រដ្ឋមន្ត្រីក្រសួងប្រៃសណីយ៍ គាំទ្រទាំងស្រុងលើគម្រោងពន្លឿនការប្រើប្រាស់ឌីជីថលដល់វិស័យ MSME សម្រាប់សេដ្ឋកិច្ចឌីជីថល

ភ្នំពេញ ៖ រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានបង្ហាញពីសុទិដ្ឋិនិយម និងកិច្ចគាំទ្រយ៉ាងពេញទំហឹងទៅលើការប្រកាសដាក់ឱ្យប្រើប្រាស់ជាផ្លូវការនូវគម្រោងពន្លឿនការប្រើប្រាស់ឌីជីថល់ដល់សហគ្រាសធុនមីក្រូ តូច និងមធ្យម សម្រាប់សេដ្ឋកិច្ចឌីជីថល និងយុទ្ធនាការធុរកិច្ចបរិយាបន្ន ដែលជាផ្នែកមួយយ៉ាងសំខាន់ក្នុងការជួយជំរុញកំណើនសេដ្ឋកិច្ចកម្ពុជា ខណៈដែលរាជរដ្ឋាភិបាលក៏កំពុងតែពង្រឹង និងជំរុញអនុវត្តនូវគោលនយោបាយសេដ្ឋកិច្ចឌីជីថលផងដែរ។

ឯកឧត្តម បណ្ឌិត ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ នាល្ងាចថ្ងៃទី២៩ ខែកុម្ភៈ ឆ្នាំ២០២៣​ បានអញ្ជើញជាអធិបតីក្នុងពិធីប្រកាសដាក់ឱ្យប្រើប្រាស់ជាផ្លូវការនូវគម្រោងពន្លឿនការប្រើប្រាស់ឌីជីថល់ដល់សហគ្រាសធុនមីក្រូ តូច និងមធ្យម សម្រាប់សេដ្ឋកិច្ចឌីជីថល និងយុទ្ធនាការធុរកិច្ចបរិយាបន្ន នៅសណ្ឋាគារ Oakwood Premier Phnom Penh ក្រោមកិច្ចសហការរៀបចំឡើងដោយក្រុមហ៊ុន អប្សរា មេឌា សឺវីស ឯ.ក (AMS), សមាគមសហគ្រិនវ័យក្មេងកម្ពុជា (YEAC) និងសហគ្រិនខ្មែរ (KE)។

មានប្រសាសន៍នៅក្នុងពិធី ឯកឧត្តម បណ្ឌិត ជា វ៉ាន់ដេត បានលើកឡើងថា ៖

«ការធ្វើអាជីវកម្មកាលពីសម័យមុនគឺមានការគ្រប់គ្រងដោយច្បាប់ និងឯកសារលិខិតបទដ្ឋានគតិយុត្តមួយចំនួនជាលក្ខណៈបែបប្រពៃណី និងបុរាណ ប៉ុន្តែការធ្វើអាជីវកម្មនៅក្នុងសម័យនេះដែលជាសម័យកាលឌីជីថល យើងក៏មានគោលនយោបាយ មានការគ្រប់គ្រងដោយច្បាប់ និងឯកសារលិខិតបទដ្ឋានគតិយុត្តិពាក់ព័ន្ធនឹងឌីជីថលបន្ថែមទៀត»។

ឯកឧត្តមបន្តថា ៖

«នៅក្នុងដំណាក់កាលមុន ហេដ្ឋារចនាសម្ព័ន្ធ រួមមានផ្លូវអាកាស ផ្លូវគោក និងផ្លូវសមុទ្រ ដែលជាមធ្យោបាយដឹកជញ្ជូន ដោយឡែក សព្វថ្ងៃនេះក៏គេនៅតែនិយាយពីហេដ្ឋារចនាសម្ព័ន្ធដូចគ្នា ប៉ុន្តែបែបផ្សេងមួយទៀតគឺមានហេដ្ឋារចនាសម្ព័ន្ធនៃការតភ្ជាប់រួមមាន Data center ខណៈដែល ៣០ ឬ ៥០ ឆ្នាំមុនមិនទាន់នោះទេ គេមានបង្គោលអង់តែន មានអ៊ុបទិច និងមានប្រព័ន្ធផ្សេងៗជាច្រើនទៀត ដែលទាំងអស់នេះ សុទ្ធតែជាហេដ្ឋារចនាសម្ព័ន្ធសម័យថ្មី»។

នៅក្នុងឱកាសនេះផងដែរ ឯកឧត្តម បណ្ឌិត បានសង្កត់ធ្ងន់ថា ស្ថិតនៅក្នុងបរិបទថ្មីនៃសម័យឌីជីថល សម្រាប់ការប្រកបអាជីវកម្ម ក៏ដូចជាមុខជំនួញផ្សេងៗ បើនៅតែប្រើប្រាស់មធ្យោបាយបែបប្រពែណីដូចមុនទៀត នោះការប្រកួតប្រជែងនឹងជួបផលលំបាក ដូច្នេះ គ្រប់ទម្រងអាជីវកម្ម ក៏ដូចជាសហគ្រិនដែលជាម្ចាស់សហគ្រាសទាំងអស់ចាំបាច់ត្រូវតែដើរឱ្យទាន់សម័យកាល គឺការធ្វើអាជីវកម្មតាមបែបឌីជីថល ដែលជាប្រធានបទសម្រាប់ថ្ងៃនេះ។

ជាមួយគ្នានេះផងដែរ ដើម្បីជាការចូលរួមចំណែកក្នុងការជួយជំរុញនូវគម្រោងពន្លឿនការប្រើប្រាស់ឌីជីថល់ដល់សហគ្រាសធុនមីក្រូ តូច និងមធ្យម សម្រាប់សេដ្ឋកិច្ចឌីជីថល និងយុទ្ធនាការធុរកិច្ចបរិយាបន្ន ដែលទើបបានប្រកាសដាក់ឱ្យប្រើប្រាស់ជាផ្លូវការនាល្ងាចថ្ងៃទី២៩ ខែកុម្ភៈ ឆ្នាំ២០២៤នេះ ឯកឧត្តម បណ្ឌិត ជា វ៉ាន់ដេត ក៏បានចូលរួមឧបត្ថម្ភជាថវិកាចំនួន ១០០លានរៀល ដល់សមាគមសហគ្រិនវ័យកម្ពុជា ដើម្បីបន្តដំណើរ និងបង្កើតកម្មវិធីបណ្តុះបណ្តាល ក៏ដូចជាសិក្ខាសាលផ្សេងទៀតដែលជាប្រយោជន៍បណ្តាម្ចាស់អាជីវកម្ម និងសហគ្រិនវ័យក្មេងកម្ពុជា៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រសួងពាណិជ្ជកម្មក្រើនរំលឹកដល់សាធារណជនឱ្យមានការប្រុងប្រយ័ត្នចំពោះផ្លែទុរេនជ្រលក់សារធាតុគីមី

ព្រឹត្តិការណ៍, សេដ្ឋកិច្ច

• 25/06/2024

ក្រសួងពាណិជ្ជកម្មកាលពីពេលថ្មីៗនេះ បានចេញសេចក្ដីជូនដំណឹងអំពីករណីនាំចូលផ្លែទុរេនពីប្រទេសជិតខាង មកដាក់លក់លើទីផ្សារកម្ពុជា ដោយមានប្រើសារធាតុគីមី

៥​ខែ​ដើមឆ្នាំ២០២៤ ការនាំចេញ​របស់​កម្ពុជា​ទៅកាន់ប្រទេសសមាជិក​ RC​E​P​ ​មានការកើន​ឡើង​ ​

ព្រឹត្តិការណ៍, សេដ្ឋកិច្ច

• 25/06/2024

របាយការណ៍ក្រសួងពាណិជ្ជកម្មបង្ហាញថា រយៈពេល៥ខែ ដើមឆ្នាំ២០២៤ ពាណិជ្ជកម្មកម្ពុជាជាមួយប្រទេសដៃគូសេដ្ឋកិច្ច RCEP បានកើនឡើងដល់ ១៤,១៧ ពាន់លានដុល្លារ

ស្ថាប័ន OECD ព្យាករពីស្ថានភាពសេដ្ឋកិច្ចសកល ២៥ឆ្នាំក្រោយ ខណៈចិននឹងក្លាយជាមហាអំណាចថ្មីជំនួសអាមេរិកយ៉ាងប្រាកដ

ព្រឹត្តិការណ៍, សេដ្ឋកិច្ច

• 25/06/2024

រយៈពេល២៥ឆ្នាំខាងមុខនេះមានបម្រែបម្រួលជាច្រើនដោយក្នុងនោះអង្គការអន្តរជាតិ OECD បានមើលឃើញថា ពិភពលោកនឹងអាចមានចំនួនមនុស្សកើនឡើងទៅដល់៩ពាន់លាននាក់

PillTech និង Sanofi GHU រួមគ្នា ដើម្បីជួយវិស័យសុខាភិបាលនៅកម្ពុជាកាន់តែប្រសើរ

ព្រឹត្តិការណ៍, អត្ថបទពាណិជ្ជកម្ម

• 24/06/2024

ក្រុមហ៊ុន PillTech ជាធុរកិច្ចខ្មែរឈានមុខផ្នែកបច្ចេកវិទ្យាវិស័យសុខាភិបាល និង Sanofi Global Health Unit (GHU) ដែលជាអង្គភាពមិនរកប្រាក់ចំណេញរបស់ក្រុមហ៊ុន Sanofi បានចាប់ដៃគូក្នុងគោលបំណងអោយការផ្តល់សេវាសុខាភិបាល

ប្រជាកសិករយល់ដឹងកាន់តែច្រើនពីផលប៉ះពាល់របស់ជីគីមី ហើយងាកមកប្រើជីធម្មជាតិជំនួស

ជំនួញ, ព្រឹត្តិការណ៍

• 24/06/2024

អាជីវកម្មជីធម្មជាតិ កំពុងទទួលបានការគាំទ្រស្ទើរទូទាំងប្រទេស ខណៈដែលប្រជាកសិករមានការយល់ដឹងកាន់តែច្រើនពីផលប៉ះពាល់របស់ជីគីមី ហើយងាកមកប្រើជីធម្មជាតិជំនួសវិញ។

ឧស្សាហកម្មកាត់ដេរ និងវាយនភណ្ឌ ជាសសរស្តម្ភនៃសេដ្ឋកិច្ច ខណៈរោងចក្រម៉ៅការដេរដើរតួនាទីសំខាន់ក្នុងឧស្សាហកម្មកាត់ដេរនៅកម្ពុជា

ព្រឹត្តិការណ៍, សេដ្ឋកិច្ច

• 24/06/2024

ឧស្សាហកម្មកាត់ដេរ និង វាយនភណ្ឌជាសសរស្តម្ភនៃសេដ្ឋកិច្ច ខណៈរោងចក្រម៉ៅការដេរដើរតួនាទីយ៉ាងសំខាន់ក្នុងឧស្សាហកម្មកាត់ដេរនៅកម្ពុជា ។

សារៈសំខាន់នៃកិច្ចសន្យាឥណទានដែលអ្នកប្រើប្រាស់កម្ចីផ្លូវការគួរស្វែងយល់

ព្រឹត្តិការណ៍, ហិរញ្ញវត្ថុ

• 24/06/2024

កិច្ចសន្យាឥណទាន គឺសំដៅទៅលើកិច្ចសន្យាខ្ចីប្រាក់រវាងអតិថិជន និងស្ថាប័នផ្ដល់កម្ចីផ្លូវការដែល រូមមាន ធនាគារ និងមីក្រូហិរញ្ញវត្ថុ...

សក្ដានុពល​ក្នុងវិស័យកសិកម្មនៃតំបន់​ប៉ូលសេដ្ឋកិច្ចទី៤ នឹងកាន់តែទាក់ទាញ​ការ​វិនិយោគក្រោយ​គម្រោង​​ធារាសាស្ត្រ​ធំៗ​លេចជារូបរាង​

ព្រឹត្តិការណ៍, អចលនទ្រព្យ

• 24/06/2024

សក្ដានុពល​ក្នុងវិស័យកសិកម្មនៃតំបន់​ប៉ូលសេដ្ឋកិច្ចទី៤ នឹងកាន់តែទាក់ទាញ​ការ​វិនិយោគក្រោយ​គម្រោង​​ធារាសាស្ត្រ​ធំៗ​លេចជារូបរាង​

ចិនព្រមានថា ការដាក់ពន្ធរបស់សហភាពអឺរ៉ុបអាចបង្កឱ្យមានសង្គ្រាមពាណិជ្ជកម្មរវាងភាគីទាំងពីរ

ព្រឹត្តិការណ៍, សេដ្ឋកិច្ច

• 24/06/2024

អ្នកនាំពាក្យក្រសួងពាណិជ្ជកម្មចិនលើកឡើងថា ភាគីអឺរ៉ុបបន្តបង្កើនការប៉ះទង្គិចពាណិជ្ជកម្ម ហើយអាចបង្កឱ្យមានសង្គ្រាមពាណិជ្ជកម្ម ហើយទំនួល​ខុស​ត្រូវ​គឺ​ស្ថិត​នៅ​លើ​ភាគី​អឺរ៉ុប​ទាំង​ស្រុង

ធនាគារពិភពលោកអនុម័តការវិនិយោគក្រោមជំនួយឥណទានចំនួន ១៤៥ លានដុល្លារសម្រាប់គម្រោងកែលម្អ​ហេដ្ឋារចនាសម្ព័ន្ធផ្គត់ផ្គង់ទឹកនៅកម្ពុជា

ព្រឹត្តិការណ៍, សេដ្ឋកិច្ច

• 24/06/2024

ធនាគារពិភពលោកអនុម័តការវិនិយោគក្រោមជំនួយឥណទានចំនួន ១៤៥ លានដុល្លារសម្រាប់គម្រោងកែលម្អ​ហេដ្ឋារចនាសម្ព័ន្ធផ្គត់ផ្គង់ទឹកនៅកម្ពុជា