មុននឹងសម្រេចចិត្តចុះហត្ថលេខាលើកិច្ចសន្យាឥណទាន លោកអ្នកត្រូវសិក្សាពីលក្ខខណ្ឌទាំងអស់

ភ្នំពេញ ៖ ជាការពិតណាស់ មុននឹងសម្រេចចិត្តចុះហត្ថលេខាលើកិច្ចសន្យាឥណទាន លោកអ្នកត្រូវពិនិត្យ ឬអាចស្នើសុំឱ្យបុគ្គលិកឥណទានរបស់គ្រឹះស្ថានពន្យល់លម្អិតអំពីលក្ខខណ្ឌទាំងអស់ដែលមាន ដើម្បជាមួលដ្ឋានក្នុងការសម្រេចចិត្តប្រើប្រាស់ផលិតផល និងសេវាហិរញ្ញវត្ថុ ត្រូវទៅតាមតម្រូវការរបស់ខ្លួន ហើយនិងអាចជៀសវាងបាតុភាពនានា អំឡុងពេលប្រើប្រាស់ផលិតផល និងសេវាហិរញ្ញវត្ថុ។

កិច្ចសន្យាឥណទានមានលក្ខណៈខុសគ្នាទៅតាមទំហំ និងប្រភេទនៃគ្រឹះស្ថាន ប៉ុន្តែព័ត៌មានចាំបាច់មួយចំនួនតម្រូវឱ្យមាន ដូចជា៖ ព័ត៌មានអតិថិជន គោលបំណងឥណទាន ប្រភេទឥណទាន ទំហំឥណទានដែលបានអនុម័ត អត្រាការប្រាក់ កម្រៃសេវាផ្សេងៗ ឥណប្រតិទាន (ថ្ងៃសងផ្តាច់) ទ្រព្យធានា លក្ខខណ្ឌបង់ផ្តាច់មុនកាលកំណត់ លក្ខខណ្ឌនៃការបង់សងប្រាក់ ព័ត៌មានអ្នកធានា ការពិន័យពេលសងយឺត ព្រមទាំងលក្ខខណ្ឌផ្សេងៗទៀត។

អតិថិជនត្រូវអាន ឬត្រូវបានពន្យល់ឱ្យច្បាស់លាស់ និងត្រូវយល់ស្របនូវគ្រប់លក្ខខណ្ឌនៃកិច្ចសន្យាដែលបានចែងមុននឹងចុះហត្ថលេខា និង/ឬ ផ្តិតមេដៃលើកិច្ចសន្យាឥណទាន និងឯកសារផ្សេងៗ។ ក្នុងករណីមិនយល់ស្របលើចំណុចណាមួយនៃកិច្ចសន្យា អតិថិជនអាចស្នើសុំឱ្យគ្រឹះស្ថានធ្វើការកែសម្រួល។

កាលពីថ្ងៃ២៧ ខែធ្នូ ឆ្នាំ២០១១ ធនាគារជាតិនៃកម្ពុជា បានដាក់ចេញប្រកាសលេខ ធ៧-០១១-២៤៣ ប្រ.ក ស្តីពី តម្លាភាពក្នុងការផ្តល់សេវាឥណទាន របស់គ្រឹះស្ថានធនាគារនិងហិរញ្ញវត្ថុ ដែលចែងចំណុចសំខាន់ៗ ដូចជា៖

• គ្រប់គ្រឹះស្ថានធនាគារ និងហិរញ្ញវត្ថុ ត្រូវធានាថាការផ្សព្វផ្សាយ ពាណិជ្ជកម្ម និងពាក្យពេចន៍ ក្នុងការផ្សព្វផ្សាយមានលក្ខណៈយុត្តិធម៌ច្បាស់លាស់ មិនធ្វើឱ្យភាន់ច្រឡំ និងត្រូវធានាថាអតិថិជនបានទទួល ព័ត៌មានច្បាស់លាស់អំពីផលិតផល និងសេវាកម្មរបស់ខ្លួន

• អតិថិជនត្រូវទទួលបានព័ត៌មានច្បាស់លាស់អំពីផលិតផល និងសេវាកម្មទាំងឡាយនៅមុនពេល ឬ ក្នុងពេល ឬ បន្ទាប់ពីពេលទទួល សេវាឥណទាន ដោយរួមមាន បែបបទដំណើរការនៃឥណទាន លក្ខខណ្ឌ អត្រាការប្រាក់ និងកម្រៃដែលជាបន្ទុករបស់អតិថិជន និង

• អតិថិជនត្រូវទទួលបានព័ត៌មានជាមុន អំពីការប្រែប្រួលអត្រាការប្រាក់ កម្រៃ និងលក្ខខណ្ឌផ្សេងៗទៀត។

សូមបញ្ជាក់ឡើងវិញផងដែរថា មុននឹងសម្រេចចិត្តចុះហត្ថលេខាលើកិច្ចសន្យាឥណទាន អតិថិជនត្រូវពិនិត្យ ឬ អាចស្នើសុំឱ្យបុគ្គលិកឥណទានរបស់គ្រឹះស្ថាន ពន្យល់លម្អិត អំពីលក្ខខណ្ឌទាំងអស់ដែលមាន។ នៅពេលអតិថិជន ចុះហត្ថលេខាលើកិច្ចសន្យាឥណទាន មានន័យថា អតិថិជនយល់ស្របលើលក្ខខណ្ឌទាំងអស់។

បន្ថែមពីទ្រព្យធានា គ្រឹះស្ថានធនាគារ និងហិរញ្ញវត្ថុ អាចតម្រូវឱ្យអតិថិជនមានអ្នកធានាលើឥណទាន។ ក្នុងករណីអតិថិជនអស់លទ្ធភាពសងឥណទាន អ្នកធានាត្រូវទទួលខុសត្រូវលើឥណទាន ដូចមានចែងក្នុងកិច្ចសន្យាឥណទាន។ ដូច្នេះ មុននឹងចុះហត្ថលេខាធ្វើជាអ្នកធានាចំពោះឥណទាន យើងត្រូវចងចាំ «អ្នកធានាមានកាតព្វកិច្ច និងទំនួលខុសត្រូវចំពោះឥណទានដូចទៅនឹងអ្នកខ្ចីដែរ»។

ក្នុងករណី ដែលអតិថិជនបានជួបគ្រឹះស្ថានធនាគារ និងហិរញ្ញវត្ថុណាមួយបានរំលោភ ឬអនុវត្តខុសពីលក្ខខណ្ឌ ដែលចែងក្នុងកិច្ចសន្យាឥណទាន សូមអតិថិជនមេត្តារាយការណ៍ មកកាន់សមាគមធនាគារនៅកម្ពុជា ឬ សមាគមមីក្រូហិរញ្ញវត្ថុកម្ពុជា ឬ ធនាគារជាតិនៃកម្ពុជា៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល