវដ៏ទំនើប និងមជ្ឈមណ្ឌលត្រួតពិនិត្យយានយន្តឆ្លាតវៃ ហើយនឹងត្រូវបានបំពាក់ដោយស្ថានីយសេវាកម្មក្រោយការលក់កម្រិតខ្ពស់ជាច្រើន, នៅពេលអនាគត វានឹងអាចផ្តល់សេវាកម្មជួសជុល និងថែទាំរថយន្តបានច្រើនជាង ១០០ គ្រឿងក្នុងមួយថ្ងៃ។

អតិថិជនជាចំបង ការពង្រឹងអនាគតបៃតង

ក្នុងនាមជាភ្នាក់ងារចែកចាយផ្តាច់មុខផ្លូវការរបស់ BYD នៅកម្ពុជា, Harmony Auto នឹងបន្តប្រកាន់ខ្ជាប់នូវគោលគំនិតនៃ “អតិថិជនជាចំបង” កែលម្អស្តង់ដារសេវាកម្មឥតឈប់ឈរ និងផ្តល់នូវការគាំទ្រក្រោយពេលលក់កាន់តែដឹតដល់ប្រសិទ្ធភាព និងវិជ្ជាជីវៈដល់ម្ចាស់រថយន្ត BYD ទាំងអស់។ នៅពេលអនាគត ក្រុមហ៊ុន Harmony Auto និង BYD នឹងធ្វើការរួមគ្នាដើម្បីបន្តជំរុញការអភិវឌ្ឍន៍ទីផ្សាររថយន្តអគ្គិសនីនៅកម្ពុជា និងឆ្ពោះទៅកាន់យុគសម័យថ្មីនៃការធ្វើដំណើរបៃតង និងឆ្លាតវៃ។

គួរបញ្ជាក់ដែរថា BYD គឺជាក្រុមហ៊ុនផលិតរថយន្តអគ្គិសនីឈានមុខគេលើពិភពលោក ដែលបានប្តេជ្ញាចិត្តក្នុងការលើកកម្ពស់ការធ្វើដំណើរបៃតងតាមរយៈការច្នៃប្រឌិតបច្ចេកវិទ្យា។ ជាមួយនឹងបច្ចេកវិទ្យាថ្មទំនើប ប្រព័ន្ធបើកបរឆ្លាតវៃ និងការរចនាផលិតផលដ៏ល្អឥតខ្ចោះ, BYD ត្រូវបានទទួលស្គាល់ និងការជឿជាក់យ៉ាងទូលំទូលាយជុំវិញពិភពលោក។ នៅពេលអនាគត BYD នឹងបន្តត្រូវបានដឹកនាំដោយតម្រូវការរបស់អ្នកប្រើប្រាស់ និងដាក់ចេញនូវម៉ូដែលរថយន្តអគ្គិសនីដែលមានគុណភាពខ្ពស់បន្ថែមទៀត ដើម្បីលើកកម្ពស់ការអភិវឌ្ឍន៍នៃការធ្វើដំណើរបៃតងជាសកល៕