សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គិតចាប់ពីឆ្នាំ១៩៩០ ដល់ដើមឆ្នាំ២០២៥នេះ ប្រទេសចិន បានផ្ដល់ជំនួយអភិវឌ្ឍន៍ជាផ្លូវការដល់កម្ពុជាសរុបជាទឹកប្រាក់ប្រមាណជិត៦ពាន់លានដុល្លារអាមេរិកសម្រាប់អភិវឌ្ឍលើវិស័យសំខាន់ៗដូចជាហេដ្ឋារចនាសម្ព័ន្ធ ថាមពល និងអគ្គិសនី អប់រំ សុខាភិបាល កសិកម្ម និងប្រព័ន្ធធារាសាស្ត្រជាដើម ។ នេះបើយោងតាមប្រភពទិន្នន័យពីគណៈកម្មកាធិការសហប្រតិបត្តិការអភិវឌ្ឍន៍កម្ពុជានៃក្រុមប្រឹក្សាអភិវឌ្ឍន៍កម្ពុជា ។
ជាការកត់សម្គាល់នូវសមិទ្ធផលដែលចិនបានផ្ដល់ឱ្យកម្ពុជា ហើយកម្ពុជាកំពុងប្រើប្រាស់ជាប្រយោជន៍ដល់សេដ្ឋកិច្ចនាពេលបច្ចុប្បន្ននេះ រួមមានស្ពានមិត្តភាពកម្ពុជា – ចិនជ្រោយចង្វារ មន្ទីរពេទ្យមិត្តភាពកម្ពុជា ពេទ្យលោកសង្ឃ ពហុកីឡដ្ឋានមរតតេជោ សាលារៀន និងផ្លូវថ្នល់ជាច្រើនខ្សែនៅតាមបណ្ដាខេត្តនានាក្នុងប្រទេសកម្ពុជា ។
ក្រៅពីជំនួយនេះដែរ ចិនក៏បានបញ្ជូនអ្នកវិនិយោគរបស់ខ្លួនមកបណ្ដាក់ទុនវិនិយោគនៅកម្ពុជាជាច្រើនពាន់លានដុល្លារអាមេរិកផងដែរក្នុងមួយឆ្នាំៗ ហើយតាមរយៈការវិនិយោគរបស់ចិននេះដែរ បានធ្វើឱ្យសេដ្ឋកិច្ចកម្ពុជាកាន់តែបោះជំហានទៅមុខជាលំដាប់ ជាក់ស្ដែងគម្រោងផ្លូវល្បឿនលឿនភ្នំពេញ ក្រុងព្រះសីហនុ ជាគម្រោងវិនិយោគរបស់ចិន បាន និងកំពុងបម្រើដល់សេដ្ឋកិច្ចកម្ពុជា និងជំរុញការវិនិយោគរវាងភ្នំពេញ និងព្រះសីហនុ ។ ក្រៅពីនេះមានអគារខ្ពស់ៗជាច្រើននៅក្នុងរាជធានីភ្នំពេញ និងបណ្ដាខេត្តមួយចំនួនទៀតក៏ជាគម្រោងវិនិយោគរបស់វិនិយោគិនចិនផងដែរ ។
នៅក្នុងដំណើរទស្សនកិច្ចផ្លូវរដ្ឋនៅក្នុងប្រទេសកម្ពុជា ឯកឧត្តម ស៊ី ជីនពីង ប្រធានាធិបតីចិន បានថ្លែងថា កម្ពុជា គឺជាអាទិភាពមួយនៅក្នុងយុទ្ធសាស្រ្តការទូតជិតខាងរបស់ប្រទេសចិន។ ចិននឹងបន្តផ្តល់ការគាំទ្រដោយឥតងាករេចំពោះកម្ពុជាក្នុងការប្រកាន់ខ្ជាប់សិទ្ធិស្វ័យភាពយុទ្ធសាស្រ្ត និងការដើរលើគន្លងផ្លូវអភិវឌ្ឍន៍ ដែលសមស្របជាមួយស្ថានភាពជាតិរបស់កម្ពុជា ៕
Account
Security
Favourite Content