សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមរបាយការណ៍នៅក្នុងខែមិថុនាកន្លងទៅនេះបានបង្ហាញថា ទំហំនៃប្រភេទមេដែកកម្រ (Rare Earth Magnet) របស់ប្រទេសចិន ដែលបានាំចេញទៅកាន់សហរដ្ឋអាម៉េរិកបានកើនឡើងយ៉ាងខ្លាំងក្នុងចំនួនដល់ទៅ ៧ដងធៀបទៅនឹងទំហំដែលធ្វើបានកាលពីខែឧសភាព ឆ្នាំ២០២៥ ។
សារព័ត៌មានរ៉យទ័របានសរសេរថា វាគឺជាការស្ទុះងើបឡើងវិញក្រោយជម្លោះពាណិជ្ជកម្មដ៏តានតឹងរវាងមហាយក្សទាំងពីរ ជាពិសេសនៅក្រោយពេលដែលកិច្ចព្រមព្រៀងពាណិជ្ជកម្មទៅលើប្រភេទមេដែកកម្ររវាងចិន និងអាម៉េរិកត្រូវបានចុះហត្ថលេខាងកាលពីពាក់កណ្តាលខែមិថុនា។ មេដែកកម្រ ឬ Rare Earth Magnet ជាផលិតផលដែលផលិតពីការបន្សំរវាងរ៉ែកម្រ ( Rare Earth Mineral) ហើយវាគឺជាវត្ថុធាតុផ្សំដ៏សំខាន់ក្នុងឧស្សាហកម្មផលិតរថយន្តអគ្គិសនី និងតួប៊ីនខ្យល់គ្រប់ប្រភេទ។
អជ្ញាធរទទួលបន្ទុកកិច្ចការងារគយអាម៉េរិក ( General Administration of Customs ) កាលពីចុងសប្តាហ៍កន្លងទៅបានបញ្ជាក់ថា ចំនួននៃការនាំចូលមេដែកកម្ររបស់ចិនដែលជាប្រទេសនាំចេញធំបំផុតរបស់ពិភពលោកចូលទៅកាន់ទីផ្សាអាម៉េរិកមានប្រមាណជា៣៥៣តោនគិតត្រឹមខែមិថុនា ពោលគឺស្ថិតនៅក្នុងអត្រាកំណើនប្រមាណជា៦៦០ភាគរយធៀបទៅនឹងខែឧសភា។
គួរឲ្យដឹងដែរថា កិច្ចព្រមព្រៀងមួយរវាងអាម៉េរិក និងចិន ត្រូវបានចុះហត្ថលេខាដោយប្រធានាធិបតីទាំងពីរក្នុងការបន្តធ្វើការនាំចេញទាំងរ៉ែកម្រ និងមេដែកកម្ររបស់ចិនទៅកាន់អាម៉េរិកឡើងវិញ។ ក្នុងនោះដែរ ជាផ្នែកមួយនៃការយល់ព្រមរវាងគ្នាក្រុមហ៊ុន Nvidia ដែលជាអ្នកជំនាញផលិតបន្ទះឈីបធំបំផុតរបស់ពិភពលោកក៏ត្រូវចាំបាច់ធ្វើការនាំចេញបន្ទះឈីបម៉ូដេល H20 របស់ខ្លួនទៅកាន់ប្រទេសចិនវិញផងដែរ។
ចិនត្រូវបានគេទទួលស្គាល់ថា ជាអ្នកក្តោបក្តាប់ចំណែកនៃការនាំចេញមេដែកកម្ររបស់ពិភពលោកដល់ទៅ៩០ភាគរយ។ កាលពីខែមេសា ឆ្នាំ២០២៥ មហាយក្សចិនដើម្បីសងសឹកទៅនឹងពន្ធគយថ្មីរបស់អាម៉េរិកបានប្រកាសរឹតបន្តឹងការនាំចេញប្រភេទមេដែកកម្រសំខាន់ៗមួយចំនួនទៅក្នុងបញ្ជីរបស់ខ្លួនដែលជាលទ្ធផលបានធ្វើឲ្យតួលេខនាំចេញទៅកាន់អាមេរិកនៅចន្លោះពីខែមេសានិងឧសភាបានដាំក្បាលចុះយ៉ាងខ្លាំង។
Account
Security
Favourite Content