សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ផែនទីខ្នាត ១/២ – ៥០០ ០០០ ថ្មីរបស់ភពព្រះច័ន្ទត្រូវបានដាក់បង្ហាញជាផ្លូវការដោយប្រទេសចិន និងត្រូវបានគេចាត់ទុកថាជាផែនទីដែលបានបង្ហាញព័ត៌មានលំអិតបំផុត និងព័ត៌មានច្រើនជាងគេបំផុតមិនធ្លាប់មានពីមុនមកឡើយ។
ផែនទីភូមិសាស្ត្រនៃភពព្រះច័ន្ទនេះនឹងក្លាយទៅជាទំព័រប្រវត្តិសាស្ត្រថ្មីរបស់ចិន ហើយក៏ជាដំណឹងដ៏គួរឲ្យរីករាយបំផុតសម្រាប់ភពផែនដីយើងផងដែរ។ ផែនទីនេះត្រូវបានបង្កើតឡើងដោយក្រុមការងារស្រាវជ្រាវនៃអ្នកវិទ្យាសាស្ត្រចិនមានប្រភពមកពីសកលវិទ្យាល័យកំពូលប្រចាំប្រទេសចិន និងវិទ្យាស្ថានជាតិជាច្រើនទៀត។
រូបភាពដែលមាននៅលើផែនទីអាចឲ្យគេមើលឃើញពីសណ្ឋានដីក្នុងកម្រិតគុណភាពខ្ពស់មួយដែលទិន្នន័យទាំងនេះត្រូវបានប្រមូលចេញពីបេសកកម្មស្រាវជ្រាវឋានព្រះច័ន្ទរបស់ចិន ជាពិសេសយានអវកាសចិន Chang’e កន្លងមក ក៏ដូចជាទិន្នន័យដែលមាននៅក្នុងការងារស្រាវជ្រាវរបស់ទីភ្នាក់ងារស្រាវជ្រាវអន្តរជាតិជាច្រើនផ្សេងទៀតផង។
តាមរយៈផែនទីថ្មីនេះបានបង្ហាញថា រណ្តៅដែលបណ្តាលមកពីអាចម៍ផ្កាយតូច ឬ impact craters មានចំនួនសរុបដល់ទៅ ១២ ៣៤១ទីតាំង ហើយចំណែកឯរណ្តៅដែលបណ្តាមកពីអាចម៍ផ្កាយធំៗមានសរុប ៨១ទីតាំង ព្រមទាំងទីតាំងផ្ទាំងថ្មតូច និងធំផ្សេងទៀតសរុបតូប្រមាណ ៣១ទីតាំង។
ទិន្នន័យនេះត្រូវបានអ្នកស្រាវជ្រាវវិទ្យាសាស្ត្រជឿជាក់ថានឹងអាចផ្តល់ជាព័ត៌មានយ៉ាងច្រើនអំពីភូគព្ភសាស្ត្រនៃព្រះច័ន្ទ និងការវិវត្តនៃភពនេះ ហើយលើសពីនេះវានឹងអាចរួមចំណែកយ៉ាងធំធេងចំពោះការស្រាវជ្រាវវិទ្យាសាស្ត្រ ការរុករក និងការជ្រើសរើសទីតាំងចុះចតនៅលើព្រះច័ន្ទនាពេលអនាគត។
ផែនទីខ្នាតថ្មីលំអិតមួយនេះគឺជាសមិទ្ធផលនៃកិច្ចខិតខំធ្វើការក្រោមការដឹកនាំដោយវិទ្យាស្ថានស្រាវជ្រាវវិទ្យាសាស្ត្រចិន The Institute of Geochemistry of Chinese Academy of Sciences ហើយត្រូវបានដាក់តាំងបង្ហាញជាផ្លូវការតាំងតែពីថ្ងៃទី៣០ខែឧសភា ឆ្នាំ២០២២ ខណៈដែលផែនទីចុងក្រោយដែលធ្លាប់បានធ្វើឡើងដោយអ្នកវិទ្យាសាស្ត្រអាមេរិកត្រូវបានបង្ហាញតាំងតែពីឆ្នាំ២០២០ ប៉ុន្តែផ្នែកលើមាត្រដ្ឋានត្រឹមតែ ១/៥០០ ០០០ប៉ុណ្ណោះ៕
Account
Security
Favourite Content