សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ស៊ុយអែត ៖ គិតមកដល់ពេលបច្ចុប្បន្ននេះ ពលរដ្ឋស៊ុយអែតជាច្រើនពាន់នាក់មកហើយដែលបានសម្រេចចិត្តក្នុងការទទួលយកបច្ចេកវិទ្យាដ៏អស្ចារ្យក្នុងការប្រើប្រាស់បន្ទះឈីបដ៏តូចមួយសម្រាប់ជំនួសឲ្យអត្តសញ្ញាប័ណ្ណផង ប្រើជាកូនសោរសុវត្ថិភាពផង ឬសូម្បីតែសំបុត្រសម្រាប់ធ្វើដំណើរតាមរថភ្លើងក៏អាចប្រើជំនួសបានដែរ ។
បន្ទះឈីបដ៏តូចមានទំហំប៉ុនគ្រាប់អង្ករមួយនេះ ជាផលិតផលរបស់ក្រុមហ៊ុនបច្ចេកវិទ្យា Ulrika Celsing នឹងត្រូវវះកាត់ដាក់បញ្ចូលទៅក្នុងផ្នែកមួយនៃសារពាង្គកាយរបស់អ្នកប្រើប្រាស់គឺជាបច្ចេកវិទ្យាដែលត្រូវបានណែនាំដំបូងនៅក្នុងប្រទេសតាំងតែពីឆ្នាំ២០១៥មកម្ល៉េះ ហើយអស់រយៈពេល៣ឆ្នាំចុងក្រោយនេះពលរដ្ឋស៊ុយអែតប្រមាណជាង ៣ ០០០នាក់មកហើយដែលបានទទួលយក។
ការអនុវត្តបច្ចេកវិទ្យាដ៏អស្ចារ្យនេះបានជួយដល់កិច្ចការងារ និងតម្រូវការចាំបាច់ប្រចាំថ្ងៃជាច្រើនរួចទៅហើយ ដូចជាការធ្វើដំណើរទៅហាត់ប្រាណជំនួសឲ្យការប្រើកាត (Gym Card) ការប្រើប្រាស់ជំនួសឲ្យកាត ឬជាសោរការិយាល័យសុវត្ថិភាព (Key Card) ហើយក៏អាចប្រើប្រាស់ជាមួយសេវាសាធារណៈមួយចំនួនរបស់រដ្ឋផងដែរ ដូចជារថយន្តក្រុង ការធ្វើដំណើរដោយរថភ្លើងជាដើម ជាក់ស្តែងកាលពីឆ្នាំកន្លងទៅក្រុមហ៊ុនរដ្ឋ SJ rail ទើបតែបានដាក់ឲ្យប្រើប្រាស់ជាមួយនឹងអ្នកដំណើរទាំងឡាយណាដែលមានប្រើប្រាស់បន្ទះឈីបដោយការប្រមូលលុយថ្លៃសំបុត្រតាមគណនេយ្យរបស់ពួកគេ ខណៈដែលតម្លៃនៃការដាក់បញ្ចូលឈីបក្នុងសាច់នេះអាចចំណាយថវិកាត្រឹមប្រមាណ ១១៥ដុល្លារតែប៉ុណ្ណោះ។
អ្នកជំនាញបានមើលឃើញទៀតថា បច្ចេកវិទ្យានេះក៏នឹងអាចប្រើប្រាស់ជាមួយនឹងការបញ្ជាទិញទំនិញដូចទៅនឹងអ្វីដែលកាតធនាគារ Credit Card អាចធ្វើបានដូចគ្នា បើទោះបីជាបច្ចុប្បន្នវាមិនទាន់ត្រូវបានធ្វើការតេស្តសាកល្បងនៅឡើយក្តី។
ស៊ុយអែត គឺជាប្រទេសមួយស្ថិតនៅក្នុងចំណោមបណ្តាប្រទេសផ្សេងទៀតដែលមានបំណងចង់អនុវត្តបច្ចេកវិទ្យានេះជាងគេបំផុតធៀបទៅនឹងប្រទេសអង់គ្លេស បារាំង និងអាមេរិក ហើយពលរដ្ឋទាំង១០លាននាក់របស់ខ្លួនមិនបានព្រួយបារម្ភឡើយក្នុងការចែករំលែកទិន្នន័យផ្ទាល់ខ្លួនរបស់ពួកគេជាមួយនឹងបន្ទះឈីប៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ទទួលផលពីអាជីវកម្មបរិយាបន្ន សហគមន៍កសិកម្មមួយអាចផ្គត់ផ្គង់បន្លែបានជាង១តោន ក្នុងមួយខែ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 19/04/2024
អាជីវកម្មបរិយាបន្ន គឺជាប្រភេទអាជីវកម្មគំរូថ្មីមួយដែលអាចផ្ដល់អត្ថប្រយោជន៍ជាច្រើនដល់អ្នកពាក់ព័ន្ធ និងអាចជំរុញសេដ្ឋកិច្ចទាំងក្នុងសហគមន៍ និងប្រទេសជាតិមួយ។
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
e-Choupal ជាវេទិកាអនឡាញធំបំផុតនៅឥណ្ឌាជួយនាំចេញកសិផលដោយផ្ទាល់ពីកសិករក្រីក្ររាប់លាននាក់
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
e-Choupal គែជាច្រកនាំចេញកសិផលដ៏ធំបំផុតមួយរបស់ឥណ្ឌាតាមរយៈបណ្តាញអ៊ិនធឺណេតដោយគិតមកដល់ពេលនេះមានកសិករក្រីក្រប្រមាណជា៤លាននាក់កំពុងអាស្រ័យផល
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content