សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
F-35 Lightning II យន្តហោះជំនាន់ទី៥ របស់ F-35 នៅក្នុងភ្នែករបស់ពិភពលោកទាំងអ្នកវិនិយោគអតិថិជន និងអ្នកផលិតផងគឺជាកម្មវិធីអាវុធដែលទទួលបានភាពជោគជ័យបំផុតមួយរបស់រដ្ឋាភិបាលអាមេរិក និងសម្រាប់ក្រុមហ៊ុនផលិត Lockheed Martin។
ហេតុអ្វីកម្មវិធីលក់អាវុធមួយនេះទទួលបានជោគជ័យខ្លាំងបែបនេះ?
សម្រាប់តម្រូវការក្នុងស្រុកផ្ទាល់ខ្លួនរដ្ឋាភិបាលក្រុងវ៉ាស៊ីនតោនបានបញ្ជាទិញយន្តហោះចម្បាំងជំនាន់ទី៥នេះដល់ទៅ២៥០០គ្រឿង ខណៈដែលដៃគូអន្តរជាតិអាចនឹងបញ្ជាទិញទ្វេដងក្នុងរយៈពេលប៉ុន្មានឆ្នាំខាងមុខ។
ចាប់តាំងតែពីឆ្នាំ២០០០គំរូយន្តហោះចម្បាំងនេះបានបង្ហាញខ្លួនដំបូងជាប្រវត្តិសាស្ត្រដែលគ្រានោះត្រូវបានគេដាក់ឈ្មោះថា X-35 មកទល់ពេលនេះក្រុមហ៊ុន Lockheed បានផលិតយន្តហោះចម្បាំងម៉ូដេល F-35 សរុបជិត១០០០គ្រឿងទៅហើយ ហើយសរុបជាប្រាក់ចំណូលសម្រាប់ក្រុមហ៊ុនអាចមានចំនួនទៅដល់១ទ្រីលានដុល្លារ។ X-35 គឺជាគំរូយន្តហោះចម្បាំងដើមនៃម៉ូដេល F-35 ប៉ុន្តែកាលពីគ្រានោះអាមេរិកបានផលិតចំនួនតែ២គ្រឿងប៉ុណ្ណោះគឺ X-35A / B និង X-35C ដែលមកទល់ពេលនេះវាទាំងពីរត្រូវបានគេដាក់ឲ្យចូលនិវត្តរួចទៅហើយ។
F-35 ត្រូវបានចាត់ទុកថាជាយន្តហោះចម្បាំងជួរមុខ និងទំនើបបំផុតរបស់អាមេរិក ដែលទទួលបានប្រជាប្រិយភាពបំផុតពីសំណាក់អតិថិជនដែលជាដៃគូសម្ព័ន្ធមិត្តរបស់អាមេរិក ហើយពួកគេបានចំណាយលុយរាប់ពាន់លានដុល្លារជារៀងរាល់ឆ្នាំដើម្បីបញ្ជាទិញយន្តហោះប្រភេទនេះ។ជាក់ស្ដែង កាលពីឆ្នាំ២០២២ ក្រុមហ៊ុន Lockheed អាចទទួលបានចំណូលដល់ទៅ៦៦ពាន់លានដុល្លារពីការបញ្ជាទិញ F-35 សរុប។
យោងតាមទិន្នន័យចេញផ្សាយដោយ FlightGlobal ប្រទេសចំនួន១៧បច្ចុប្បន្នបានចូលរួមក្នុងកម្មវិធី F-35 ដើម្បីមានសិទ្ធិក្នុងការបញ្ជាទិញយន្តហោះចម្បាំងនេះទាំងដែលប្រទេសខ្លះបានទទួលយន្តហោះចម្បាំងមួយចំនួន ហើយខ្លះទៀតមិនទាន់ទទួលបាននៅឡើយក្តី។
មូលហេតុដ៏សំខាន់មួយទៀតដែលធ្វើឲ្យកម្មវិធីនេះទទួលបានជោគជ័យបំផុតនោះគឺក្រៅតែពីតម្លៃដ៏ថ្លៃនោះគឺថា Lockheed ក៏នឹងទទួលបានប្រាក់ចំណូលបន្ថែមពីការហ្វឹកហាត់បច្ចេកទេសការជួសជុលការលក់គ្រឿងបន្លាស់ និងជម្រើសបន្ថែមមុខងារលើយន្តហោះជាច្រើនផ្សេងទៀត។ គួរឲ្យដឹងដែរថា យន្តហោះចម្បាំង F-35 ដែលអាមេរិកលក់ចេញក្នុងមួយគ្រឿងអាចស្ថិតនៅក្នុងចន្លោះតម្លៃប្រមាណជា ៤៥០លានដុល្លារពោល គឺមានទំហំច្រើនជាងតម្លៃថ្លៃដើមនៃការផលិតដល់ទៅ៥ដង ដែលមានត្រឹមតែ ៩៨,២២លានដុល្លារក្នុងមួយគ្រឿង៕
Account
Security
Favourite Content