សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ក្នុងគ្រាដែលជម្លោះពាណិជ្ជកម្មកាន់តែក្តៅរវាងសហរដ្ឋអាមេរិក និងចិន កំពុងបន្តភាពតានតឹងនោះគេសង្កេតឃើញថា ទាំងរដ្ឋាភិបាលចិន និងពលរដ្ឋចិន បានចាត់ទុកថា ដុំមាស គឺជាអាវុធដ៏មានប្រសិទ្ធភាព និងជាយុទ្ធសាស្ត្រសម្រាប់ទប់ទល់ជាមួយនឹងបញ្ហាទាំងឡាយ។ កត្តានេះបានធ្វើឲ្យតម្លៃមាសនៅក្នុងប្រទេសចិននាពេលបច្ចុប្បន្នបានហក់ឡើងលើសតម្លៃជាមធ្យមរបស់ទីផ្សារសកលដល់ទៅ២០ដុល្លារ ពោលគឺផ្ទុយទាំងស្រុងពីតម្លៃមាស និងតម្រូវការមាសកាលពីឆ្នាំកន្លងទៅ។
The Gurufocus បានរកឃើញថា ក្នុងរយៈពេល៥ខែជាប់គ្នា ជាពិសេសកាលពីខែមីនាកន្លងទៅនេះ ធនាគារកណ្តាលនៃប្រទេសចិន បានសម្ងំប្រមូលទិញមាសបន្ថែមប្រមាណជា ២,៨តោនដាក់ទៅក្នុងទុនបម្រុងរបស់ខ្លួន ខណៈដែលរូបភាពនៃការទិញមាសជាទុនបម្រុងបែបនេះ ចិនធ្លាប់បានអនុវត្តម្តងរួចទៅហើយតាំងតែពីអាណត្តិដំបូងដែលដឹកនាំដោយប្រធានាធិបតី លោក Donald Trump មកម្ល៉េះ។
ដោយឡែក គិតត្រឹមតែមួយសប្តាហ៍កន្លងទៅ ការជួញដូរមាសនៅលើទីផ្សារដោយក្រុមអ្នកវិនិយោគក្នុងស្រុកមានទំហំដល់ទៅ ១,៧ពាន់លានដុល្លារ។
អ្នកជំនាញទិញ-លក់មាសក្នុងស្រុក លោក Aaron Chan បាននិយាយថា៖ តម្រូវការមាសនាពរលបច្ចុប្បន្នមិនត្រឹមតែជាដំណោះស្រាយសម្រាប់រយៈពេលខ្លីនោះទេ ប៉ុន្តែវាគឺតំណាងឲ្យវប្បធម៍នៃការជួញដូរមាសព្រមទាំងភាពធននៃទីផ្សារផងដែរ។ ដោយសារតែធនាគារធំៗកំពុងបន្តទិញមាស ហើយអ្នកវិនិយោគម្នាក់ៗក៏កំពុងទិញដុំមាសជាច្រើនដែរនោះ បានធ្វើឱ្យមាសមានតម្រូវការកាន់តែខ្លាំងណាស់ ហើយតម្លៃក៏ឡើងថ្លៃ។ សម្ពាធទាំងពីរប្រភពផ្សេងគ្នានេះនៅតែបន្ត ដែលវាទំនងជាមិនអាចធ្វើឲ្យទីផ្សារមាសចុះខ្សោយបានដោយងាយៗនោះឡើយ។
ដូច្នេះ មាសមិនត្រឹមតែប្រើប្រាស់សម្រាប់ភាពចម្រុះក្នុងប្រភពទុន និងវិនិយោគទេ ប៉ុន្តែគឺដើម្បីធានាឲ្យបាននូវស្ថិរភាពសេដ្ឋកិច្ចរៀងខ្លួន ស្របពេលដែលបណ្តារតនាគារជាតិនៃប្រទេសនានា ក៏កំពុងបាត់បង់ទំនុកចិត្តរបស់ពួកគេទៅលើរូបិយវត្ថុជាលុយដុល្លារ ដែលធ្លាប់មានតំណែងខ្ពស់ក្នុងទីផ្សារជាយូរមកហើយនោះ៕
Account
Security
Favourite Content