សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ សភាពាណិជ្ជកម្មអឺរ៉ុបនៅកម្ពុជា (EuroCham) បានបើកដំណើរការវេទិកាថែទាំសុខភាព និងពិព័រណ៍នវានុវត្តន៍ ឆ្នាំ២០២៥ នៅថ្ងៃទី ៣០ ខែតុលា ឆ្នាំ២០២៥ នៅសណ្ឋគារ សាន់ អេន ម៉ូន រាជធានី ភ្នំពេញ ដើម្បីរួមចំណែកលើកស្ទួយវិស័យសុខាភិបាលនៅកម្ពុជា។
សភាពាណិជ្ជកម្មអឺរ៉ុបនៅកម្ពុជា នាដើមសប្តាហ៍នេះបានធ្វើសន្និសីទសារព័ត៌មានស្តីពី ការរៀបចំវេទិកាថែទាំសុខភាព និងពិព័រណ៍នវានុវត្តន៍ ឆ្នាំ២០២៥ ដើម្បីគូសបញ្ជាក់ពីគោលបំណងរបស់វេទិកា ប្រធានបទយុទ្ធសាស្ត្រ និងសំណើគោលនយោបាយ ស្តីពី អភិបាលកិច្ចសុខភាពឌីជីថល។
លោក ម៉ាទីន ប្រ៊ីសសុន (Martin Brisson )នាយកប្រតិបត្តិនៃ EuroCham បានលើកឡើងថា៖ ពិព័រណ៍នេះ គឺជាវេទិកាជាតិសម្រាប់កិច្ចសហការដែលនាំមកជាមួយគ្នានូវអ្នករៀបចំគោលនយោបាយ អ្នកវិនិយោគ និងអ្នកជំនាញថែទាំសុខភាព ដើម្បីរួមគ្នាបង្កើតប្រព័ន្ធសុខាភិបាលទំនើប និងធន់សម្រាប់ប្រទេសកម្ពុជា។
លោកបានបន្ថែមថា៖ គណៈកម្មាធិការថែរក្សាសុខភាព(Healthcare Committee) ដែលបង្កើតឡើងនៅឆ្នាំ២០១៥ ដើរតួនាទីយ៉ាងសំខាន់ក្នុងការលើកកម្ពស់ការអនុវត្តអាជីវកម្មប្រកបដោយក្រមសីលធម៌ និងគាំទ្រការអភិវឌ្ឍទីផ្សារថែទាំសុខភាពប្រកបដោយសុវត្ថិភាព និងតម្លាភាព នៅក្នុងប្រទេសកម្ពុជា ។
លោកបានបន្តថា៖ ក្នុងរយៈពេលមួយទសវត្សរ៍កន្លងមក គណៈកម្មាធិការបានពង្រីកខ្លួនផ្តោតលើសុចរិតភាពឱសថ និងការអនុលោមតាមបទប្បញ្ញត្តិ ក្នុងនោះរួមមាននាវានុវត្តន៍សុខភាពឌីជីថល និងក្របខ័ណ្ឌការពារទិន្នន័យជាដើម។
លោកវេជ្ជបណ្ឌិត Elias Engelking សហប្រធានគណៈកម្មាធិការថែទាំសុខភាពនៃ EuroCham បានមានប្រសាសន៍ថា៖ ប្រទេសកម្ពុជាកំពុងផ្លាស់ប្តូរឆ្ពោះទៅរកឋានៈជាប្រទេសដែលមានចំណូលមធ្យមកម្រិតខ្ពស់ ដូច្នេះ ការកសាងប្រព័ន្ធសុខភាពឌីជីថល នឹងអាស្រ័យលើការបង្កើតរួមគ្នារវាងរដ្ឋ និងឯកជនប្រកបដោយប្រសិទ្ធភាព ដោយលាយបញ្ចូលគ្នានូវបទប្បញ្ញត្តិ ជាមួយនឹងដើមទុន និងនវានុវត្តន៍របស់វិស័យឯកជន។
សូមជម្រាបថា វេទិកាថែទាំសុខភាព និងពិព័រណ៍នវានុវត្តន៍ឆ្នាំ២០២៥ បានប្រព្រឹត្តទៅនៅថ្ងៃព្រហស្បតិ៍ ទី៣០ ខែតុលា ក្នុងរាជធានីភ្នំពេញ ដោយបានប្រមូលផ្តុំថ្នាក់ដឹកនាំមកពីរាជរដ្ឋាភិបាល ធុរកិច្ច និងការអភិវឌ្ឍន៍អន្តរជាតិ ដើម្បីស្វែងយល់ពីរបៀបដែលនវានុវត្តន៍សុខភាពឌីជីថល អាចជំរុញវិស័យថែទាំសុខភាពរបស់ប្រទេសកម្ពុជា៕
Account
Security
Favourite Content