សហគ្រិនវ័យក្មេង និងម្ចាស់អាជីវកម្ម ប្រមាណ៣០០នាក់ជួបពិភាក្សាគ្នាក្នុងកម្មវិធី «សេដ្ឋកិច្ចឌីជីថល និងយុទ្ធនាការធុរកិច្ចបរិយាបន្ន»

ភ្នំពេញ ៖ ដូចទៅនឹងការគ្រោងទុក កម្មវិធីនៃគម្រោងពន្លឿនការប្រើប្រាស់ឌីជីថល់ដល់សហគ្រាសធុនមីក្រូ តូច និងមធ្យម សម្រាប់សេដ្ឋកិច្ចឌីជីថល និងយុទ្ធនាការធុរកិច្ចបរិយាបន្ន ត្រូវបានប្រារព្វឡើងក្រោមការចូលរួមពីសំណាក់សហគ្រិនវ័យក្មេង និងម្ចាស់អាជីវកម្មសរុបជិត៣០០នាក់ ក្រោមអធិបតីភាពរបស់ឯកឧត្តម បណ្ឌិត ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ព្រមទាំងវាគ្មិនជំនាញផ្នែកធុរកិច្ចជាច្រើននាក់ទៀត។

ថ្លែងនៅក្នុងពិធី អ្នកស្រី នុត រត្ថា (ក្លារ៉ា) នាយិកាប្រតិបត្តិនៃក្រុមហ៊ុន អប្សរា មេឌា សឺវីស ឯ.ក (AMS) បានលើកឡើងថា សហគ្រាសធុនមីក្រូ តូច និងមធ្យម (MSME) ជាផ្នែកមួយយ៉ាងសំខាន់នៅក្នុងសេដ្ឋកិច្ចកម្ពុជាដែលរាជរដ្ឋាភិបាល និងដៃគូពាក់ព័ន្ធនានាកំពុងយកចិត្តទុកដាក់ ជាពិសេសធុរកិច្ចបរិយាបន្ន (Inclusive business) ខណៈដែលស្ថាប័នរដ្ឋ និងឯកជនជាច្រើនកំពុងផ្តល់ជំនួយទាំងបច្ចេកទេស និងហិរញ្ញវត្ថុ ដល់សហគ្រាសធុនមីក្រូ តូច និងមធ្យម (MSME) ដើម្បីជួយជំរុញឱ្យពួកគាត់អាចអភិវឌ្ឍបានប្រកបដោយនិរន្តរភាព។

អ្នកស្រី នុត រត្ថា បានមានប្រសាសន៍បន្តថា ៖ នៅកម្ពុជាមានសហគ្រាសធុនមីក្រូ តូច និងមធ្យម រហូតដល់ទៅ ៩៨% នៃចំនួនសហគ្រាសសរុប ដែលបានចូលរួមចំណែកដល់សេដ្ឋកិច្ចប្រមាណ ៥៨% និងបានផ្តល់ការងារប្រមាណ ៧៣% នៃការងារសរុប។ ក្នុងនោះដែរមានស្ត្រីជាអ្នកបង្កើត និងគ្រប់គ្រងប្រមាណជា ៦១% នៃចំនួនសរុបនៃសហគ្រាសធុនមីក្រូ តូច និងមធ្យម។

ស្របនឹងមូលបទខាងលើ និងស្ថានភាពសេដ្ឋកិច្ចនាពេលបច្ចុប្បន្ន​ ដោយទទួលបានការគាំទ្រយ៉ាងពេញទំហឹងពីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ទើបក្រុមហ៊ុន AMS បានសហការជាមួយសមាគមសហគ្រិនវ័យក្មេងកម្ពុជា(YEAC) រួមទាំងសហគ្រិនខ្មែរ(KE) រួមគ្នាបង្កើតនូវយុទ្ធនាការផ្សព្វផ្សាយអំពី «ធុរកិច្ចបរិយាបន្ន (INCLUSIVE BUSINESS) ក្នុងគោលបំណងផ្តល់ចំណេះដឹងដល់ម្ចាស់សហគ្រាសធុនមីក្រូ តូច និងមធ្យម ឱ្យបានយល់ច្បាស់អំពីលក្ខខណ្ឌវាយ តម្លៃសហគ្រាស ក៏ដូចជារបៀបរៀបចំឯកសារស្នើសុំកញ្ចប់ថវិកា ព្រមទាំងផ្តល់ឱកាសដល់ម្ចាស់ជំនួយ និងម្ចាស់សហគ្រាសបានជួបគ្នាដើម្បីភ្ជាប់ទំនាក់ទំនង និងផ្តល់ជំនួយក្នុងការរៀបចំអភិវឌ្ឍស្ថាប័នប្រកបដោយភាពជោគជ័យ។

លោក ស គីណាល់ អនុប្រធានប្រតិបត្តិសមាគមសហគ្រិនវ័យក្មេងកម្ពុជា បានមានប្រសាសន៍ថា ក្នុងនាមជាសមាគមសហគ្រិនវ័យក្មេងកម្ពុជា ពិតជាមានមោទនភាពដែលបានចូលរួមរៀបចំវេទិកាដ៏មានសារសំខាន់នេះឡើងក្រោមការគាំទ្រពីសំណាក់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក្រោមកិច្ចសហការពីក្រុមហ៊ុន AMS រួមជាមួយនឹងសហគ្រិនខ្មែរ(KE)។

លោកបានបន្តថា ៖ ស្របទៅនឹងគោលបំណងរបស់រាជរដ្ឋាភិបាលកម្ពុជា សមាគមសហគ្រិនវ័យក្មេងកម្ពុជា ចង់ឃើញបណ្តាម្ចាស់អាជីវកម្ម សហគ្រិន ក៏ដូចជាអាជីវករនៅកម្ពុជាទាំងអស់ប្រកបអាជីវកម្មរបស់ខ្លួនបែបឌីជីថល និងប្រកបដោយបរិយាបន្ន ដែលជាការចូលរួមចំណែកអភិវឌ្ឍ និងជំរុញកំណើនសេដ្ឋកិច្ច។ ជាបេសកកម្មរបស់សមាគម គឺធ្វើយ៉ាងណាជួយអភិវឌ្ឍ និងជំរុញឱ្យសមាជិករបស់សមាគមដែលមានប្រមាណជាង១៦០០ក្រុមហ៊ុន-អាជីវកម្មមានភាពរីកចម្រើនប្រកបដោយនិរន្តរភាពតាមរយៈសកម្មភាពផ្សព្វផ្សាយទាំងថ្នាក់ជាតិ និងក្រោមជាតិ ខណៈដែលបច្ចុប្បន្ននេះ សមាគមបានបង្កើតសាខាបានចំនួន៧ ហើយនឹងបន្តបង្កើតសាខានៅតាមបណ្តាខេត្តសក្តានុពលមួយចំនួនទៀត។

ឯកឧត្តម បណ្ឌិត ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានមានប្រសាសន៍ថា ៖ វិស័យសហគ្រាសធុនមីក្រូ តូច និងមធ្យម ពិតជាមានសារសំខាន់ណាស់សម្រាប់ជួយទ្រទ្រង់សេដ្ឋកិច្ចជាតិ ខណៈដែលនៅកម្ពុជាមានរហូតដល់ទៅប្រមាណជាង ៧៥ម៉ឺនសហគ្រាស និងផ្តល់ឱកាសការងារជាច្រើនដល់ពលរដ្ឋកម្ពុជា។

ឯកឧត្តមបានមានប្រសាសន៍បន្តថា ៖ បច្ចុប្បន្ននេះ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ គឺជាតួអង្គយ៉ាងសំខាន់ និងកំពុងជួយជំរុញ និងលើកកម្ពស់វិស័យសហគ្រាសធុនមីក្រូ តូច និងមធ្យម ដែលមានសារសំខាន់ចំពោះសេដ្ឋកិច្ចមួយនេះឱ្យមានភាពល្អប្រសើរ និងមាននិរន្តរភាព ស្របតាមគោលនយោបាយរបស់រាជរដ្ឋាភិបាលកម្ពុជា។

គួរបញ្ជាក់ផងដែរថា យុទ្ធនាការ «ធុរកិច្ចបរិយាបន្ត (INCLUSIVE BUSINESS) នឹងធ្វើឡើងសម្រាប់រយៈពេល១០០ថ្ងៃជាប់គ្នា គិតចាប់ពីថ្ងៃទី០១ ខែមីនា ឆ្នាំ២០២៤ ដល់ថ្ងៃទី០៧ ខែមិថុនា ឆ្នាំ២០២៤ តាមរយៈអត្ថបទព័ត៌មាន និងវីដេអូ ដែលនឹងធ្វើការផលិត និងផ្សព្វផ្សាយរួមគ្នាទៅលើគេហទំព័រ និងបណ្តាញសង្គម របស់ក្រុមហ៊ុន AMS, សមាគមសហគ្រិនវ័យក្មេងកម្ពុជា និងសហគ្រិនខ្មែរផងដែរ ។ យុទ្ធនាការនេះក៏ទទួលបានកិច្ចសហការឧបត្ថម្ភពីធនាគារសហគ្រាសធុនតូច និងមធ្យម កម្ពុជា (SME BANK) និងធនាគារ អ៊ូរី WOORI BANK ។


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ