សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ក្រោយការរង់ចាំអស់រយៈពេលជិត៤ឆ្នាំកន្លងមកនេះ ក្រុមហ៊ុន Huawei អាចត្រឡប់មកប្រកួតប្រជែងទីផ្សារស្មាតហ្វូនវិញស្មើមុខស្មើមាត់ជាមួយនឹងក្រុមហ៊ុនយក្សអាមេរិក Apple ហើយដោយអាចទទួលបានប្រតិបត្តិការលក់ស្មាតហ្វូនបានច្រើនជាងគេគិតត្រឹមខែសីហាកន្លងមកនេះ។
ទោះបីជាយ៉ាងណាក្តី តួលេខនេះគឺធ្វើឡើងនៅក្នុងទីផ្សារប្រទេសចិនប៉ុណ្ណោះដោយក្នុងនោះគេសង្កេតឃើញថាការវិលត្រឡប់មកវិញលើកនេះបានទទួលភាពជោគជ័យខ្ពស់ដោយសារតែការបំពាក់ជាមួយនឹងបច្ចេកវិទ្យា 5G ថ្មី ។
គួររំលឹកថា Huawei បានបាត់បង់កេរ្ត៍ឈ្មោះ និងទីផ្សារដ៏ធំពីពិភពលោកក្រោយពេលដែលទទួលរងទណ្ឌកម្មដោយរដ្ឋាភិបាលទីក្រុងវ៉ាស៊ិនតោន ប៉ុន្តែក្រុមហ៊ុនយក្សចិនមួយនេះបានចាប់ផ្តើមមានសកម្មភាពលក់ខ្លាំងឡើងវិញកាលពីឆ្នាំកន្លងទៅ។
តាមការស្រាវជ្រាវកាលពីពេលកន្លងទៅនេះគេបានសង្កេតឃើញថា Huawei បានកាន់កាប់តំណែងទីផ្សារក្នុងស្រុកវិញលើកនេះក៏ដោយសារតែមានការធ្លាក់ចុះនៃការនាំចូលពីសំណាក់ក្រុមហ៊ុនអ្នកលក់ស្មាតហ្វូនរបស់បរទេស ពោលគឺក្នុងអត្រាធ្លាក់ចុះប្រមាណជា១២,៧ភាគរយធៀបទៅនឹងឆ្នាំ២០២៣។
គិតត្រឹមខែសីហាកន្លងទៅនេះ ការនាំចូលស្មាតហ្វូនពីក្រៅប្រទេសមានត្រឹមតែ១,៨៧លានគ្រឿងធៀបទៅនឹងឆ្នាំចាស់ដែលចិននាំចូលសរុបដល់ទៅ២,១៤លានគ្រឿង ខណៈដែលការដាក់លក់ស្មាតហ្វូនក្នុងស្រុកបានហក់ឡើងក្នុងកំណើនដល់ទៅ២៤,០៥លានគ្រឿងក្នុងពេលដូចគ្នានេះ ឬប្រមាណជា២៦,៧ភាគរយ។
គួរឲ្យដឹងដែរថា តម្រូវការក្នុងទីផ្សារខ្លាំងសម្រាប់ម៉ូដែលទូរសព្ទលំដាប់ខ្ពស់របស់ក្រុមហ៊ុន Huawei មានដូចជា ស៊េរី Mate និង Pura ក៏ដូចជាស្មាតហ្វូនដែលអាចបត់បាន ដូចជា Mate XTជាដើម។
ម៉ូដេល ដែលទើបនឹងចេញទាំងនោះបានជួយបង្កើនតម្លៃលក់ជាមធ្យមរបស់ក្រុមហ៊ុន និងប្រាក់ចំណូលលក់ដុំឱ្យកើនឡើងខ្ពស់ក្នុងត្រីមាសទី២ ហើយទីផ្សារក្នុងស្រុកនៅតែជាទីផ្សារធំជាងគេបំផុតរបស់ក្រុមហ៊ុន Huawei ដែលមានចំនួនប្រមាណជា៨៩ភាគរយនៃការនាំចេញស្មាតហ្វូនទូទាំងពិភពលោករបស់ខ្លួន៕
Account
Security
Favourite Content