សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ផ្សិតប៉ក់ គឺជាប្រភេទផ្សិតម្យ៉ាងដែលដុះនៅតាមបណ្ដាខេត្តដែលស្ថិតនៅប៉ែកពាយព្យនៃប្រទេសកម្ពុជា ជាពិសេសគឺខេត្តដែលមានព្រៃស្រោង និងទឹកភ្លៀងធ្លាក់ច្រើន។ ផ្សិតនេះត្រូវបានរាប់បញ្ចូលជាអនុផលព្រៃឈើដ៏សំខាន់សម្រាប់ប្រជាសហគមន៍ ដោយក្នុងមួយឆ្នាំៗ ផ្សិតប្រភេទនេះអាចផ្តល់ចំណូលដល់ប្រជាសហគមន៍រហូតទៅដល់រាប់ម៉ឺនដុល្លារ។
ចំពោះផ្សិតប្រភេទនេះភាគច្រើនត្រូវបានឈ្មួញដែលជាជនជាតិថៃប្រមូលទិញយករាប់រយគីឡូក្នុងមួយថ្ងៃៗ ដោយក្នុងមួយគីឡូមានតម្លៃចន្លោះពី ១ម៉ឺន៥ពាន់ ទៅ៤ម៉ឺនរៀល។ ពាក់ព័ន្ទទៅនឹងតម្រូវការទីផ្សារទាំងនៅក្នុងស្រុករហូតដល់ប្រទេសជិតខាងបែបនេះ មានសំណួរចោទសួរឡើងថា តើផ្សិតនេះមានអត្ថប្រយោជន៍យ៉ាងណា និងមានលក្ខខណ្ឌក្នុងការដុះបានយ៉ាងដូចម្ដេច ទើបបានជាឈ្មួញត្រូវការម៉្លេះ ?
មែនទែនទៅ ផ្សិតប៉ក់មានដុះចាប់ពីចុងខែមីនា រហូតដល់ពាក់កណ្ដាលខែឧសភា ទៅតាមទំហំទឹកភ្លៀង។ វាដុះនៅក្នុងព្រៃស្រោង កន្លែងដែលមានដើមឈើធំៗម្លប់ៗ និងនៅតាមស្មៅក្រាស់ៗដែលមានភាពសើម ដោយដុះផ្ដុំគ្នាប្រញឹក ជាគុម្ពៗ។ នេះបើតាមការលើកឡើងរបស់លោក សី សេត ប្រធានបណ្ដាញសហគមន៍មូលដ្ឋានទាំង១៤ នៅក្នុងតំបន់គូលេនព្រហ្មទេព។
បើតាមការបញ្ជាក់របស់អាជ្ញាធរខេត្តពោធិ៍សាត់ ផ្សិតប្រភេទនេះ កើតចេញពីផេះផង់ ដែលជាសំណល់នៃភ្លើងឆេះព្រៃកន្លងមក លុះត្រូវបានការស្រោចស្រពដោយដំណក់ទឹកភ្លៀង ក៏កើតចេញជាផ្សិតនេះឡើង ហើយផ្សិតប្រភេទនេះទៀតសោត គឺខុសពីផ្សិតធម្មតាត្រង់វាដុះនៅក្នុងដី ដែលមានរាងមូលដូចពងក្រួច ហើយគេអាចសម្គាល់បានដោយឃើញមានដីពើងប្រេះឡើងលើ នៅតំបន់ដែលធ្លាប់មានភ្លើងឆេះព្រៃ ហើយលុះត្រាតែអ្នកមានបទពិសោធន៍រកផ្សិតនេះប៉ុណ្ណោះទើបអាចរកវាឃើញ ។
បច្ចុប្បន្ននេះ ផ្សិតប៉ក់ ត្រូវបានគេយកទៅច្នៃធ្វើប្រភេទអាហារផ្សេងៗ និងយកទៅចម្រាញ់ធ្វើជាសាច់កំប៉ុង និងផ្សិតកំប៉ុងដែលលក់នៅប្រទេសថៃ ដូច្នេះហើយទើបឈ្មួញដែលទិញភាគច្រើនជាជនជាតិថៃ។ ផ្សិតនេះ ត្រូវបានប្រជាពលរដ្ឋអះអាងថា មានរសជាតិឆ្ងាញ់ប្លែក គឺដូចជាគ្រាប់ផ្លែខ្នុរដូច្នោះដែរ ហើយរាល់ទិន្នផលផ្សិតដែលប្រមូលបាន គឺត្រូវឈ្មួញប្រមូលទិញយកអស់ៗតែម្ដង។ គួរបញ្ជាក់ដែរថា ផ្សិតនេះបានជួយដល់បងប្អូនប្រជាសហគមន៍ច្រើនណាស់ក្នុងមួយរដូវៗ ដោយមានក្រុមគ្រូសារខ្លះអាចទទួលបានចំណូលរហូតទៅដល់មានលទ្ធភាពទិញម៉ូតូ គោយន្ដ មេគោ និងទិញដីស្រែចំការផងដែរ។ តាមកំណត់ត្រារបស់អ្នកប្រមូលទិញក្នុងសហគមន៍កាលពីឆ្នាំ២០២០កន្លងទៅ ការប្រម៉ូលផ្សិតប៉ក់ ជាមធ្យមមួយគ្រួសារប្រមូលបានប្រមាណ១៣៣គីឡូក្រាម លក់បានប្រាក់ជាមធ្យម ៣ ៩៩០ ០០០រៀល ស្មើនឹងជិត ១០០០ដុល្លារ ហើយបើគិតជាចំណូលរួមក្នុងសហគមន៍ គឺបានប្រហែល ១១ម៉ឺនដុល្លារ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រយៈពេល១៣ឆ្នាំ ពន្ធដារបង្កើនការប្រមូលចំណូលពីជាង ៧០០លានដុល្លារ ដល់ ៣,៥៧ពាន់លានដុល្លារ
Top News, ព្រឹត្តិការណ៍, សេដ្ឋកិច្ច
• 21/05/2026
ក្នុងរយៈពេល១៣ឆ្នាំកន្លងមកនេះ ពន្ធដារ បានបង្កើនការប្រមូលចំណូលពីប្រមាណជាង៧០០លានដុល្លារអាម៉េរិក ដល់ជាង ៣,៥៧ពាន់លានដុល្លារអាម៉េរិក ដោយបានរួមចំណែកដល់ការកសាងសេដ្ឋកិច្ចកម្ពុជាឱ្យកាន់តែរីកចម្រើនឡើង
ប្រវត្តិសាស្ត្រថ្មី ! ស៊ុយអែតបញ្ជាទិញនាវាចម្បាំងធុនធំពីបារាំងក្នុងទំហំទឹកប្រាក់ ៤.២ពាន់លានដុល្លារ
ព្រឹត្តិការណ៍, អាជីវកម្មថ្មី និងនវានុវត្ត
• 21/05/2026
រដ្ឋាភិបាលស៊ុយអែត បានសម្រេចបញ្ជាទិញនាវាចម្បាំងធុនធំ (Frigate) ប្រភេទ FDI (Frégate de Défense et d’Intervention) ចំនួន ៤ គ្រឿង ពីក្រុមហ៊ុនបារាំងក្នុងតម្លៃសរុបប្រមាណជា ៤.២ ពាន់លានដុល្លារអាម៉េរិក
អ្នកជំនាញសាទរគម្រោងវិនិយោគបង្កើតរោងចក្រផលិតគ្រឿងបង្គុំរថយន្តលើកដំបូងនៅកម្ពុជា
ព្រឹត្តិការណ៍, អាជីវកម្មថ្មី និងនវានុវត្ត
• 20/05/2026
ដោយមើលឃើញពីសក្តានុពលនៃការវិនិយោគ ក្រុមហ៊ុនអន្តរជាតិមួយ បានបង្ហាញពីគោលបំណងបោះទុនវិនិយោគបង្កើតរោងចក្រផលិតគ្រឿងបង្គុំរថយន្តលើកដំបូងបង្អស់នៅកម្ពុជា
ប្រព័ន្ធផ្គត់ផ្គង់ទឹកស្អាតតម្លៃជាង១២លានដុល្លារ ជួយប្រជាពលរដ្ឋជិត៩ពាន់គ្រួសារបន្ថែមទៀតនៅក្នុងក្រុងកំពង់ចាម
ព្រឹត្តិការណ៍, អាជីវកម្មថ្មី និងនវានុវត្ត
• 20/05/2026
ប្រព័ន្ធផ្គត់ផ្គង់ទឹកស្អាតតម្លៃជាង១២លានដុល្លារ ជួយប្រជាពលរដ្ឋជិត៩ពាន់គ្រួសារបន្ថែមទៀតនៅក្នុងក្រុងកំពង់ចាម និងតំបន់ជុំវិញ បានទទួលសេវាទឹកស្អាត
លើកកម្ពស់ផលិតផលក្នុងស្រុក និងពង្រឹងសមត្ថភាពសហគ្រាសធុនតូច និងមធ្យម – សហគ្រិនខ្មែរ និងផ្សារអុីអន រៀបចំពិព័រណ៍ផលិតផលក្នុងស្រុក
ព្រឹត្តិការណ៍, អត្ថបទពាណិជ្ជកម្ម
• 20/05/2026
លើកកម្ពស់ផលិតផលក្នុងស្រុក និងពង្រឹងសមត្ថភាពសហគ្រាសធុនតូច និងមធ្យម - សហគ្រិនខ្មែរ និងផ្សារអុីអន រៀបចំពិព័រណ៍ផលិតផលក្នុងស្រុក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content